3. Дамытушылық. Логикалық ойлау, көзбен көру, есту арқылы есте сақтау танымдық кабілеттерін дамыту.
Әдісі-тәсілдері:сұрақ-жауап, талдау, баяндау.
Оқу іс-әрекетінің көрнекіліктері: слайд,видео
Оқу іс-әрекетінің барысы:
I.Ұйымдастыру кезеңі:
Амансыңба, Алтын күн!
Амансыңба, Көк аспан!
Амансыңба, достарым!
Амансыңба, қонақтар!
Сіздерді көргеніме қуандым.
Добрый день
Добрый час
Очень рады видет вас
Разрешите пожелать
И успеха, и удачь
И решение всех задач.
Goodmoгninqgoodmoгninq
Good moгninq do you
Good moгninq good moгninq
Good moгninq ty see you.
Саламатсыздар ма, балалар.
Отыра қойыңыздар.
Бүгін бізде сауат ашу сабағында жаңа әріппен, оның дыбысталуымен танысамыз, ол әріпті сабақ барысында білетін боласыңдар. Сөздер оқып, дыбыстық талдау жасаймыз.
II. Үй тапсырмасын тексеру:
-Балалар, қазір жылдың қай мезгілі?
Қыста орманда тіршілік ететін жануарларды атаңдар. (Қасқыр,аю,түлкі,қоян т.б.)
-Оларды бір сөзбен не деп атаймыз?
— Балалар, біз өткен сабақта қандай дыбыспен танысып едік?(ң)
— Қане дыбыстайық (ң, ң, ң)
— Кім айтады ң дыбысы қандай дыбыс? (дауыссыз)
— Неліктен? (себебі кедергіге ұшырап айтылып тұр)
— ң дыбысына қатысты сөздер ойлайықшы. (аң,оң, тоң, жаңбыр, жаңғақ т.с.с.)
— өте жақсы
— Ендеше аң сөзін буынға бөлейік (1 буын) ң дыбысы қай жерде естіледі?
Сол мысалдардың ішінде ң дыбысынан басталатын сөз бар ма? (жоқ)
Ң дыбысы сөздің ортасында, соңында келеді екен, еш уақытта сөз басында кездеспейді екен.
Оқулықпен жұмыс:
Оқулықта берілген сөздерді оқыту.
Ң әрпіне қандай тақпақтар білесіңдер?
— Балалар өте жақсы.
—Ендеше балалар мен сендерге жұмбақ жасырайын сонын шешуін табайық
Жұмбақ
Егер мен к-ден басталсам,
Тісі жоқтың бірімін.
К-ні алып тастасам ,
Аяқ киімнің бірімін. (Кетік-Етік)
Ал енді балалар осы етік сөзін буынға бөлейікші.
Е-тік (2 буың)
— Етік деген сөзде бізге таныс емес дыбыс естіледі. Ол қандай дыбыс? (е)
Е дыбысын дыбыстату (е-е-е)
Е қалай естіледі? (Әндетіп, созылып)
— Ендеше ол қандай дыбысқа жатады деп ойлайсыңдар? (дауысты)
— Балалар ендеше бүгінгі танысатын дыбысымыз қандай дыбыс екен? (е)
Енді бейне баянға назар аударайық.
Е әрпі видео.
-Балалар бірге қайталайық.
-Балалар енді мына сөздерді буынға бөліп,дыбыстық талдау жасайық.
Слайд (Кеме,кесе,елік,көбелек)
-Балалар қолдарыңдағы текшелеріңді көтеріп дыбыстық талдау жасайық.
- Өте жақсы балалар енді шаршаған боларсыңдар орнымыздан тұрып сергіту жаттығуын жасайық.
Сергіту сәті.
-Балалар орнымызға отырамыз сауат ашу дәптерімізді ашып,Е әрпін оқиық.
Мен оқимын сендер қайталайсыңдар.
Балалар хормен қайталайды.
-Енді Е әрпін ауада жазайық.
-Балалар қайталап өздері ауада жазады.
-Дәптермен жұмыс:
— Балалар біз е дыбысын естіп дыбыстадық, енді оны көзімізбен көріп әрпін жазамыз.
