«Еңбегі ер-Ұлы тұлға»

№5 мектеп-лицей

(Ұстаздар күнінде өткізілген тәрбие сағаты)

«Еңбегі ер-Ұлы тұлға»

Өткізген: Баймурзина Г.К

Сыныбы:5 «г»

2018-2019 оқу жылы

Маған жақсы мұғалім бәрінен де қымбат, өйткені мұғалім – мектептің жүрегі.

Ыбырай Алтынсарин

Тақырыбы: «Еңбегі ер-Ұлы тұлға»

Мақсаты: Мектептің байырғы ұстазы, мектеп директоры, ССР-дің Білім үздігі, жан-жақты тұлға, мектептің жанашыры, ардагер ұстаз Туюшев Равиль Рафкатовичтің еңбегін, жан-жақтылығын, оқушыларға үлгі етіп, таныстыру.

Көрнекілігі: Туюшев Р.Р. туралы бейнеролик, слайдтар, шарлар, түрлі ұстаздар туралы нақыл сөздер.

Мұғалім: Ұстаз — жас ұрпақты, жалпы адамды ізгілікке баулып, жақсылыққа тәрбиелейтін, білім беретін оқытушы. Қазіргі қоғамда оқу-тәрбие жұмысын жүргізуші маман педагог ұстаз деп аталады. Дегенмен, ұстаз ұғымы арнаулы білім, қажетті құжатқа байланысты емес. Үлгілі, өнегелі, өмір тәжірибесі бай адам ғана ұстаз бола алады. 

Арман: Мұғалім  мамандығы – барлық  мамандықтың  анасы»  демекші, ұстаз  алдынан  тәрбие  алмайтын  жан  жоқ. Ұстаз  берген  тәрбие  әрбір  жанның  өміріне  жол  сілтер  шамшырақ  секілді. Ғылым  иесі  ғалым  да,  ел  қорғаған  батыр  да, тілінен  бал  тамған ақын  да,  тегеуріні   темір   балқытқан   жұмысшы  да, егін  салған диқан да, мал  бағып   терін   төккен  шопан  да, көк  күмбезінен  әрі  өткен ғарышкер  де  бәрі-бәрі  ұстаздан  білім,  тәлім  алған. Сондықтан ұлағатты  ұстаздарға  бүкіл  адам баласы  құрметпен  бас  иеді.
Айзере: Дұрыс айтасың Арман
«Ұстаз болу – өз уақытыңды аямау, өзгенің уақытын аялау» - деп француз ойшылы Жан Жак Руссо айтпақшы, ұстаздардың еңбегі ерен. Шәкірт санасына білім нәрін сеуіп, ел болашағының өрендерін тәрбиелеп шығару - екінің бірінің қолынан келе де бермейді. Ұстаз болу – жүрек жылуын, мейірім шуағын, адамгершілік ұлылығын баланың бойына дарыту. 
Арман: Айзере дұрыс айтасың!

Екеуі бірге: Олай болса,күздің алғашқы күндерімен қатар келген ұстаздарымызды төл мерекесімен шын жүректен құттықтаймыз!
Сіздерді төл мерекелеріңізбен шын жүректен құттықтаймыз.
Дәулет: ҚАЗАҚ ТІЛІ пәні мұғалімі:Гүлжахан Еділбайқызына!
Қазақ тілім, өз тілім, ана тілім,
Мұхтар, абай сөйлеген дана тілім.
Осы тілдің ұқтырған терең сырын,
Шайза апай, гүлсара апай, мақсат ағай,
Әрқашан да біздерге берген білім.
Толғанай: ГЕОГРАФИЯ пәні мұғалімі Гүлден Кәдірбайқызына!
Сізбенен біз бар әлемді қиялменен шарлаймыз
Тест орындап, зерттеу жасап, сабақтардан қалмаймыз.
Сіз кіргенде дәу картаны қолға алып есіктен,
География, Гүлден апай келді деп біз жайнаймыз.

