"Әкем, анам және мен"

Құрметті балалар, ата-аналар, қонақтар, ұжымдастар!

Бүгінгі біздің балабақшамызда өткелі тұрған,

«Әкем, анам және мен» атты отбасылық эстафеталық сайысқа

қош келдіңіздер!

Сайысты бастамас бұрын, сайысымызға әділ баға беретін әділ қазылар алқасымен таныс болайық.

1) Балабақшамыздың директоры:

Самендирова Нұргүл Төлеубай қызы.

2) №4 «Құлыншақ» балабақшасының әдіскері:

Отарова Зоя Тоқсанбай қызы.

3) Балабақшамыздың қызметкері: Жазықбаева Марияш.

Бүгінгі біздің сайысымызға 3 ынтымақты отбасы қатысқалы тұр. Олай болса бүгінгі сайысқа қатысушы отбасылық топтарымызды ортаға шақырайық.

1- Жауқазын тобы

2-Бәйтерек тобы

3-Ақжелкен тобы (Музыкамен келіп 3 қатарға тұрады).

Ұстанған салауатты өмір салтын,

Жасқанып ешқашанда мойымайтын.

Болашақ спортшылар келді ортаға,

Қол соғып қарсы алайық, қане, халқым!

Құрметті сайыскерлер! Сайысымыздың жоғарғы бағасы 5 баллдық жүйемен бағаланады. Әр отбасы жеке топты құрайды. Әр топ жеңіс мәресіне жету үшін, бірнеше кезеңдерден тұратын кедергілерден өтуі тиіс. Меніңше бұл әрбір ата-аналарымыздың қолынан келеді. Ендеше қатысушыларымызға сәт сапар тілей отырып сайысымызды бастаймыз.

Өнер қуып отбасы өтер дейміз,

Бір басына өнері жетер дейміз.

Сайысқа келген топтар кезектесіп,

Өздерін таныстырып өтер дейміз- деп,

1-ші кезең: топтың атын, топ ұранымен таныстырып өтуі керек.

Таныстыру: 1-ші Жауқазын тобын бір қадам алға шақырамыз. Унгарбековтар отбасы. Майлан Рысбектің ата-анасы.

Қиындықтан қашпаймыз,

Алған беттен қайтпаймыз.

Тұрған мына сап тұзеп,

Жауқазын тобы боламыз.

2-ші Бәйтерек тобын шақырамыз.

Хайырмухамедовтар отбасы (Үсен Ерасылдың ата анасы)

Қыран құстай ұшамыз,

Алыстарға самғаймыз.

Шаршы алаңда топ жарып,

Қарсыластан калмаймыз.

3-ші Ақжелкен тобын шақырамыз.

Урзабековтар отбасы

Ұшақтанда ұшқырмыз,

Желден өзған жүйрікпіз.

Келіп тұрған жарысқа,

Ақжелкен тобы боламыз.

Енді таныстыруымызды бағалау үшін әділ қазылар алқасына сөз.

2-ші кезең: «Кім жылдам». Ойын шарты: Әкелері балаларын мойындарына отырғызып, кедергілер арасымен жүгіріп жарысады. Аналарымыз секіртпемен орындықтар арасымен секіріп жарысады. Әділ қазылар сөз кезегі өздеріңізде.

3-ші кезең:

«Әкелерімен аналары қолдарын айқастыра ұстап, балаларын қолдарына отырғызып, орындықтар арасымен жарысады.

Әділ қазыларға сөз.

Әділ қазыларға сөз.

4-ші кезең: «Теннис»

Теннис таяқшасымен допты кедергілер арасымен алып жүру(әкелерімен аналарына тапсырма). Немесе мольберт тақтаға есеп шығару. Есептің дұрыс шығарылуына қарай ұпай беріледі. Балаларына самокат тебу.

5-ші кезең: «Доп тасу».

Шарты: Допты екі тізесімен әкелері допты қысып, жерде жатқан обручқа жетуі тиіс, жерде жатқан обручқа допты салып, секіртпемен секіріп кейін қайту.

Ал анасы секіртпемен обручқа дейін секіріп, допты тізесіне қысып орнына дейін келуі тиіс.

6-шы кезең: «Аяғыңды сулама». Бұл сайысқа аналар мен балалар қатысады.Анасының қолына екі обруч беріледі,біреуін алдына тастап соған өтіп, екіншісін де дәл солай мәреге жеткенше жалғастыра береді.Ал әкелеріміз күш сынасады.

7-ші кезең: «Арқан тартыс» ұлттық ойыны.

Шарты: Бұл ойынға екі топтан бір-бір ата-анадан қатысады.

Екі топтың сайыскерлері арқанның бойымен ұстап, бір біріне қарама қарсы тұрады. Белгі берісімен екі отбасы арқанды өзіне қарай бар күштерін сала тартады. Бұл жерде күш сыналады.

Егер топ сайыскерлері сызықтан өтіп кетсе сол отбасы жеңіліс табады. Жеңген топтың ата-анасы келесі топпен шығады.

III- бөлім: Қорытынды.

Бүгін міне оң болып әр ісіміз,

Жоғары боп күш жігер намысымыз.

Осылайша қуанышпен думандатып,

Аяқталды, халайық жарысымыз.

Осымен сайысымыз да өз мәресіне жетті. Енді әділқазылар алқасы сайысымызды қорытындылап бір шешімге келгенше балабақшамыздың балалары биден шашу шашады.

Енді сөз кезегі жеңімпаздарды марапаттау мақсатында әділқазылар алқасына беріледі. Қазылар алқасының шешімі бойынша:

I-орын: Бәйтерек тобы.

II-орын: Ақжелкен тобы.

III-орын:Жауқазын тобы марапатталды.

Біз қазақпыз, Ел үшін атқа мінген,

Жанып жатқан лапылдап, отқа кірген.

Бой тұмар ғып ар ождан қазынасын,

Отбасылар ел қамын сақтап жүрген.

демекші құрметті сайысқа қатысушы отбасылары.

Бүгінгі «Әкем, анам және мен» атты отбасылық сайысқа уақыттарыңды бөліп қатысқандарыңыз үшін әрбір отбасымызға алғысымызды білдіреміз! Салауатты өмір салтын ұстанып,спортты серік етейік. Жақсылықта, амандықта жүздескенше сау болыңыздар.

Жеңістеріңіз құтты болсын!