Конспект урока по географии на тему "Бразилия" 11-класс.

Сыныбы: 11 Күні:

Сабақтың тақырыбы: § 48 Бразилияның шаруашылығы

Сабақтың мақсаты:

а) білімділік – Бразилияның шаруашылығы және оның салалары, сыртқы экономикалық байланыстары мен көлік қатынасы жөнінде түсінік беру;

ә) дамытушылық – топ ішінде жұмыс жасау арқылы талдау, салыстыру, қорытындылау біліктіліктері мен дағдыларын қалыптастыру, ойлау, сөйлеу қабілеттерін дамыту;

б) тәрбиелік – өзге елдің шаруашылығын үйрене отырып, өз елінің құндылықтарын құрметтеуге тәрбиелеу.

Сабақтың түрі: аралас сабақ

Сабақтың әдіс-тәсілдері: сұрақ-жауап, иллюстративті-түсіндірмелі, талдау, салыстыру, қорытындылау.

Сабақтың көрнекілігі: тақырыптық карталар, плакаттар, стикерлер, үлестірмелі кеспе және тест парақшалары, географиялық диктант, сызбанұсқа.

Сабақтың барысы:

І. Ұйымдастыру кезеңі:

а) Сәлемдесу;

ә) Кезекші мәліметі бойынша оқушыларды түгелдеу;

б) Сынып оқушыларын 2 топқа бөлу;

в) Сынып ахуалын ретке келтіру.

ІІ. Үй тапсырмасын сұрау:

а) §48 Бразилия;

ә) Үлестірмелі кеспе-парақтарымен жұмыс;

б) «Бразилияның ірі қалалары» тақырыбына қысқаша хабарлама даярлау.

ІІІ. Білімдерін жан-жақты тексеру:

1. Тест;

2. Сұрақтар:

   • Бразилияның жерінің ауданы қанша?

   • Бразилия мемлекетінің астанасы қандай қала?

   • Қай жылы Бразилияның тәуелсіздігі жарияланды?

   • Аумағының қанша пайызы оңтүстік жарты шарда жатыр?

   • Бразилияның ең биік нүктесі.

   • Бразилия темір кенінің жалпы қоры бойынша дүние жүзінде нешінші орында?

ІV. Жаңа сабаққа даярлық:

Ғалымдар Бразилия экономикасының дамуының бірнеше себептерін атап көрсетеді:

• Елдің табиғат ресурстарға, соның ішінде минералдық ресурстарға бай болуы;

• Үкіметтің экономиканы қайта құруға бағытталған арнайы бағдарлама қабылдап, оны жүзеге асыру барысында жұмыс істеуі;

• Бразилия экономикасына салынатын шетел инвестициясының артуы;

• Арзан жұмыс күшімен қамтамасыз етілуі;

• Ішкі тұтыну нарығы аясының кеңдігі.

V. Жаңа сабақты түсіндіру:

Оқулықтағы «Бразилияның ұлттық жиынтық өнімінің құрылымы» сызбанұсқасын талдау.

Топтық жұмыс:

Мәтінді оқып, түсінгендерін плакатқа түсіру (5 минут уақыт беріледі). Уақыт аяқталған соң, 2 топ мүшелері жазғандарын қорғайды.

VІ. Сабақты бекіту:

• Картамен жұмыс:

І топқа – Бразилияның басты порттарын анықтап, картадан көрсету;

ІІ топқа – Бразилияның басты сауда әріптестерін анықтап, картадан көрсету.

• Географиялық диктант;

VІІ. Қорытынды:

Сұрақтар:

• Ел экономикасында қандай салалар шешуші рөл атқарады?

• Елдегі электр энергиясының қанша пайызы СЭС-да өндіріледі?

• Мемлекет шаруашылығында жетекші орын алатын қандай машина жасау компанияларын білесіңдер?

• Ауыл шаруашылығының басты дақылдарын атаңдар.

VІІІ. Бағалау, үйге тапсырма:

а) Оқушыларды тиісті бағалау;

ә) Үйге тапсырма:

• § 48 Бразилияның шаруашылығы;

• Бразилияның басты шаруашылық орталықтарына қысқаша хабарлама даярлау.