Компьютерді озат меңгерген сынып

КОМПЬЮТЕРДІ ОЗАТ  МЕҢГЕРГЕН СЫНЫП

 (7 –сыныптар)

Сабақтың мақсаты:

• Оқушылардың алған білімдерін жинақтау
• Оқушылардың ой-өрісі мен танымдық қасиеттерін дамыту
• Оқушыларды адамгершілікке, әдептілікке, шығармашылыққа баулу
• Оқушылардың өз ойларын еркін жеткізуге дағдыландыру

Жүргізуші: Құрметті ұстаздар, қонақтар, оқушылар! «КОМПЬЮТЕРДІ ОЗАТ  МЕҢГЕРГЕН СЫНЫП» білгірлер сайысына қош келдіңіздер! Бақ пен бап сыналар бұл жарысқа қатысып отырған оқушыларға сәт сапар тілейміз. 
Сайысқа 3сыныптан құралған 3 топ (3 – 4 оқушыдан құралған)  қатысады. Әр топ өз командасының эмблемасымен, газетімен таныстырады.

Cайыс кезеңдері

1. Таныстыру.

2- Дешифратор (сұрақтарға жауап)

3- Кім жылдам? (жауабын табу)

4- Кім күшті? (сөздер құрастыру)

5- Компьютермен жұмыс (реферат сыртын әсемдеу)

6- Тіл өнері (орыс, ағылшын сөзді табу)

7- Тест жұмысы

8 – Практикалық жұмыс

І. кезең. Үй тапсырмасы бойынша команда мүшелерімен, газет, эмблемасымен таныстырады.

ІІ кезең бойынша  «Дешифратор» кезеңі сұрақтарға жауап беру.
 

І командаға 
1. «Ақпарат» сөзі латын тілінен аударғанда түсіндіру, баяндау,мәлімет дегенді бәлдіреді. (ия) 
2. Баспаға шығару құрылғысы пернетақта деп аталады. (жоқ) 
3. Адам ақпаратты сақтай алмайды. (жоқ) 
4. Ең алғашқы ЭЕМ 1946 жылы АҚШ- та пайда болды.(ия) 
5. Ақпараттың ең кіші өлшем бірлігі килобайт деп аталады. (жоқ) 
6. Компьютер ақпараттық процестерді жүзеге асыратын құрал.(ия) 
7. Тышқан ақпаратты сақтауға арналған құрылғы. (жоқ) 
8. 1 байт 8 битке тең. (ия) 
9. Пернетақта компьютерге ақпаратты енгізу құрылғысы. (ия) 
10. Қазіргі компьютерлердің пернетақтасында 80 перне болады. (жоқ) 

 

ІІ командаға 
1. «Информатика» пәні ЭЕМ-нің көмегімен ақпараттарды жинау, сақтау, өңдеу заңдылықтарын зерттейтін ғылым. (ия) 
2. 1 Килобайт 1024 байтқа тең. (ия) 
3. Delete алдыңғы символды өшіру пернесі (жоқ) 
4. Дисплей компьютер экранына ақпаратты шығарушы құрылғы (ия) 
5. Компьютерде жұмыс жасау үшін операциялық жүйенің қажеті жоқ. (жоқ) 
6. Сканер ақпаратты енгізу құрылғысы. (ия) 
7. Электронды есептеуіш техниканың даму тарихы бірнеше буындарға бөлінеді. (ия) 
8. Процессор- ол компьютердің миы. (ия) 
9. 1 Мегабайт 8 байтқа тең. (жоқ) 
10. ЭЕМ-нің дамуының ІІІ буынында электрондық шамдар пайдаланылды. (жоқ) 

ІІІ командаға 
1. Бит, байт аұпараттың өлшем бірліктері. (ия) 
2. 1 Кбайтта 1024 Мбайт бар. (жоқ) 
3. Пернетақта, сканер ДК- дің сыртқы құрылғыларына жатады. (ия) 
4. Delete пернесі оң жағында тұрған символды өшіреді. (ия) 
5. ЭЕМ- нің даму тарихы 7 буыннан тұрады. (жоқ) 
6. Пернетақта компьютерге ақпаратты енгізу құрылғысы. (ия) 
7. 1846 жылы Бэббидж машинасына программа жазған Ада Лавлейс. (ия) 
8. Адамға ақпарат дыбыс, мәтін, графикалық түрде берілмейді. (жоқ) 
9. Принтер- ақпаратты қағазға басып шығаратын құрылғы. (ия) 
10. ЭЕМ дамуының І буынында электрондық шамдар пайдаланылды. (ия) 

(Әділқазылар алқасы әр команданың қанша балл жинағанын айтып өтеді) 
 

ІІІ. кезең. Кім жылдам?

1. Paint қызметі …………….салу?

2. Суретке мәтін ендіру құралы?

3. Жазба әpiптepдi үлкен әріптерге өзгертетін  перне?

4. Енгізу пернесі?

5. Paint терезесінің  төменгі сол жағында түстер  таңдайтын көрсеткіш?

6. Баспаға шығару үшін Paint -.. командасын   орындаймыз?

7. Графиктік редактор?

8. Калькулятордің неше түрі бар?

9. Word Pad қандай бағдарлама?

(әр топқа үш сұрақтан қойылады)

ІV кезең. Кім күшті?

    «Программаландыру» сөзінен бірнеше сөздер құрастыру керек. (әр командаға жеке-жеке парақ беріледі. Көп сөздер тапқан команда есептеледі)

V кезең. Компьютермен жұмыс

    Әр топқа өздері қалаған тақырыпта рефераттардың сыртын әсемдеу беріледі. (уақытпен)

VI кезең. Тіл өнері

Үш топқа бірдей сөздер береді. Әр топ жылдамдықпен сол сөздің қазақша. орысша, ағылшынша сөздерін табу жылдамдығын анықтау.

 Монитор                    монитор                      monitor

     Тышқан                       мышь                        mouse

  Жүйелі блок          системный блок            system blok

  Қатқыл диск               Винчестр                  winchester

     Баспа                         печать                        printer

   Ақпарат                   информация               informatio

Пернетақта                клавиатура                  keyboard

(әр командаға жеке-жеке парақ беріледі)

VII кезең. Тест жұмысы

Берілген сұрақтарға бірінші, әрі нақты жауап берген топ жеңіске жетеді.

(Kahoot.it бағдарламасы бойынша)

VIII Практикалық жұмыс

 (үш топқа үш компьютерді тоқтан ажыратып, шнурларын компьютерлерден  алып компьютерді қосу.)

Қай команда жылдам қосып бергені жеңіске жетеді.

Жүргізуші: Сонымен, әділқазылар шешімі дайын болса, тыңдайық. 

(Әділқазы төрағасы сөйлейді, жеңіске жеткен команда анықталады)
Осымен сайысымыз аяқталды. Алтын уақыттарыңызды бөліп келгендеріңізге үлкен алғысымызды айтамыз.