« Жолда жүріп үйренейік»

Қызыл түс-қимылдама,баспа алға,

Қиылыста қарап қалма аспанға.

Сары түс-сәл сабыр ет,дайындал.

Жасыл түс-жүре бергін,жасқанба.

« Жолда жүріп үйренейік»

Мақсаты: Балаларды жолда дұрыс жүріп тұруға тәрбиелеу.Қоғамдық

мекемелердің күнделікті тұрмыста алатын орны, онда көптеген

адамдар жүретінін түсіндіру.Жол белгілерін ажырата білуге баулу.

Жол жүру ережесін сақтауға тәрбиелеу.

Көрнекілік: Бағдаршам белгісі, жол белгілері. Бағдаршам, ескерту белгісі,

тыйым салу белгісі,- анықтама белгісі.

Тәрбиеші: Қымбатты балалар! Бүгін жолда жүру ережесіне арналған ашық тәрбие сағатын өткізгелі отырмыз. Көшеде қалай жүру керектігін, бағдаршамның түстері нені білдіретінің тағы бір есімізге түсіріп, сақтандырғанды жөн көрдік. Өйткені соңғы уақытта көшелерде көлік саны көп болғандықтан алуан түрлі жол көлік апаттарының орын алып жатқандығын, сондай апат салдарынан жас өспірімдердің әртүрлі оқиғаларға душар болып жатқанын жасыруға болмайды.

1.Жолдың машина жүретін бөлігінде ойнауға болмайды. Жаяу жүргіншілерге арналған жолдан өт.

2.Егер жолдан өтуге үлгермесен, орталық сызықта немесе «қауіпсіздік аялдамасында» тоқта да бағдаршамның жасыл түсінің жануын күт...

3.Жолдан өтерде солға қара, ал бөлгіш жолақтан кейін оңға қара.

4.Жолдан бағдаршамның тек жасыл түсі жанғанда өт.

5.Егер жаяу жүргіншілерге арналған жол болмаса, жаяу жүргінші жолдың шетімен қозғалысқа қарсы жүруге тиісті.

6.Келе жатқан машина алдынан жолды кесе жүгірме.

Тәрбиеші: Ал кәнекеи, үйренейік біз де жүру тәртібін.

Тәрбиші: Балалар, бағдаршам және оның үш көзін біледі екенсіңдер. Енді мен сендерге жұмбақ жасырайын.

1.Көліктің қаншасын жолынан өткізген,

Іргеден басталып, алысқа жеткізген. (Жол)

2.Ала таяқ ұстаған,

Жол тәртібін нұсқаған.

Өміріңді ізетпен,

Ысқырығы күзеткен. (Милиционер)

3.Жоқ өзінде бас та, ауыз да,құлақ та,

Бақырайған үш көзі бар бірақта. (Бағдаршам )

Тәрбиеші: Балалар жолда жүреу ережесін өлең шумақтарымен қорытындылайықшы.

Хормен жаттаймыз: Жолда жүру әліппесін,

Білген жөн бес саусақтай.

Сонда ғана жүре аласың,

Сен өзіңді сау сақтап.

Ембі қалалық№ 1 ЖББОМ жанындағы шағын орталық

« Жолда жүріп үйренейік»

Тәрбие сағаты ІІкіші топ

Топ тәрбиешісі Т.Т. Сартаева

2018-19оқу жылы

Ембі қалалық №1 ЖББОМ жанындағы шағын орталықтың

ІІ кіші тобында өтілген « Жолда жүріп үйренейік» атты тәрбие сағатына

Анықтама

Балалардың жолда дұрыс жүріп тұруы, қоғамдық мекемелердің күнделікті тұрмыста алатын орны жайлы, онда көптеген адамдар жүретіні түсіндірілді.Жол белгілерінің суреттері көрсетіле отырып,оны ажырата білуі де айтылды. Жол жүру ережесін сақтау да ескертілді.Топтағы балалардың барлығы қатысты.Тәрбие сағаты суреттер көрсету,тақпақ жаттау,ойын арқылы тартымды өтті.

