Тақырыбы: "Мен әдепті баламын!"

Мектепалды даярлық топ тәрбиешісі Төлахметова Әсем Майданқыза

«ШҚО» Семей қаласы «ББ» ММ

« № 11 жалпы орта білім беретін мектем» КММ.

Тақырыбы: Мен әдепті баламын!

Мақсаты: Балаларды адамгершілікке, қарапайымдылыққа,

кішіпейілдікке, әдептілікке, еңбексүйгіштікке, өз

халқының салт-дәстүрін үйрене отырып жаман әдеттен

аулақ болуға тәрбиелеу.

Білімділігі: Адам бойындағы ұнамды ұнамсыз қылықтарды айыра

отырып, әдеп әліппесін бойына дарыту, тіл байлығын,

таным белсенділігін арттыру.

Тәрбиелік: Әдептілікке, сыпайылылыққа тәрбиелеу.

Ұйымдастыру кезеңі

Шаттық шеңбері:

-Балалар, бізге бүгін көптеген қонақтар келген екен «Сәлем- сөздің анасы» деген. Келген қонақтарға сәлем берейік.

Балалар шеңберге тұрып

Үлкенге де сіз,

Кішіге де сіз.

Сәлем бердік сіздерге,

Құрметпенен біз!

Жарайсыңдар балалар.

Әдепті бала әрдайым кездескендермен сәлемдеседі. Автобусқа мінгенде үлкен кісіге орын береді. Сөйлескен кезде сен демей, сіз деп сөйлескен жөн. Ол әдептіліктің белгісі болып табылады. Үйде әжелерің, аталарың "Үлкенді сыйла, әділ бол, өтірік айтпа, жалқау болма, кішкентайларға көмектес" деп үйретіп отырады.

1 сурет. Әдепсіз бала 2 сурет. Әдепті бала

«Суреттер сөйлейді» Бұл бөлімде балалар суретке қарап әңгіме құрастырады. Әдепті бала мен әдепсіз баланың айырмашылығын анықтайды.

3 сурет. Әдепсіз бала 4 сурет. Әдепті бала

5сурет. Әдепті қыз 6 сурет. Әдепсіз қыз

Келесі кезекте «Кім тапқыр?» ойынын ойнайық. Бұл ойында арнайы дайындалған өлең шумақтарын балалар жатқа айтады, ал қалған балалар қандай бала екенін анықтап айту керек.

Пай – пай, бұл бала, қай бала?

Қараша үстіне мұнтаздай тап – таза.

Мадақтай, жарайсың,

Балақай дейміз біз

Пай – пай, бұл бала, қай бала?

Әдепті бала

Пай – пай, бұл бала, қай бала?

Қараша үстіне киімі кір – сатпақ.

Бет – аузы кір айғыз, бес батпан,

Мойыны – күс қатқан, тырнағы сояудай

Пай – пай, бұл бала, қай бала?

әдепсіз бала

Пай – пай, бұл бала, қай бала?

Қараша өзіне, мөп – мөлдір бұлақтай.

Қарасаң өзіне тоймайсың көзіне

Үлкенді сыйлайтын, ұрсуға қимайтын,

Пай – пай, бұл бала, қай бала?

Әдепті бала

4. Пай – пай, бұл бала, қай бала?

Аяқ – қол жарылған, батпаққа малынған.

Бай! Бай! киімі кір сатпақ.

Ұят – ай! Балақай! – дейміз біз.

Пай – пай, бұл бала, қай бала?

әдепсіз бала

Ойын. "Сиқырлы сөздер әлемі" Бұл "Сиқырлы сөздер әлемінде" өлең шумақтарының сиқырлы сөздері жасырынып тұр. Осы сөздерге байланысты «Не деу керек?» логикалық ойынын ойнаймыз.

Ойынның шарты: Арнайы дайындалған әуенді асықпай тыңдап, сиқырлы сөзді табу. ( Көгілдір экраннан әуен қойылып, балалар мұқият тыңдап, жауаптары тыңдалады.)

Апаң сенің базардан

Алма сатып әкелді

Ең үлкенін, жақсысын

Саған таңдап әперді

-Не деп барып жеу керек?

Рахмет!

Балалар жүр көшеде

Естіледі айқай-шу

Сенде шықтың көршіңді,

Қағып кеттің байқамай

-Мұндайда не деу керек?

Кешіріңіз?

Осы келген бетінде

Допты қудың жарыстың.

Көшенің сол шетінде

Кезікті бір танысың

Ұмыттың сен не деуді?

Сәлеметсіз бе.

Қорытынды. Релаксация:

Балалар әдепті бала дегеніміз қандай бала екен?

Бұл топқа қандай балалар келеді?

Біздің топта әдепсіз бала бар ма?

Жарайсыңдар, балалар. Біз әдепті, ақылды, жақсы балалармыз. Сондықтан біздің топқа қонақтар келеді.

Жүректен – жүрекке.

Балалар шеңбер болып, өздерінің үлкенгдерді қалай сыйлайтынын, ал кішкентай балаларға қалай көмек көрсететінін жұмсақ жүрекше арқылы айтып өтеді.

Мен үлкендермен сәлемдесемін.

Мен үлкендерге орын беремін

Мен қыздарды сыйлаймын

Мен өзімнен кішілерге қамқор боламын

Мен қыздарға жол беремін

Мен үнемі достарыма көмектесемін.

Жарайсыңдар балалар. Сендер өздеріңнің қандай әдепті бала екендеріңді көрсете білдіңдер

 Әдепті балалармен келесі кездескенше қош, сау болыңдар.