Ұйымдастырылған оқу қызметі: «Сайқымазақтың қызықты тапсырмалары»

Ақтау қаласы әкімдігінің білім бөлімінің №59 С .Н.Шапағатов атындағы балабақша МКҚК

«Бекітемін»_________________________

№59 С.Н.Шапағатов атындағы балабақша

директоры Р.Ж.Мухышева

«Сайқымазақтың қызықты тапсырмалары»

(І жарты жылдық қорытынды есеп беру ұйымдастырылған оқу қызметі)

Тәрбиеші: 11 мектепалды даярлық тобы

Қойшыбек Айгерім

Ақтау қаласы 2019-2020 оқу жылы

Тақырыбы: «Сайқымазақтың қызықты тапсырмалары».

Мақсаты: тапсырмалар барысында балалардың ойлау қабілеттерін, зейінін дамыту. Ойынға, тапсырмаларды орындауға деген қызығушылықтарын арттыру. Ойын жаттығулар арқылы ақыл-ой белсенділігін дамытып, тапқырлыққа, шапшаңдыққа тәрбиелеу.

• Балалар, қараңдаршы, бүгін бізге көптеген апайлар, қонақтар келіпті. Қане, алдымен сәлемдесіп алайық. (Балалар шаттық шеңбер құрып амандасады).

Бәріміз енді тұрайық,

Үлкен шеңбер құрайық.

Жақсы-жақсы сөздерді,

Қонақтарға сыйлайық!

Табиғат біздің анамыз,

Табиғатқа баламыз.

Иіліп сәлем береміз.

Біз әдепті баламыз.

• Жарайсыңдар балалар , менің қолымнан не көріп тұрсыңдар? (Жүрек)

• Қане, балалар жүрегімізден шыққан жылы сөздерді айтайықшы. (Балалар тілектерін білдіреді).

• Балалар, сендер бір-біріңнің қолдарыңнан ұстап тұрғанда нені сезесіңдер? (жылулықты, мейірімділікті, достықты.)

• Балалар, бүгінгі күнімізді мейіріммен, қуанышпен бастайық. Қане, айтыңдаршы, қазір жылдың қандай мезгілі? (Күз мезгілі).

• Күз мезгілінде табиғатта қандай өзгерістер болады? ( Күз мезгілінде күн суытады. Жаңбыр жауады, адамдар жылы киінеді).

• Жарайсыңдар балалар, олай болса күз туралы кім тақпақ айтып береді? (Балалар күзге арнаған тақпақтарын айтады).

Тосын сәт. Сайқымазақтың келуі.

Сайқымазақ: Сәлеметсіңдер ме, балалар? (сәлеметсізбе, Сайқымазақ).

• Сайқымазақ, сіз біздің балабақшаға қонаққа келген боларсыз?

• Жоқ, мен тек қонаққа келгенім жоқ, балалардың білімді, ақылды екендеріне көз жеткізу үшін өзіммен бірге қызықты тапсырмаларды алып келдім. Өйткені, биыл бұл топтың балалары мектепке барады емес пе?

• Сіз оны қайдан біліп қойдыңыз?

• Балалар, қараңдаршы менің шарларым қандай әдемі, бұл шарлар жәй шар емес, сиқырлы шарлар.

• Ой, мына гүлдер де керемет, әдемі екен.

• Бұл жәй гүлдер емес. Бұл гүлдерде менің қызықты тапсырмаларым бар. Егерде осы тапсырмаларымды дұрыс орындасаңдар, менің сендерге дайындаған сыйлығым бар.

• Біздің балалар өте білімді, ақылды. Олар тапсырмаларыңызды орындауға дайын. Солай ма, балалар? (Иә)

• Олай болса, мына әдемі гүлдерде Сайқымазақтың қызықты тапсырмалары бар екен. Қазір мен бір гүлді аламын да тапсырманы оқимын. Мені мұқият тыңдаңдар.

• 1-тапсырма: «Жұмбақ сағат»

• Балалар ақылды тапқыр екенсіңдер.

• 2-тапсырма: «Кім шапшаң?»

• 1-10ға дейін тура және кері санап беріңдер. (балалар тура және кері санап береді).

• Асанда 5 алма бар. Ол біреуін Арайға берді. Асанда неше алма қалды? (4)

• Айдананың қолында 10 шар бар. Оның 6 ұшып кетті. Сонда Айдананың қолында неше шар қалды? (4).

• Айымның қолында 5, Сәуленің қолында 5гүл бар. Екеуін қосқанда неше гүл болады? (10).

Сайқымазақ: Жрайсыңдар, балалар!

• 3-тапсырма: «Көңілді пішіндер».

• Осы бөлшектерден геометриялық пішіндерді жапсырып түстерін атап, пішіндерін ажыратып беріңдер. (балалар тапсырманы орындайды).

Сайқымазақ: Жарайсыңдар, білімді балалар екенсіңдер. Сендер шаршаған жоқсыңдар ма? Көңілді әуенмен сергіту жаттығуын жасап жіберейік.

Оңға, оңға түзу тұр.

Солға, солға түзу тұр.

Алға қарай, бір адым.

Солға қарай бір адым.

Жоғары төмен қарайық,

Орнымызды табайық.

• 4-тапсырма: Сурет бойынша күз мезгілін әңгімелеп беру. (Балалар тапсырманы орындайды).

Сайқымазақ: Жарайсыңдар, балалар! Тапсырмаларды жақсы орындадыңдар.

Ойын: «Сыңарын тап».

Ойынның мақсаты: балаларды байқампаздыққа, шапшаңдыққа үйрету.

Шарты: стол үстіндегі қолғап, аяқ-киім, шұлық, доп, қолшатыр сияқты заттар араластырылып қойылады. Балалар осы заттардың арасынан сыңарын тауып көрсетеді.

5-тапсырма: «Сайқымазақтың бейнесін құрастыр».

(Балалар сайқымазақтың бейнесін құрастырады)

-Сайқымазақ, балалар сіздің барлық тапсырмаларыңызды орындады.

Сайқымазақ:

Жарайсыңдар, балалар! Сендер шынымен білімді, ақылды, тапқыр екенсіңдер. Сендерге көп-көп рахмет. Енді мен өздеріңе дайындап әкелген сыйлықтарымды берейін. Сау болыңдар балалар.