Сутектің қасиеттері, қолданылуы және алынуы

Бекітемін_______

Мектеп директоры

М.С. Кончубаева

Сабақ: №42

Күні: 14.02.2017

Сыныбы: 8-сынып.

Пәні: Химия.

Сабақтың тақырыбы: Сутектің қасиеттері, қолданылуы және алынуы

Сабақтың мақсаты: Сутектің қасиеттері, қолданылуы және алынуы туралы білімдерін қалыптастыру.

1. Оқушыларға сутектің физикалық және химиялық қасиеттерін, қолданылуы мен алынуын толық игеруге жәрдемдесу;

2. Оқушылардың «гидрид», химиялық қасиет» ұғымдары жайлы түсініктерін дамыту, химиялық есептер шығарудың қарапайым тәсілдерін меңгерту

3. Логикалық ойлауын дамыту, сыни ойлау дағдысын жетілдіру.

Сабақтың түрі: Жаңа сабақ.

Сабақтың типі: Жаңа білімді меңгерту.

Сабақтың өтілу әдісі: Түсіндірмелі, мысалдар арқылы айқындау, сатылай кешенді талдау стратегиясы.

Қажетті көрнекіліктер: Оқулық, слайд, бейнекөрсетілім т.б.

Пәнаралық байланыс:

Күтілетін нәтиже: Оқушылар сутектің химиялық қасиеттері және қолданылуы турасында нақты білім игереді.

Сабақтың барысы:

І) Ұйымдастыру кезеңі: а) сәлемдесу;

ә) шаттық шеңберін құру;

б) жұптарға бөлу.

ІІ) Миға шабуыл: Жұмбақ:

Бірі жанып, бірі «қолдан» жануды,

Екі элемент бізге бұрын табылды.

Өрт болып еді, сөндіруге көп адам,

Қосылысын алып соған жабылды. (Сутегі және су)

Жұмбақтың жауабын оқушылар хормен үш тілде (қазақ, орыс, ағылшын) айтады.

ІІІ) Мұғалімнің кіріспе сөзі: Сутекті алғаш Г.Кавендиш зерттеп, оны «жанғыш ауа» деп атаған (1766). А.Лавуазье сутектің қасиеттерін зерттеп, химиялық элементтер тізіміне қосыпты (1787). «Сутек» терминін орыс химигі М.Ф.Соловьев ұсынды (өз тілінде, 1824).

Сутекті алғаш рет мырышпен тұз және күкірт қышқылын әрекеттестіру аркылы 1776 жылы Г. Кавендиш алған. Ол оған «жанғыш ауа» деген ат берген, себебі ол жай заттардың арасындағы өте жанғыш газ. Ал 1783 жылы А. Лавуазье мен Ж. Менье суды термиялық айырып, ол оттек және сутек элементтерінен тұратынын анықтаған, казіргі колданылып жүрген атауын (Hydrogenium- су тудырушы) француз ғалымы А. Штон де Морво берген (1787 жылы). Оның орысша да, қазақша да аттары осы мағынаны білдіреді.

ІV) Жаңа сабақты меңгерту кезеңі:

1 жұп тапсырмасы – Сутектің физикалық қасиеттері. Постер құрып, қорғайды

2 жұп тапсырмасы – Сутектің химиялық қасиеттері. Постер құрып, қорғайды

3 жұп тапсырмасы – Сутекті алу. Постер құрып, қорғайды

4 жұп тапсырмасы – Сутектің қолданылуы. Постер құрып, қорғайды

V) Тақтамен жұмыс:

1 есеп: Массасы 135 г су электр тогы әсерінен айырылған кезде сутектің қандай массасы түзіледі?

2 есеп: 2,24 л (қ.ж.) сутек алу үшін натрийдің қандай массасы сумен әрекеттесетінін есептеңдер?

3 есеп: Көлемі 1 л (қ.ж.) метанды айырған кезде сутектің қандай көлемі түзіледі?

4 есеп: Сутектің 4 г оттекпен әрекеттескенде қанша грамм су түзіледі?

VI) Бейне көрсетілім

Проблемалық сұрақтар қоямын:

1. Бейнероликтен не көрдік, не байқадық?

2. Бейнеролик немен байланысты?

3. Қазақстанда осындай көлік шығаруға мүмкіндік бар ма?

4. Автокөліктің ерекшелігі/артықшылығы неде деп ойлайсыңдар?

VІI) Жаңа сабақты бекіту кезеңі: Жаңа сабақты бекіту үшін жұптарға мынадай тапсырма беремін:

1 жұп. Берілген химиялық реакция теңдеулеріндегі сұрау белгісінің орнына тиісті заттың формуласын жазып, теңестіріңдер:

H₂ + ? → H₂O

2 жұп. Химиялық реакция теңдеулерін аяқтаңдар, теңестіріңдер:

H₂ + Cl₂ →

3 жұп. Берілген химиялық реакция теңдеулеріндегі көп нүкте орнына тиісті заттың формуласын жазып, теңестіріңдер:

CuO + … → H₂O + Cu

4 жұп. Химиялық реакция теңдеулерін аяқтаңдар, теңестіріңдер:

Zn + HCl →

VІІI) Кері байланыс:

Кестесін стикер жабыстыру арқылы оқушылар толтырады.

IX) Үй тапсырмасын беру кезеңі: §41-43. Сутектің химиялық қасиеттері, алынуы мен қолданылуы тақырыбын оқу және 148 беттегі 10-13 жаттығуларды жұмыс дәптерлеріне орындауға беремін.

X) Бағалау саясаты: Оқушылар өзін-өзі бағалау парағы арқылы бағалайды.