Топ тәрбиешісі Т.Т. Сартаева

Мақсаты: Балаларды жолда жүру ережесімен таныстыру, жаяу адам мен

көліктің өзара байланысын ұқтыру, ой-өрісін дамыту. Есте сақтау

қабілеттерін дамыту. Жолда жүру мәдениетіне үйретіп, сақтыққа,

ұқыптылыққа тәрбиелеу.

Көрнекіліктер: бағдаршам, ақ жол, жол белгілері, ойын құралдары, руль.

Тәрбиеші: Жалғайтын достастырып бар елменен,

Жолдардан тұрады ғой әлем деген,

Бүгінгі бізге келген қонақтарға

Шарамыз басталады сәлемменен! – - Сәлеметсіңдер ме, балалар?! Бүгін сендермен бірге бәріміз жолда жүру ережелері мен тәртібі туралы біліп, ойын ойнап, ән саламыз. Балалар, сендер таңертең үйден шығып, біреуің жаяу, біреуің көлікпен әдемі болып қанда келдіңдер?

Балалар: Мектепке!

Тәрбиеші: Ал енді бәріміз мұқият боламыз, ортаға жол белгілері келеді, танысамыз. Жол белгілерімен таныстыру, қай жерлерде орналасатынын айту.

Тәрбиеші: Балалар, сондықтан да жолда абай боламыз, белгілерге сүйеніп жүреміз. Жолда жүру сақтығы туралы балаларымызды өлеңдерін тыңдап өтелік.

Тақпақтар: Үлкен біздің қаламыз

Есте сақтап аламыз.

Қызыл, сары, жасыл шам

Көшеде тұр бағдаршам.

Қалада көлік көп,

Қалада апат көп,

Сақтайтын апаттан

Тек қана бағдаршам.

Ойын «Бағдаршам түстері» ЖОЛ ТӘРТІБІН БІЛЕСІҢ БЕ? (ойын-сауық)

Шарты: Қызыл, сары, жасыл киім киген балалар жүргізуші сары түсті көрсеткенде аяқтарын көтеріп тұрады, жасыл түсті көрсеткенде бір орында жүреді, қызыл түсті көрсеткенде бір қалыпта қатып қалады.

Жұмбақтар жасыру:

Көзді ашып жұмады,

Бағыт сілтеп тұрады. (бағдаршам)

Адамсыз ол жүрмейді.

Төрт аяғы дөңгелек, (машина)

Ойын «Кім жылдам?»

Шарты: Жерге сызылған қызыл, сары, жасыл шеңберлерге үш түрлі түсті киім киген балалар әуен аяқталғанша түстері бойынша орналасып алулары тиіс. Жеңімпаздар марапатталады.

Тәрбиеші: Рақмет, балалар! Осындай әдемі, ақылды балаларды мен ортаға би билеуге шақырамын. Би «Барбарики»

Ембі қалалық№ 1 ЖББ орта мектебі

« Жолда жүріп үйренейік»

Тәрбие сағаты мектепалды даярлық «ә» тобы

Топ тәрбиешісі Г.А. Рятова

2018-19оқу жылы

Ембі қалалық №1 ЖББ орта мектебі мектепалды даярлық «ә» тобында

« Жолда жүріп үйренейік» атты тәрбие сағатына

Анықтама

Балалардың жолда дұрыс жүріп тұруы, жолда жүру мәдениеті,қоғамдық мекемелердің күнделікті тұрмыста алатын орны жайлы, онда көптеген адамдар жүретіні түсіндірілді.Жол белгілерінің суреттері көрсетіле отырып,оны ажырата білуі де айтылды. Жол жүру ережесін сақтау да ескертілді.Топтағы балалардың барлығы қатысты.Тәрбие сағаты суреттер көрсету,тақпақ жаттау,жұмбақ жасыру,ойын арқылы тартымды өтті.

Топ тәрбиешісі Г.А. Рятова