Төмендегі сөйлемді құрап жазайық.
1.Есен,кесе ал.
2.Емен ағаш.
3.Кесе-кеше
Қорытындылау.
Сонымен біз бүгін қандай дыбыспен танысып,оны жаздық? (е)
Е қандай дыбыс болды? (дауысты жіңішке)
-Балалар ендеше есімізге түсіріп қайталап алайық.
Экранға назар аударыңдар.Слайд.
Есек,егіздер,емен, ешкі, егін,етік сөздерін қайталап еске түсіру.
Балалар біздің сыныпта егіздер бар олар Асылхан мен Нұрасхан.
Мадақтау. Сабаққа жақсы қатысқан балаларды смайликтер арқылы бағалау.
№5 орта мектеп
Тақырыбы: Армысың әз Наурыз!
Наурыз мерекесіне арналған
Дайындаған МАД тәрбиешісі: Жайтакова Л.Т
Шалқар қаласы
2014-2015 оқу жылы
Тақырыбы: Армысың Әз Наурыз!
Мақсаты:Дәстүрге айналған Ұлыстың ұлы күні –Наурыз мерекесін балалар бойына сіңіре отырып,толық түсінік беру.
Фанфары:
1-жүргізуші:
Құрметті ұстаздар, ата-аналар,оқушылар!
Дәстүрге айналған ұлыстың ұлы күні – Наурыз құтты болсын! Күлімдеген шуақты көктеммен бірге қазақ даласына жер әлемді жайнатып, әнші құстарды сайратып, Наурыз тойын тойлатып Жаңа жыл келді. Той құ тты болсын! 2-жүргізуші: Ұлыс оң болсын ! 1-жүргізуші: Ақ мол болсын! 1-жүргізуші: Ілесіп наурызбене көктем жетсін,
Көңілін үлкен кіші көкке өрлетсін.
Еңсесі көтеріліп ер азамат
Ескі жылмен реніш, өкпең кетсін. 2-жүргізуші:
Наурыз мейрам жүректерге нұр сепкен, Маңдайымнан сүйіп жатыр күн көктем
Жарығыңмен шуағыңмен күн ана
Алып келді жер бетіне гүл көктем.
1-жүргізуші: Салтымен ата-бабаның Жаңғырды қайта заманым. Тіршілік басы, Наурызым, Құтты болсын қадамың 1-жүргізуші:
Уа, халайық, халайық,
Ақ сандықты ашайық. 2-жүргізуші:
Бұл мереке, бұл тойдың
Шашуларын шашайық!
Шашу!!! шашу шашылсын! Ел мерейін асырсын!!!
(Шашу шашылып жатқанда оқылады.) 2-: жүргізуші:
Құтты болсын елімнің мерекесі, Мықты болсын қашанда керегесі! Тату тәтті халқымызға бақ қонып, Кетпесін туған жердің берекесі.
Асылхан: Өмір бағы жайнасын, Бақта бұлбұл сайрасын Өркендесін тіршілік, Өсіремін бір шыбық
Гүлдәурен:Тыныш болсын даламыз, Таза болсын ауамыз!
Түгел болсын нуымыз, Тұнық болсын суымыз.
Нұрасхан: Бақ дарысын бәріңе! Ой қосылып ойыңа, Бой қосылсын бойыңа! Аман – есен жетейік. Келер Наурыз тойына! Айтолқын: Су жылтырап бүршік ашқан жас талдан, Бу бұрқырап қатып қалған тастардан. Күн күркіреп, жасын ойнап аспаннан, Бар тіршілік Наурыздан басталған! Әділ М: Ел де тыныш! жер де тыныш – бұл күні, Көреміз тек қуаныш пен күлкіні. Табысқан жұрт таныс тауып жатады, Жамалғандай жүректердің жыртығы! Нұрбақыт: Наурыз тойың,наурыз тойың,
Еркемай: Алтын күні шуақ шашып аспаннан, Жаңа жылым жыр думаннан басталған. Ақ дастархан жайып қазақ төріне, Ақ ниетпен үлкендерден бата алған
Исламбек: Бақта құстар сайрайды,
Жайнап көктем нұрымен.
