География ?лемінде

Бұақтыкөл орта мектебі

Сыныптан тыс жұмыс

8-класс

Тақырыбы: «География әлемінде»

Өткізген: тарих- география пәнінің мұғалімі А.Шошанова.

2014-2015 оқу жылы.

Күні:

Тақырыбы:География әлемінде.

Мақсаты:

Оқушылардың географиядан алған білімдерін ортаға салу,жаңаны білуге қызықтыру,дүниетанымын кеңейту.

Оқушылардың ойлау қабілетін дамыту,ой –өрісін кеңейтіп,пәнге қызығушылығын арттыру.

Топта бірлесе жұмыс істеу,ойын еркін айтуға,сыни ойлауға үйрету, ұйымшылдыққа тәрбиелеу,ынта-ықыласын,рухани байлығын арттыру.

Көрнекілігі:

интерактивті тақта,Қазақстан картасы.

Сабақтың түрі: топтық сайыс.

Пәнаралық байланыс: информатика,тарих, биология.

Сабақтың жоспары:

Ұйымдастыру бөлімі.психолгиялық тренинг;топтастыру.

Негізгі бөлім.1.Таныстыру.

2.“Иә,жоқ”ойыны.

3.“Бұл қай өлке?”

4.“Қара жәшік”

5.Сергіту сәті

6.“Ойлан,тап!”

7.“Кім тапқыр?”

8. “Интеллектуалды жекпе-жек”

Қорытынды бөлім.

Топтың аты: «Атамекен».

Ұраны: Білекті бірді жығады,

Білімді мыңды жығады.

Топтың аты: Жерұйық.

• Ұраны: Біріміз бәріміз үшін,

Бәріміз біріміз үшін.

“Иә,жоқ” ойыны:

• Әр топқа 10 сұрақ беріледі,әрбір дұрыс жауапқа 1 ұпай.Жауап жылдам берілуі тиіс.

1-топтың сұрақтары:

1. Қазақстанның жер көлемі: 2724,9 мың ш/ш.

2. Таулар биіктігіне қарай 4-ке бөлінеді.

3. Қазақстан 6 елмен шектеседі.

4. Қазақстанда ірілі-ұсақты 85 мың өзен бар.

5. Отырар қаласының арабша атауы- Фараб.

6. Ертіс,Есіл өзендері Арал теңізіне құяды.

7. Қазақстанда 5 экономкалық аудан бар.

8. Дүние жүзіндегі ең биік сарқырама-Анхель.

9. Қазақстанның ең биік нүктесі-Хантәңірі.

10. Қазақтың тұңғыш географ-ғалымы Шоқан.

2-топтың сұрақтары:

1. 1991-жылы 16 желтоқсанда Қазақстан Республикасы тәуелсіз мемлекет болып жарияланды.

2. Тау жыныстары пайда болуына қарай екіге бөлінеді.

3. Қазақстан оңтүстігінде Тәжікстанмен шектеседі.

4. Қазақстанда 48 мың көл бар.

5. Сарайшық Атырау қаласынан 55 шқ. жерде.

6. Арыс,Сырдария өзендері Каспий теңізіне құяды.

7. Қазақстанда 15 облыс бар.

8. Дүние жүзіндегі ең ұзын өзен-Ніл.

9. Қазақстанның ең төмен нүктесі-Қарақия ойысы.

10. Қазақтың тұңғыш геолог ғалымы-Қаныш Сәтбаев.

“Бұл қай өлке?”

• Бір өлкеге сипаттама беріледі,сол бойынша өлкені атап,картадан тауып көрсетулері керек.Дұрыс жауап 10 ұпай,1 көмек болады.Көмек алған жағдайда 5 ұпай шегеріледі.

1-топтың сұрақтары:

• Шығысы Сарыарқа,батысы Мұғалжар тауы аралығында жатыр.Орташа биіктігі 200-300 метр.

