З з дыбысы мен әрпі.

Білім беру саласы: Қатынас

Ұйымдастырылған оқу іс-әрекеті: сауат ашу

Тақырыбы: З з дыбысы мен әрпі.

Мақсаты: Балаларды З дыбысымен таныстыру.З дыбысының дауыссыз дыбыс екенін меңгерту.З әріпінің баспа,жазба түрлерінің бас әріпін, кіші әріпін үйрету

Дамытушылығы.Балалардың тіл байлығын,сөздік қорын жетілдіру.Дидактикалық ойындар арқылы ойлау қабілетін дамыту.

Тәрбиелігі.Балаларды белсенділікке,адамгершілікке,ұқыптылыққа тәрбиелеу.

Көрнекілігі:текшелер,слайдтар,суреттер,               

Әдіс –тәсілдері: сұрақ –жауап, ой қозғау.

Іс-әрекет

кезеңдері              Тәрбиешінің іс-әрекеті              Балалардың

іс-әрекеті

Мотивациялық-

қозғаушылық

кезеңі              Амандасу.

Амансың ба Алтын күн!

Амансың ба Жер ана!

Амансың ба достарым

Сендерді корсем қуанам!

Балалар, бүгінгі күн сендерге қуаныш сыйласын деп сабағымызды бастаймыз.              

қимылмен

жасайды

Ұйымдастыру - іздестіру кезеңі

Балалар өткен сабақта біз қандай дыбыстармен таныстық.

Иә, дұрыс айтасыңдар.

-Балалар қазір жылдың қай мезгілі?

-Қыс мезгілінен кейін қай мезгіл келеді?              

-көктемде қандай өзгерістер болады?

Әріп дегенім не?

Буын дегеніміз не?

Сөз дегеніміз не?

«Кім жылдам?» ойыны.

Шарты: Сұрақтар қоямын кім жылдам жауап берсе, сол бала жеңімпаз атанады.

Ой қозғау. Жұмбақ шешу.

От шашады жалындап,              

Қатты ұшқанда зымырап.Жауабы: зымыран.

Суретпен жұмыс.

-Зымыран, зырылдауық,жұлдыз,қарбыз,сызғыш,қобыз,қоңыз,қаз,жүзік, қозы.

-зымыран сөзінің басында қандай дыбыс естіп отырмыз?

-өте жақсы. З дыбысы дауысты ма, дауыссыз ба?

-дауыссыз дыбыс, көк текшемен белгіленеді.

Дәптермен жұмыс.

Зымыран,қарбыз,қаз сөздеріне дыбыстық талдау жасатып, ондағы з дыбысының орнын ажыратқызу. Дәптердегі буындарды, сөздерді, сөйлемдерді оқыту. Бірнеше рет хормен оқыту. Жазу жұмысы. З әрпін ауада жаздыру, тақтаға жазып көрсетемін. Дәптердегі үлгі бойынша з дыбысының кіші және бас әрпін бастырып жазады.

Сергіту сәті

Сауат ашу дәптеріндегі ребусты шешу.

«Сөз ойла, көп ойла» ойыны.

Шарт:Допты қағып алған бала з әріпі бар сөз ойлап айтуы керек.

« Жоғалған буын» ойыны.

Шарт:Сөздің бір буыны жазылған,келесі буынды тапқан бала жеңімпаз атанады.

«Қай дыбыс екенін айт» ойыны

Шарт: Дыбыс шығармай бір әріпті айтамын. Қандай әріп екенін тапқан бала жеңімпаз атанады.              

Сөз дыбыстан құралады.

Сөзден сөйлем құралады.

Дауыссыз екенін айтады

Дәптерге жазады.

Қимылмен жасайды

Рефлексифті-

түзетушілік кезең

Балалар бүгін біз қандай әріппен таныстық. Жарайсыңдар балалар! Бүгінгі ұйымдастырылған оқу іс-әрекетіне белсене қатысқан балаларды мадақтаймын. Осымен ұйымдастырылған оқу іс-әрекетін қорытындылаймын.                Ойынды қызыға ойнады.

Күтілетін нәтиже: З з дыбысы мен әрпін меңгерту.

Нені біледі: з дыбысының дауыссыз екенін біледі.

Нені игерді: з әрпін жазуды игерді.