Жаңа дәстүр жырымен,
Ел наурызды тойлайды.
Райымбек: Күн мен түн теңелді,
Жер шуаққа кенелді,
Қуанышты ел енді.
Наурыз келді салтымыз,
Көгерсін деп халқымыз.
Көшеге тал егеміз,
Жарқырады күніміз,
Жайқалып жас гүліміз.
Ән: «Шақырады Көктем» Хор
Уа ағайын, Бүгін Күн мен түн, жарлы мен бай, хан мен қара теңескен қасиетті Наурыз мерекесі баршаңызға құт әкелсін. Беу,халайық, жер ананы мекен еткен күллі адамзаттың үштен бірі барша мұсылмандардың қасиетті мейрамы Әз наурыз әр отбасына береке әкелсін. Жыл он екі ай, 365 күн асыға күткен, жер жүзі мейірге жылулыққа шомылған, қыз бозбала құлпырған киелі наурыз сендерді шаттыққа бөлесін.
Айша: Наурыз келді ал тойлаңдар, жараңдар,
Келген мына мерекеге қараңдар. Шашу шашып ақ жаулықта әжелер, Тойда бүгін ойнап - күліп тараңдар.
Анель: Ұлыс күні қазан болсын
Ол жылы ақ мол болар,
Ұлы кісіден бата алса,
Сонда олжалы жол болар.
Мадияр: Ендеше Қыдыр атадан бата алайық:
Ата болып киінген бала:
Сұрасаң бата берейін,
Ақ тілекті төгейін.
Еліме берсін берекет,
Қашсын сырқат-бәлекет!
Кірсін дәулет есіктен,
Кетсін бейнет тесіктен,
Ескі жылым есірке,
Жаңа жылым жарылқа!
Дастарханың мол болсын!
Абыройың зор болсын!
Ұлыс оң болсын!
Ақ мол болсын!
Қайда барсаң жол болсын!
Әумин!
1-жүргізуші: Наурыз келді жайраң қағып, таң күліп,
Жап жасыл боп кетті дүние жаңғырып
Жақсылыққа жаршы болған наурызым
Сен өмірдің көктемісің мәңгілік.
2-жүргізуші:Наурыз-өте көнеден келе жатқан мейрам. Күні бүгінге дейін жер шарындағы көптеген халықтардың дәстүрлі мейрамына айналып отырған бұл мерекенің қашаннан бері тойланып ке\ле жатқанын дөп басып айту қиын..Бұл күні күн мен түн теңелетін, жан-жануарлар төлдеп, адамдардың аузы аққа тиетін, жер үстінде шаттық орнаған күн.Қазақ елі осы күнді «Ұлыстың Ұлы күні» деп атаған.
Наурыз мерекесі әрқайсыңызға көтіңкі көңіл-күй, қажымас қайрат, өшпес үміт пен шаттыққа толы болсын!!!!!!!
1-жүргізуші:
Бұл жыл баршаңыздың естеріңізде қаларлықтай қымбат естеліктерге толы болсын! Көңілдеріңізге береке, ынтымақ, достық пен күлкі ұяласын! Ұлыс оң болсын!
Бірге : Қош сау болыңыздар!!!!!!!!
№5 орта мектеп
Тақырыбы:Ана – біздің күніміз !
8-наурыз халықаралық әйелдер мерекесіне арналған
Дайындаған МАД тәрбиешісі: Жайтакова Л.Т
Шалқар қаласы
2014-2015 оқу жылы
Тақырыбы: Ана – біздің күніміз ! Мақсаты: Балаларға көктем туралы,8- наурыз мерекесі туралы түсінік беру, отбасындағы ананың орнын,анаға деген құрметті ұғындыру, еліне,жеріне деген сүйіспеншіліктерін арттыру, адамгершілік, қамқорлық,достыққа, ұйымшылдыққа баулу және әдемілікті сезіне білуге үйрету.