Ануар: «Good morning, teacher» деп бастаймыз оның әрбір сабағын,
Бақылаймыз кейде біраз түйіп келген қабағын.
Сымбат,Әйгерім апайлар сізге де алғыс айтып әрқашан,
Түскі ауысым арасынан өзіңізді табамын!
Әділжан: МАТЕМАТИКА пәні мұғалімі:Айнұр Маманбайқызы!
Қосып, алып, бөліп тағы көбейткен,
Шаршы ауданын тауып, санды теңейткен.
Айнұр апай, Асемхан апайларға мың алғыс,
Есептеуді бізге талмай үйреткен!

Меруерт: ОРЫС ТІЛІ пәні мұғалімі:Нұржамал Нұғыманқызы!
Жас ұрпаққа жалынды
Сөз маржанын дарытқан.
Алдындағы баламен,
Тіл арқылы табысқан
Орыс тілін меңгерген
Үйретуді жөн көрген

Мұғалім: Балалар бүгінгі мерекелік шарамыз мектептің байырғы ұстазы, мектеп директоры, ССР-дің Білім үздігі, жан-жақты тұлға, мектептің жанашыры, ардагер ұстаз Туюшев Равиль Рафкатовичтің еңбегімен, жан-жақтылығымен танысу мақсатында өткелі отыр. Олай болса «Еңбегі ер-Ұлы тұлға» атты мерекелік шарамызды бастауға рұқсат етіңіздер.

Ең алдымен сіздерді мектеп тарихымен таныстырғым келеді:

- №5 мектеп Шалқар өңіріндегі Кіші құмдағы Спандияр Көбеев ашқан мектептен кейінгі ең көне оқу орындарының бірі болып саналады. Міне биыл ірге тасының мектептің қаланғанына 111 жыл. Тарихқа жүгінсек, бұл мектеп 1907 жылы инженер А. Юров басшылығымен салынып, екі кластық бастауыш болып ашылып, өз жұмысын жүргізе бастады. Оның алғашқы директоры П. Ежов болды.

- Қазан төңкерісі кезінде және Кеңес өкіметі орнаған жылдары бала оқытумен бірге мектепте тоғыз жолдың торабы Ташкент теміржолының Шалқар стансасындағы кәсіпөрындар мен ұжымдарда қызмет істейтін жұмысшылар мен қызметкерлер үшін кешкі курстар ашылды.

-1924 жылы пионер отряды құрылды. 1942 жылы бұл оқу орны орыс орта мектебіне айналса, 1991 жылы қазақ-орыс орта мектебі болды. Ұлы Отан соғысы жылдарында Ақтөбе облысындағы төрт госпитальдың осы мектептің ғимаратына орналасты. Бірақ мектепте оқу таратылған жоқ.

-Мектеп оқушылары Шалқар темір жол ғимаратында, темір жол клубында жалғастырды. Сол жылдары Михаил Иванович Рекун мектеп директоры болса, Ольга Евсеевна Саникадзе, Павел Степанович Карзун, Антонина Александровна Кузьминцева балаларға дәріс берді.

Сол кездегі мектеп түлектері азаматтықтың, Отан сүйгіштіктің үлгісін көрсете білген. Сол кездегі оқу ісінің меңгерушісі және математика пәнінің мұғалімі Иван Петрович Матраховпен бірге бір топ мектеп түлектері өз еріктерімен майданға аттанған еді. Өкінішке орай 32 адам ерліктің үлгісін көрсетіп, майдан даласында қаза тапты.

№5 орта мектеп жетістіктері:

• 2006 жыл – ІІ Республикалық «Білім ұясы» конкурсына қатысқаны үшін Қазақстан Республикасы білім және ғылым Министрлігінің грамотасы

• 2006 жыл – «Білім ұясы» конкурсы бойынша облыстық білім Департаментінің ІІ дәрежелі дипломы «Таңдаулы мектеп»

• 2008 жыл – ІІ Республикалық конкурсқа және «Жасыл ел» бағдарламасын жүзеге асыруда белсенділік танытқаны үшін қосымша білім беру бойынша Республикалық ғылыми әдістемелік орталықтың дипломы

• 2009 Облыс әкімінің «Облыстың ең үздік жалпы білім беретін мектебі» сертификаты, 1 000 000 тенге гранты

• 2010 жыл – «Ауылдың гүлденуі – Қазақстанның гүлденуі» атты жастар марафон эстафетасы бойынша Ақтөбе облысының әкімі тағайындаған 2 автокөлікке Сертификат.

