Қазақтың ұлттық ойындары. Ләңгі тебу ойыны

Мектеп

«№6 жалпы білім беретін мектеп» КММ

Мұғалімнің аты-жөні

Кашкамбаев П.Ж.

Сынып

8

Күні

09.12.2020 ж

Қатысушылар саны:

Қатыспағандар саны:

Бөлім

4-бөлім. Ұлттық және зияткерлік ойындар спорттық ойындар

Сабақтың тақырыбы

Қазақтың ұлттық ойындары. Ләңгі тебу ойыны

Оқу мақсаттары

7.2.7.7 Жарыс кезінде адал ойнау, патриотизм және ынтымақтастыққа жататын мінез-құлық көрсетуді талқылау және бейімдей білу.

Сабақ мақсаттары

1.Ұлтымыздың негізсіз ұмытылып бара жатқан ойынын жаңғырту, бабаларымыздың ойыны туралы түсінік беріп, қызығушылығын ояту;

2.Ләңгі тебу арқылы бабаларымыз ептілікке, икемділікке, тепе-теңдікті ұстауға, өз мақсатына жетуге, жеңіске құштарлыққа баулу;

3.Ләңгі ойынының барлық ережелерін, қыр – сырларын зерттеп, ізденіс жұмыс жасап, ерекшелерін білу.

Міндеттері

Ләңгі ойнату арқылы болашақ футболшыларды жаттықтыру.

Бағалау критерийі

Жарыс кезіндегі ұйымшылдықты көрсетеді. Жаттығуларды бейімдейді, талқылауға қатысады

Тілдік мақсаттар

Оқушылар: әр түрлі ойын контексінде өздерінің қозғалыс дағдыларын және стратегиялық ойлауын талқылай алады. Пәндік лексика және терминология мыналарды қамтиды: ұлттық, зияткерлік; стратегия, тактика, жүріс; «Ләңгі»

Құндылықтарды дарыту

Ынтымақтастық: өзара жақсы қарым-қатынас орнатады, ынтымақтастық дағдыларын қалыптастырады, бір-біріне көмек көрсетеді.

Академиялық әділдік: бір-бірін әділ бағалайды, идеялары мен ой-пікірлеріне құрметпен қарайды.

Өмір бойы оқу: алған білімін өмірмен байланыстырады, кері байланыс орнатады, білім алуға деген сүйіспеншілікті қалыптастырады.

Патриотизм және азаматтық борыш: отанға деген сүйіспеншілікті, адалдықты, өз іс-әрекеттерімен дәлелдейді.

Өзіне және өзгеге құрмет: топтық жұмыс, жұптық жұмыс кезінде жүзеге асырады.

Еңбек пен шығармашылық: альтернатив ойынды ұйымдастырады, ойын барысында жеңіске талпынады.

Пәнаралық байланыстар

Биология, физика, математика, қазақ тілі, өзін-өзі тану, музыка

АКТ қолдану дағдылары

Ұялы телефон, планшет, ноутбук

Бастапқы білім

Сабақтың кезеңдері

Оқушының әрекеті

Педагогтің әрекеті

Оқу ресурстары

Сабақтың

басы

Дайындық бөлімі: Оқушыларды қатарға тұрғызу. Сәлемдесу. Рапорт қабылдау. Оқушылардың спорттық киімдеріне назар аудару. Сабақтың тақырыбымен және мақсатымен таныстыру. Бағалау критерийлерін анықтау. Техника қауіпсіздігін ескерту. Бой жазу жаттығуларын орындау. Тыныс жолдарын қалпына келтіру.

Оқушылардың іс-әркетін қадағалау. Оқушылардың сабақтың тақырыбы мен мақсатын мұқият тыңдауын қадағалау. Бой жазу жаттығуларын ережеге сай орындалуын қадағалау.

Сабақтың

ортасы

Оқушылар мүмкіндіктеріне қарай сілемеге өтіп, видеоконтентті қарайды.

Ләңгі – көшпенді қазақтың балалары ешкінің тулағынан кесіп алған бір жапырақтай теріге немесе ешкі құйрығына оймақтай қорғасын құйып жасап, теуіп ойнайтын ойыны.

Ауыл баласының бір кездері шын беріліп ойнайтын ұлттық ойындарының бірі – асық болса, екіншісі – осы ләңгі еді. Бірақ кейінгі жылдары ұмытыла бастаған бұл ойынды елордада өткен жарыс жаңа қырынан танытты десек, асыра айтқанымыз емес.

Ұлттық сипаттағы нәрсенің бәріне үркіп қарап, ұлттық санадан өшіруге тырысқан Кеңес Одағы кезінде оны «бала денсаулығына зиян» деген желеумен мұғалімдер арқылы тыйым салып қудалап, мүлдем ұмыттыруға тырысқан болатын.

Ләңгі тебу түрлері

1.«Аяқ ұшы»,

2. «Лис»

3. « Жұп»

4.«Қайыру»

5.«Шынжыр»

6. «Люр»

7.«Қосаяқ»

Бұл ойын ойын кезінде және одан кейін талқылайтын тактиканы талап ететінін түсіндіріңіз. Осындай қабілеттерді дамыта отырып, оқушылар жағдайды жылдам әрі нақты бағалауға, әрекеттер үшін үздік бағытты анықтауға, қойылған міндеттердің шешімін жылдам табуға үйренеді.

Осы дәстүрлі ойын арқылы оқушылар көзі байланған ойыншы үшін тактиканы да, басқа рөлдер үшін тактиканы да қарастырады, содан кейін олар осы тактиканы басқалармен бөліседі.

Сабақтың

соңы

Сабақты қорытындылау:

Мақсаты: Қол жеткен нәтижелер туралы ойлану, өзіндік талдау жүргізуге дағдыландыру. Тақырыпты меңгеру деңгейін анықтау.

Сипаттама: Оқушылар өз беттерінше сабақтың басында қойылған сұраққа жауап береді. Өткен тақырып туралы кері байланыс беру үшін мұғалім сұрақ қояды, оқушылар ауызша жауап береді.

Мұғалім әрекеті: Сұрақ-жауап арқылы кері байланыс жүргізеді. Сабақ басында қойылған сұрағына әр оқушыдан жауап сұрайды. Жақсы нәтижеге қол жеткізген оқушылар мен үздіктерді атайды. Жетілдіру жаттығуларын ұсынады.

Оқушының әрекеті: Қиын болған немесе жүзеге асыра алмаған мәселелер бойынша сұрақ қояды. Үздік нәтиже көрсету үшін өзіндік ойлармен бөліседі. Сабақ басындағы мұғалім сұрағына жауап береді.