Компьютерлік желілердің негізгі түрлері. Ғаламтор

САБАҚ ЖОСПАРЫ «Бекітемін»

________________

Оқу ісінің меңгерушісі

Күні:_________________________________________________________________________

Сабақ тақырыбы: Компьютерлік желілердің негізгі түрлері. Ғаламтор

Сабақтың мақсаты:
Білімділік
А) Ақпараттық – коммуникациялық технологияның мүмкіндіктерін үйрету арқылы оқушылардың қызығушылықтарын артыру.

Ә) Интернет желісінде ақпарат іздеу туралы түсініктеме беру және оны құру тәсілдеріне үйрету.
Б) Интернет желілерін үйрету арқылы оқушылардың ақпараттық мәдениетін қалыптастыру.
Дамытушылық: Өз бетінше жұмыс істеу дағдысын қалыптастыра отырып, интернетті пайдалана білуге үйрету;

Тәрбиелілігі: Оқушылардың компьютерге деген қызығушылығын арттыру, еңбекке тәрбиелеу, интернет арқылы ақпарат алмаса білуге тәрбиелеу.

Сабақтың түрі: жаңа білімді меңгеру

Сабақтың көрнекілігі: интерактивті тақта, компьютер, Internet.

Сабақтың әдісі: ойын, сұрақ - жауап, түсіндіру әдістері.

Сабақтың барысы: I. Ұйымдастыру кезеңі

а) Оқушыларды түгелдеу

ә) сынып тазалығын тексеру

б) Тренинг

II. Үйге берілген тапсырманы тексеру:

-Power Point не үшін арналған бағдарлама

-Power Point - ты іске қалай қосуға болады?

-Слайд дегеніміз не?

-Презентация деп нені атайды?

-Слайдтарды қалай қосуға болады?

-Слайдқа объектілерді қалай кірістіреді?

-Жаңа слайд ашу тәсілдері?

-Слайдты көрсету әдістері?

-Слайдты сақтау?

-Слайдтарды толық экранға көрсету батырмасы?

III. Жаңа сабақ түсіндіру кезеңі.

Елбасымыздың Қазақстан халқына жолдауында ХХІ ғасырда ақпараттық қоғам қажеттілігін қанағаттандыру үшін компьютерлік техниканы, интернет, телекоммуникациялық желі, электрондық және телекоммуникациялық құралдарды, мультимедиялық электрондық оқулықтарды оқу үрдісіне тиімді пайдалана білу керектігін атап көрсетті. Компьютерлік желінің негізгі түрлері олар: Компьютерлік желі, жергілікті желіАуқымды желілерКомпьютерлік желі дегеніміз – ресурстарды (диск, принтер, файл, құрылғылар) тиімді пайдалану мақсатында бір бірімен байланыстырылған компьютерлер тізбегі. Желі арқылы оған қосылған кез келген компьютердегі ақпаратты жедел қарауға болады. Жергілікті желі – саны шектеулі әдетте 100 - ге дейін компьютерлерді бір ұйым немесе мекеме ішінде біріктіру үшін қолданылады. Жергілікті желі аймақты бір бөлмеде, бір мекемеде, зауыт, немесе компьютерлерді біріктіреді. Ауқымды компьютерлік желі бұл бір немесе бірнеше желілерді өзара байланыстыру яғни қала, аймақ, ел, бүкіл жер шарын қамтуы мүмкін. Қазіргі уақытта маңызды байланыстың бірі – Internet. Қазақстан Республикасының білім беру жүйесін ақпараттандыру еліміздің даму стратегиясының негізгі бағыттарының бірі, себебі XXI ғасыр – білім беру жүйесін ақпараттандыру ғасыры. Қазіргі маман заманға сәйкес компьютерлік технологияларды меңгерумен қатар Интернетте жұмыс жасай алуы керек. Интернет желісіне қосылу үшін компьютерге модем керек. Модем дегеніміз – бұл компьютерге телефон желісі және сымдары арқылы мәлімет алмасуға мүмкіндік беретін құрылғы. Модем арқылы қосылым жасау үшін компьютерге иесіне лайықты провайдер тауып Интернетте жұмыс істеуге келісімге отыруға болады.

Сергіту сәті

«Мақал –сөз мәйегі» бұл бөлімде топтарға информатикаға байланысты аударылған мақалдар беріледі, сол мақалдардың дұрыс жағын айту керек, дұрыс аударылған мақалға 10 ұпай беріледі.

1.     Жігітті компьютеріне қарап, бағала (Жігітті досына қарап, бағала)

2.     Байт биттен құралады (Теңге тиыннан құралады)

3.     Вирустан  қорыққан, Интернетке шықпас (Шегірткеден қорыққан, егін екпес)

4.     Компьютердің жұмысы, иесіне мәлім (Аттың сыры, иесіне мәлім)

5.     Веб-дизайншының өз еркі, сайтты қалай жасаса (Қазаншының өз еркі, құлағын қайдан шығарса)

6.     Білмесең, «анықтама»-дан сұра (Білмесең білгеннен сұра)

7.     Бір ядролы процессор жақсы, ал екі ядролы одан да жақсы (Бір ақылдан, екі ақыл артық)

8.     Антивирусы күштіні-Вирус ала алмайды (Досы күштіні – жау алмайды)

9.     Күлсең ескірген компьютерлерге күл (Күлсең кәріге күл)

10. Компьютерде бес колонка, дауысы жер жарады (Айдағаны бес ешкі, ысқырығы жер жарады)

ІV. Компьютермен тәжірибелік жұмыс

221-беттегі а,б,с-деңгейлері

V Үйге тапсырма

§31 мазмұндау, «Өзіңді тексер» тест сұрақтарына жауап беру.

VІ Оқушыларды бағалау