Заттар әлемі.

Ұйымдастырылған оқу іс-әрекетінің технологиялық картасы  ересек топ
Білім беру саласы: Таным
Бөлімі: Қоршаған ортамен таныстыру
Тақырыбы: Заттар әлемі.
Мақсаты
Заттар әлемі туралы түсініктерін бекіту.Заттардың адам өміріндегі маңызы туралы көзқарастарын кеңейту.
Балаларды айналадағы қоршаған ортаға танымдық қызығушылықпен қарауға баулу.
Қолданылатын көрнекі құралдар мен жабдықтар: демонстрациялық материалдар: сағат, айна, сөмке, машина, ыды-аяқ, түйме, киім, ойыншықтар, қайшы, жұмыс дәптері, фломастер.
Сөздік жұмыс: табиғи заттар.
Оқу іс-әрекетінің кезеңдері
Педагогтің іс-әрекеті
Балалардың іс-әрекеті
Мотивациялық-қозғауцшылық
Балаларды шеңбер бойына тұрғызып, «Төртіншісі артық» ойынын ойнатындықтарын хабарлайды. Ойын шарты: педагог төрт заттың атын айтып тұрып, допты балалардың біреуіне лақтырады. Бала айтылған төрт заттың біреуі артық екенін айтуы тиіс. Мысалы, сөздердің нұсқасы:
1.Үстел, орындық, төсек, шәйнек.
2.Шырша, қайың, емен, құлпынай.
3.Қияр, сәбіз, орамжапырақ, алма.
4.Доп, қуыршақ, зырылдауық, орындық.
5.Торғай, ара, бүркіт, қарлығаш, т.с.с.
Балалар допты қағып алып, педагог айтқан артық затты табуға тырысады.
Ойын шартын мұқият тыңдайды. Артық заттың атын тауып айтуға тырысады.
-Шәйнекартық.Шәйнек-ыдыс.
-Құлпынай артық.Құлпынай-жидек.
-Алма артық. Алма-жеміс.
-Орындық артық. Орындық-жиһаз.
-Ара артық. Ара-жәндік.
Ұйымдастырушылық-ізденістік
Педагог жұмбақтар жасырады.
Әншейінде біреусің
Қарай қалсаң, екеусің.
Кесе, шыны, пияла
Оларсыз шай құя ма?
Қасықсыз тамақ жемейді
Олардың атын не дейді?
Әртүрлі заттар бейнеленген суреттерді көрсетеді.
-Қай зат не ұшін қажет деп ойлайсыңдар?
Билингвальды компонент
Зат-предмет, табиғи заттар-природные материалы.
-Қалай ойлайсыңдар, бұл заттарды кімдер жасайды?
-Ал бұл заттарды жасау үшін материалдарды қайдан алады?
3.Әрине, табиғаттан алады. Мысалы, ағаш. Ағаш табиғатта өседі. Ағаштан нелер жасалады? Педагог балалар қиналса, жетекші сұрақтар қояды.
-Күнделікті көріп жүрген үй жиһаздары неден жасалады?
-Үй құрылысына ағаш қажет пе?
-Айтыңдаршы, балалар, бізге дәл осы жерде, осы балабақша тобында қандай заттар қажет деп ойлайсыңдар?
Заттарды зерттеу:
-Неден жасалған?
-Түсі қандай?
-Пішіні қандай?
-Бедері қандай?
-Бізді қоршаған ортаның барлығы-заттар. Олар табиғи заттар немесе адам қолымен жасалған заттар болып бөлінеді.
Табиғи заттар-табиғи денелер деп аталады. Барлық заттардың қасиеттері немесе құбылыстары бірдей емес. Табиғи заттар сұйық, қатты және газ тәріздес болады.(Судың суретін көрсету).
Мынау-су. Су табиғатта бірнеше күйде болады. Ол көбінесе сұйық күйінде кездеседі. Суық кездерде су қатып, мұзға айналады. Су сұйық күйден газ түріне де ауысады. Бұл судың булануы кезінде болады. Газ кеңістіктегі ыңғайлы жерге тарап кетеді.
Жалпы адамға қажетті заттардың барлығы адам қолымен зауыт пен фабрикаларда жасалады.
Педагог балалардың қалай түсінгендерін анықтау мақсатында топтағы кез келген заттың неден және қалай жасалғанын сұрайды.
4.Сергіту сәтін өткізу.
Мынау-киім. Мақта жерде өседі. Оны жинап, фабрикаға жөнелтеді. Ол жерде мақта тазартылады, жуылады, содан соң жіп иіріледі, жіптен мақта тоқылады, матадан киімдер тігіледі.
«Топтастыр» ойыны. Шарты: педагог бірнеше заттың атын атайды. Балалар оны бір сөзбен топтап, жалпы атауын айтады.
Дәптермен жұмыс. Педагог дәптердегі тапсырмаларды қалай орындау керектігін түсіндіреді.
Жеке жұмыс жүргізу.
Балалардың үлгі жауаптары:
-Айна.
-Ыдыс аяқ.
Балалар суреттегі заттарды атайды.
-Айнаға қарап, бет-әлпетінді, өзіңді көресің. Оған қарап өзіңді ретке келтіресің.
-Сағатқа қарап, уақытты білеміз.
-Сөмкеге қажетті заттарды салып жүреміз.
-Машина-көлік түрі.
-Оларды ересек адамдар жасайды.
-Табиғаттан.
Балалар ағаштан жасалатын заттарды атайды.
Балалар сұрақтарға жауап береді, бір-бірінің жауаптарын толықтырады.
Балалар айналасындағы заттарды атайды: ойыншықтар, кітаптар, дәптерлер, орындықтар, үстелдер, ыдыс-аяқтар.
Заттарды ұстап көреді, иіскейді, сипайды, ақырын ұрып көреді.
Балалар сұрақтарнға жауап береді, бір-бірінің жауаптарын толдықтырады.
Балалар педагогтің әңгімесін тыңдап, суреттегі судың әртүрлі кезеңдегі қасиеттерін атайды.
Тәрелке, пияла, тостаған-ыдыстар.
Төсек, кресло, үстел-жиһаздар.
Паровоз, пойыз, автобус-көліктер.
Жаңбыр, қар, жел-табиғат құбылыстары.
Балалар тапсыраманы орындайды.
Рефлексиялық-түзетушілік
Педагог балалардан бүгінгі оқу іс-әрекетінен алған әсерлерін, қандай тақырыпқа әңгімелескендерін сұрайды. Заттарды күтіп ұстау туралы ережелерді балалардың өздеріне айтуды ұсынады.
Балалар заттардың адам өміріндегі маңызын қайталап, естеріне түсіріп, ережелерді өздері ұсынады.
-заттарды күтіп ұстау.
-Шаңын сүрту, жуу.
-Пайдаланып болған соң орнына қою.
Күтілетін нәтиже:
Орындайды: берілген тапсырманы орындау арқылы заттардың қасиетін анықтайды, қорытынды жасайды;
Түсінеді: заттарды күтіп ұстауды, ұқыптылықты; қоршаған ортадағы заттардың барлығы адамның тұрмысы мен тіршілігі үшін қажеттілігін;
Қолданады: заттардың екіге бөлінетіні туралы түсініктерді (адам қолымен жасалған заттар; табиғи заттар-табиғи денелер).