• Кәрлі,қатерлі,ай дала-жазық тегістік деген мағына береді.Ағын су мүлдем жоқ,тек кейбір жерлерінде сорлар мен тұнбалы көлдері бар құрғақ сайлар мен жайпақ ойыстар кездеседі.Солтүстік-шығыс бөлігі неғұрлым биіктеу (600 метрге дейін),тақтатасты,жер бедері төбелі,оңтүстік-батыс бөлігіне қарай бірте-бірте аласарады.

2-топтың сұрақтары.

• Биік таулардың бірі,Альпі тау жасалу кезеңінде түзілген тауларға жатады. Ұзындығы 300 км.Биік нүктесі-2992 м. Төбелерінде мұздықтары жоқ.

• Әбден мүжіліп,үгілген өте көне таулы өлке. Мұнда милиондаған жыл жел мен жаңбыр, ыстық пен аяз,қар мен ағын су өзінің әрекетін жүргізген.Қазіргі кезде таудың тек негізі сақталып қалған.Мұнда жартасты, басы сүйір және жіңішке қырқалар мен үгілген қорым тас секілді формалар кездеседі.Тіпті оқшаланып қалған тасты пирамидалар да кездеседі.

“Қара жәшік”

• Жәшік ішіне жасырылған заттың оқушыларға сипаттамасы беріледі,сол арқылы оның ішінде не бар екенін табуы керек.3 көмек болады,әрбір көмек алған сайын 1 ұпай шегеріліп отырады.

• Ойлануға 1 минут,дұрыс жауап 10 ұпай.

1-топтың сұрағы:

• Ең алғаш бұл сусын XVIII ғасырда голландықтардың дастарханында пайда болған.Ресейге бұл сусын тосыннан келген.1638 жылы Мәскеуден монғол ханына сыйлық келеді.Риза болған хан жауап ретінде өз сыйын жібереді.Орыс елшілері бұл сыйды кәріп,жарамсыз зат ретінде қабылдап,өз елдерін төмендету деп есептейді.Дегенмен сыйлық Ресейге жетеді, оны патша ұнатады.Басында оны дәрі ретінде пайдаланады,ал XIX ғасырдан бастап өте көп мөлшерде пайдалана бастайды.

2-топтың сұрағы:

• Грек мифологиясында Аполлон бұл өсімдік жапырағынан гүлдесте жасап,басында өзінің саз аспабына әдемілік ретінде тағып жүрген. Содан бері күні бүгінге дейін бұл гүлдесте “даңқ символы” ретінде халықаралық сайыстағы жеңімпаздардың мойындарына тағылып жүр.

• Сергіту сәті: «Қызыл өрік » әнінің әуеніне би

“Ойлан,тап”

• Сәйкестендіру.Әр дұрыс жауап 10 ұпай.

1-топтың тапсырмасы:

1. Алтай Бесбақан (4622м)

2. Жетісу Алатауы Мұзтау (4506м)

3. Сауыр Хантәңірі (6995м)

4. Тарбағатай Мұзтау (3816м)

5. Тянь-Шань Тастау (2992м)

2-топтың тапсырмасы:

1. Сарыарқа Бесшоқы (556м)

2. Мұғалжар Ақсораң (1565м)

3. Маңғыстау Үлкен Боқтыбай (657м)

4. Бетпақдала Мұзбел жоны (340м)

5. Үстірт Желтау (974м)

“Кім тапқыр”

• Суретте берілген өлкені атау.Дұрыс жауап 20 ұпай.

“Интелектуалды жекпе-жек”

• Топ басшыларының сайысы.20 сұрақ қойылады,екі топ басшылары қатар шығып тұрады да,кезекпен-кезек жауап береді.Біреуінің жауап бере алмағанына екіншісі жауап беріп ұпайын алуға болады. Тез жауап беру керек.Әрбір дұрыс жауапқа 1 ұпай.Қорытынды бөлімі: Жеңімпаз топты марапаттау.