Үй жануарлары. Қой мен ешкі

Білім беру саласы: "Әлеуметтік орта"

Бөлімі: Жаратылыстану

Тақырыбы: Үй жануарлары.Қой мен ешкі.

Мақсаты: Үй жануарлары түйе, сиыр, ешкі, жылқы, туралы түсініктерін кеңейте отырып, қой мен ешкіні таныстыру. Олардың тыныс тіршілігімен таныстыру.Жануарларға қамқорлықпен қарауға тәрбилеу.

Қажетті көрнекіліктер: Үй жануарларының суреттері, АКТ тақтасы.

Сөздік жұмысы: Үй жануарлары, қой мен ешкі,қозы- лақ.

Билингвалды компонент: үй жануарлары-домашные животные , сиыр-корова, жылқы-лошадь, баран-қой, ешкі-коза, бота - верблюжонок, құлын - жеребенок, қозы - ягненок, бұзау - теленок, лақ – козленок.

Тәрбиешінің сөзі:

Қане, қане тұрайық

Үлкен шеңбер құрайық.

Балалар көңіл күйлерін қалай? Ендеше бүгінгі оқу іс-әрекетімізді бастайық!

«Жылулық шеңбер»

Үлкенге де сіз,

Кішіге де сіз.

Барлық жанды құрметтеп,

Бас иеміз біз.

Бүгін сендермен Үй жануарлары туралы әңгімелесетін боламыз.

«Кім жылдам?» ойыны (тақтамен суретпен жұмыс)

Суреттермен жұмыс

Ауен ойнап, үй жануарларының суреті шығады.

Тәрбиеші-Балалар қарандаршы мынау үй жанурлардың суреті. Қандай үй жануарларын көріп тұрсындар?

Тәрбиеші-мынау қандай үй жануары?

Балалар: мынау-сиыр

Тәрбиеші-не береді?

Балалар- Сүт береді

Тәрбиеші- Қалай дыбыстайды?

Балалар- мө-мө-мө деп мөңірейді.

Тәрбиеші-Ал мынау қандай жануар?

Балалар- қой

Тәрбиеші-не аламыз?

Балалар-ет , жүннен жылы шұлық киеміз

Тәрбиеші –қалай дыбыстайды?

Балалар-мә-мә-мә

Тәрбиеші-ал мұнау қандай жануар?

Балалар-жылқы

Тәрбиеші-не береді?

Балалар-ет, сүт, сутінен қымыз ішіеміз

Тәрбиеші-қалай кісінейді?

Балалар-ихо-ихо-ихо

Ал енді балалар мен сендерге жұмбақ жасырам сендер жауабын тауып көріндер.

Жұмбақ жасыру:

Басында таяғы бар,

Төрт аяғы бар,

Сақалы да бар.

(ешкі)

Кішкене ғана бойы бар,

Айналдыра киген тоны бар 

                            (қой)

Сөздік жұмыс (қайталау)

Қой-баран, қозы-ягненок, ешкі-коза, лақ-козленок

Қой мен ешкінің пайдасы! Не береді?

Сергіту сәті:

Жазда апамның аулына,

Барып едім қыдырып.

Бір қошақан алдымнан

Шықты ойнап жүгіріп.

Ақ мандайлы ай ма екен,

Шекер ме екен, бал ме екен ,

Кеттім оны сағынып,

Қошақаным қайда екен.

"Төлдерін тап" ойыны

Үй жануарларының төлдерін тауып, енелерінің жанына қояды. Тақтамен балалармен жеке жұмыс жүргіземін.

«Дыбысынан таны» дидактикалық ойыны:

Шарты: Үй жануарларының дыбыстарын тыңдатамын. Қай жануардың дыбысы екенін табулары керек. (мөңірейді, маңырайды)

Қорытынды.

Тәрбиеші: - Балалар, үй жануарына қандай жануарлар жатады екен?

Балалар: - Жылқы, сиыр, қой, ешкі, түйе, ит, мысық.

Тәрбиеші: - Үй жануарлары бізге не береді?

Балалар: - Сүт, ет.

Тәрбиеші: - Олар немен қоректенеді екен?

Балалар: Жем, су, шөп береміз.

Тәрбиеші:

Балалардың жауаптарын тыңдап, мадақтап ұйымдастырылған оқу іс - әрекетімді аяқтаймын.