• 2011 жыл – Аудан әкімі Р.Сыдықовтан «Ауылдың гүлденуі – Қазақстанның гүлденуі» ІІ жастар марафон эстафетасында жоғары дәрежеде ұйымдастырылғаны үшін Алғыс хат, «Үздік білім беру мекемесі» деп танылғаны үшін Алғыс хат.

• 2013 жыл – Ақтөбе облысының балалар құқықтарын қорғау басқармасының «Ең әдемі мектеп» облыстық байқауы аясында ІІІ орынға ие болғаны үшін Мадақтама

Мектеп басшылары:

• 1907ж. Ежов П.,

• 1924 ж. Иванов Б.,

• 1944 жг. Рекун М.И.,

• 1947-1954 ж.ж. Гаранин А.П.,

• 1954-1961 ж.ж. Гулидова Р.П.,

• 1961-197 5 ж.ж. Овдиенко И.С.,

• 1975-1979 ж.ж. Сыргабеков К.,

• 1979-1981 ж.ж.г. Мырзатаев Н.М.,

• 1981- 2012 ж.ж. Туюшев Р.Р.,

• 06.09.2012 ж. Әбдіғапарова Ә.П

Видеоролик

Туюшев Равиль Рафкатұлы 1948 жылы мамырдың 11-і күні дүниеге келген. Әкесі Туюшев Рафкат Ахмедович Ұлы Отан соғысына қатысқан майдангер. Анасы Кузьминцева Антонина Александровна №5 мектеп-лицейінде сол жылдары бастауыш сынып мұғалімі боп жұмыс жасаған. Туюшев Равиль Рафкатұлы 5 мектепте (сол кезде №439 мектеп) оқып білім алып, Орал қаласындағы Мемлекеттік Педагогикалық институтынан мұғалім мамандығын алып шықты.

Равиль Рафкатұлы 1981 жылы №39 мектептің директоры қызметіне кірісті. 2013-2016 жылдар аралығында қала сыртындағы жазғы «Тұлпар» лагерін басқарды. Ол 20 жылдан астам уақытын мұз айдынында сырғанаумен айналысып, хоккей ойынының майталманы болды.

Наградалары:

1. «СССР-дің Білім үздігі» медалінің иегері

2. «1941-1945 жылдардағы Ұлы отан соғысы Жеңісінің елу жылдығы» мерекелік медалінің иегері

3. «Тәуелсіздіктің 10 жылдығы» мерекелік медалінің иегері

4. «Тәуелсіздіктің 20 жылдығы» мерекелік медалінің иегері

5. 2016 жылы «Жыл адамы» атағын алды

Ол мүсінші, суретші, спортшы, коньки тебудің майталманы, хоккей командасының мүшесі, мектептің жасыл ауласының авторы, шығармашыл тұлға.

 Айзере: Орындалып, айталық, бір ойдағы іс,

Отырармыз қуанышта, тойда біз.

Сондай кезде есте болар бір нәрсе:

Мұғалімнен бұрын сөйлеп қоймаңыз!

Арман:

Кем көрмейміз сізді ардақты әкеден
Сізге ұқсап қудық біз де сан арман
Сіздей адам дүниеде көп болса,
Балалардың бақыты үшін жаралған

Айзере:

Ардақтысың, ардагерім ұстазым,
Саған айтар жыр - алғысым көп менің
Жүректерге жаққан білім шырағын
Ұстазыма арналады бұл әнім.
Әмитов Айдостың орындауында «Әке-ана» әні:

Шәкірттер сізді айтып мақтанады,
Бейнеңіз жүректерде сақталады
Біз әлі биіктерден көрінеміз
Үмітпен сеніміңіз ақталады.

Равиль Рафкатұлы төл мерекеңізбен!!!

Біз сізді құрмет тұтамыз!!!