Жүргізуші:
Ана дейміз біріміз де аңқылдап, Ана дейді жас сәби де жарқылдап, Ана деген бәйтерегі өмірдің, Ана деген алтын қазық алтын бақ. Жүргізуші: Қымбатты аналар,әжелер,құрметті ұстаздар. Сіздерді көктемнің әдемі, шуақты мерекесімен 8 наурыз Халықаралық әйелдер күнімен құттықтаймыз. Ана – біздің күніміз атты мерекелік ертеңгілімізді тамашалауға қош келдіңіздер.
Жүргізуші: Ана деген өмірдегі ұлы есім, Бақ тілесе анадай-ақ тілесін. Ана деген ардақты ат,сен оны, Ана жайлы ән тыңдасақ білесің. Ән хормен: «Ақ мамам ». Аналарға арналған тақпақтар: Асылхан:Анам менің сүйіктім Тек өзіңе табынам. Қасымда жүрсең биікпін, Алыстасаң сағынам.
Айтолқын: Әлпештеген аялаған Ақ сүт берген апатайым Сәлем жазып бүгін саған Мейрамымен құттықтаймын
Нұрасхан:Анаң болса қасында Басқа бақыт не керек Аналардың жүрегі Мейірімді ғой керемет.
Мадияр:Мен анамды сүйемін, Құшағына енемін. Мәпелеген анамды, Қуантсам деп келемін.
Анель:Аналарды сүйеміз, Сөзін ойға түйеміз. Әжені де ардақтап, Әдеппен бас иеміз.
Әлиарман:Құрт пен майын жинаған, Балаларға сыйлаған. Бұл әжемнің өмірі, Таусылмайтын жыр маған.
Исламбек: Бізді өсіріп баптаған, Жақсы болсақ шаттанған. Алтыным деп мақтанам, Айналайын ақ мамам.
Жүргізуші:Барлық бала бірігіп, Көтерейік көңілді. Аналарды құттықтап, Би-билейік шаттанып.
Би: Өзбек биі
Әділ Ұзақбай:Әже деген көп шығар, Әжедейі жоқ шығар. Мейірімді бұл кісі, Қандай әсем күлкісі. Гүлдәурен:Мәпелейді, әлдилейді, бағады. «Құлыным» деп құшағына алады Өзгеге де, өзіне де жауапты Барлығына қалай уақыт табады?!
Нұрбақыт Мұратов:Ертек қандай көп еді, Күнде айтып береді. Қуанатын балаша, Менің әжем тамаша
Райымбек:Сенен өскен балалар, Батырлар мен даналар. Құттықтаймыз мейраммен, Құрметті әже аналар.
Айша:Аялап алақан, Әлпештеп өсірген. Аяулы жан анам, Қатемді кешірген.
Нұрбақыт Зинел:Ақ жүректе сақтаған, Жақын жүзің бақ маған. Ақ бетіңнен сүйемін, Келші,келші ақ мамам.
Балалар аналары мен әжелеріне қолдан жасалған ашық хаттарын таратады.
Әділ М:Анашым жан анам, Балдан тәтті бал анам. Үйге келсең мақтанам, Құшақ жая қарсы алам.
Аяулым:Анашым анам, Ыстықсың маған. Тәрбие бердің, Көп алғыс саған.
Нұрғазы:Жер бетінің ғұмыры, Күн нұрымен арайлап. Біздің үйдің жылуы, Анамыздан тарайды.
Диляра:Менің әжем сымбатты, Әжем маған қымбатты. Құрт пен майын жинайды, Бізге оны сыйлайды. Сабыр:Анам менің ақ мамам, Балашым деп мақтаған. Анам барда әрдайым,
Қуанамын шаттанам.
Аружан:Мені жақсы көреді Күндей күліп келеді Көп ертегі біледі Маған айтып береді.
Еркемай:Шалқып тасып әніміз Жадыратып жанымыз Ана сені құттықтап Әндетеміз бәріміз.
Хор: «Мамочка моя»
Жүргізуші:Балалар «Қыз өссе елдің көркі»деп халқымыз тегін айтпаған.Расында да біздің қыздар қандай әдемі,сүйкімді.Ұлдарымызда нағыз жігіттер.Олар қыздарымызға өз сыйлықтарын әзірлеген екен,табыстаңдар.
