3D кеңістігінің бағдарына кіріспе

Тексерген:

Директордың оқу ісінің меңгерушісі

___________________Мункенова К.Қ.

Мерзімі: 01.03.17ж

Сабақ: 24

Сынып: 10к

Пән: Информатика.

Сабақтың тақырыбы: 3D кеңістігінің бағдарына кіріспе

Сабақтың мақсаты: оқушыларға қазіргі уақыттағы жиі естелетін 3D ұғымының шығу тарихын таныстыру.

Ә)  3D-модельдеу графикалық мүмкіндіктерін меңгерту арқылы оқушылардың компьютерлік сауаттылығын дамыту

Б) Оқушылардың зейінін 3D-модельдеу графикалық мүмкіндіктерін меңгеруге аудару, пәнге деген қызығушылығын арттыру

Сабақтың түрі: дәстүрлі

 Сабақтың типі: жаңа білімді меңгерту

Сабақтың көрнекілігі: ДК, оқулық

Пәнаралық байланыс: ағылшын тілі .  

Сабақтың өту барысы:

 І. Ұйымдастыру.

 1. Оқушыларды түгендеу

2. Сабаққа дайындықтарын тексеру

3. Сабақтың мақсатын айту

Жаңа сабақты түсіндіру

Қазіргі уақытта біз виртуалдық, нақтылық деген ұғымды жиі еститін болдық. «Виртуалды» термині латынның “virtualis” сөзінен шыққан, белгілі бір жағдайларда мүмкін болатын, қолданылатын деген мағынаны білдіреді. Бұл ұғым ортағысарлық христиан философиясында абсолютті жалпы мәннің жалқы заттармен байланыстылығын түсіндіру үшін қолданылған. Содан бері ұмыт бола бастаған терминді физиктер жалған элементарлық бөлшектерді атау үшін қайта жаңғыртқан. 70 – жылдардың соңына дейін бұл терминнің электронды әлемге де, ақпараттық технолоияға да еш қатысы болмаған еді. «Виртуалды шындық» ұғымын 70 – жылдардың соңында Массачусетс технологиялық институтында ойлап тапты деген дерек бар. Ол шындықтың компьютер көмегімен берілген үшөлшемді макроүлгісін анықтау үшін пайдаланылған. Бастапқыда ол үлгілер әскери салада әлдебір техниканы сынақтан өткізу алдында қолданылған құрылғыларға қатысты айтылған. Ал Жарон Ланье терминді жаңа компьютерлік өнімдерге байланысты пайдаланып, ол көпшілік айналымға компьютермен бірге еніп үлгерді.

Виртуалдық деп тиісті жағдайларда қандай да бір мақсат үшін нысандар, субьектілер, санат, қарым – қатынс, әрекеттер, еліктеу көмегі арқылы міндетті немесе болуы мүмкін құбылыстарды айтамыз.

Компьютерлік техниканың негізінде кеңістік – уақттық континиумды адам тілектеріне сай өзгертіп, жаңа әлемді, шындықты – қолдан жасалған құрылымды қалыптастыру нәтижесін виртуалды шындық деп атаймыз. Бірқалыпты кеңістікті компьюетрде модельдеу үшін үшөлшемді модельдеу орталары бар. Мұндай орта кеңістіктің ауқымын пішіндеп, оны әртүрлі нүктелерден бақылауға, нысанды қозғалтып және өзгертуге мүмкіндік береді.

Үшөлшемді модельдеу әртүрлі деңгейдегі күрделілікті қамтиды:

- Қарапайым 3D модельдеу. Үлгіні ықшамдалған пішінде құруға болады.

-Күрделі 3D модельдеу. Құрылатын үлгінің ұсақ –түйек детальдарының барлығы қамтылады.

Үшөлшемді модельдеу ортасында нысандарды құрып қана қоймай, оларды анимациялауға да болады. 3D анимация дегеніміз – үшөлшемді сахна мен нысандарға негізделген қазіргі уақыттағы анимация бағыты. 3D анимация мультфильмдерде, жарнама роликтерін қүруда, көрмелер мен өрнекті суреттерде қолданылады.

Үшөлшемді графика ғылыми есептеулер, инженерлік жобалау және физикалық нысандарды компьюетрде үлгілеу облыстарында кең тараған.

Үшөлшемді графика құратын компьюетрлік программалар өте көп. Олар 3D max, Blender 3D, K - 3D, Wings 3D, Panda 3D, Sweet Home 3D, Maya және т.б.

Бақылау сұрақтары:

1. Нақты және виртуалды нысандардың айырмашылығы неде ?

2. Виртуалдық деген не ?

3. Үшөлшемді графикада қандай компьюетрлік моделдеу түрлері бар ?

Тәжірибелік тапсырмалар:

1. Үшөлшемді графика құратын компьютерлік программаларға мысал келтіріңдер.

2. Математикалық модельдеуге мысал келтіріңдер.

Үйге: теориялық түсінігін айту.

Бағалау.