Би: «Ақ көгершін» тобының жігіттерінің орындауында «Сарбаздар» биі.
Қазақпын, еңселі елмін егеменді, Кеңейттім кең әлемге керегемді. Мұхиттың ар жағында жатқан жұрттар Таныды тепе - тең деп тереземді. Қазақпын, қойнауы - құт, жері - дархан, Әнімді бес құрлықтың бәрінде айтам.
Просмотр содержимого документа
«"Тәуелсіз Қазақстаным!"»
КМҚК «Қызғалдақ» бөбек-жай балабақшасы
«Тәуелсіздік деп соғады жүрегіміз»
Тәрбиеші:
Әміржанова Меруерт
Сабыржанқызы
Мұқры ауылы
2016жыл
«Тәуелсіздік әппақ нұрым кіршіксіз»
Кештің тақырыбы: «Тәуелсіздік деп соғады жүрегіміз» Кештің барысы:
Армысыздар, құрметті ұстаздар, балалар және қадірменді қонақтар! Бүгінгі Тәуелсіздігіміздің 25 жылдығына арналған «Тәуелсіздік деп соғады жүрегіміз» атты мерекелік кешімізді ашық деп жариялаймыз.
Хор: «Қазақстан Республикасының Гимні».
Тәуелсіздік - ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті мемлекеттерінің қатарына қоса алдық. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш президентіміз Нұрсұлтан Әбішұлы Назарбаевтай көреген саясаткердің ерен еңбегін дәл бүгін және әрқашанда айтып өтеміз. Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті.
Сұрақ-жауап:
1. Балалар,бүгін қандай мереке?
2. Тәуелсіздік күні қай күн?
3. Тәуелсіздік алғанымызға неше жыл болды?
Тәуедсіздік туралы мәлімет беру.
Армандарды жақындатып тым алыс, Біздің жаққа жеткен екен жылы ағыс. Егемендік - ел бақыты, ертеңі, О, халайық! Құтты болсын қуаныш!
Балалар, сендер Тәуелсіздік туралы такпақтар білесіңдер ме?
Тақпақтар:
Ал,балалар, енді Тәуелсіздігіміздің 25 жылдығына арналған сюжетімізді тамашалайық. (Бейнетаспа көрсету)
Азат өлкем күндей күлген шығыстан, Асыл елім жан - жүректі ұғысқан. Ата бабам аңсап өткен бақытым, Айналайын, Қазақстан - Гүлстан!
Тақпақтар:
Би: «Ақ көгершін» тобының мың бұралған бишілерінің орындауын би.
Сұрақ-жауап: «Кім жылдам» дидактикалық ойыны.
Сол күндер ғой жүректің аңсағаны, Соған шөлдеп, шөліркеп тамсанады, Өкініш пе, білмеймін қуаныш па Өз - өзінен жүрегім ән салады.
Ән: «Балбөбек» тобының тәрбиеленушісі Марат Аяулымның орындауындағы әсем әнді қабыл алыңыздар.
Ел мерейі тасыған Қазақ деген қалың жұрт Бәрін кешті басынан Естісін ел үніңді Дүние түгел естісін Тәуелсіздік туыңды Биік көтер, жас ұлан!
Көрініс: «Егемендікке қалай қол жеткіздік?»
Кең байтақ, көз жетпейтін жерім менің Таулы орман, жасыл жайлау көлім менің Бүгінде бар әлемге даңқың жетті Тәуелсіз Қазақстан – елім менің
Бақытым - Республикам Қазақстан, Көгінде ақ көгершін, қаздар ұшқан. Саған жетпес құшағы әлемнің де, Қыс болса, бір шетінде жаз ауысқан.
Ән: Әубәкір Таңшолпан мен Қанат Айкүнімнің орындауында «Жаса, Қазағым» әні.
Қазақ дейтін менің бір елім, Жатыр алып жарты дүние әлемін. Бұл даланы анам жаспен суарған, Бұл далаға жылап келіп қуанған, - деп Қасым Аманжолов ағамыз жырлағандай, кең байтақ жерімізде Қазақ халқының басынан не өтпеді десеңізші. Талай қиындықты бастан кешірсе де, ешқашан мойымай, күресе білді. Азаттық таңы туатынына кәміл сеніп, үміттерін үзбеді.
Бейнефильм: Балалар, Тәуелсіздік деген үлкен мереке. Сол мерекеге арналған бейнефильмді тамашалайық.
«Орнында бар оңалар» демекші, ел орнында, жер орнында, жерге жетер байлық жоқ. Жер болса, ел болады, ел болса ер болады. Ерлеріміздің арқасында «Қазақстан» егеменді ел болып, дүние жүзіне танылды. 120 - дан аса ұлт өкілдері тұратын осынау қасиетті мекенде, асқақтаған өлкеде, кеңшілігі керемет дархан дастархандай далада, егіні теңіздей толқыған, төрт түлігі өрбіген, өндірісі өркендеген мекенде өмір сүруші әрбір адам өз Отанын жанындай сүйіп, оның көк байрағын көкке көтеруді мақтаныш тұтады.
Би: «Ақ көгершін» тобының жігіттерінің орындауында «Сарбаздар» биі.
Қазақпын, еңселі елмін егеменді, Кеңейттім кең әлемге керегемді. Мұхиттың ар жағында жатқан жұрттар Таныды тепе - тең деп тереземді. Қазақпын, қойнауы - құт, жері - дархан, Әнімді бес құрлықтың бәрінде айтам.
Егемендік иесі «мен» деген сөз, Көптен бері естілмеген ерен сөз, Екі тізгін, бір шылбырын өзі алған. Көркем жігіт болып өссе көген көз.
Егемендік – ел болудың белгісі, Басқа жұртпен тең жұлдызы, тең күші. «Егемендік» деген сөзден естілер, Ата жұрттың арғысы мен бергісі.
Тақпақтар:
Бойымда әні бұлақ жатыр бұрқырап Сол бұлақтан сыр ағыздым жыр құрап Тілейтінім барша жұртқа бір ғана Ырыс, бақыт, татулық пен ынтымақ.
Қазақ елім! Туды жастық дәуірің. Алғандайсың жұлдызыңның жарығын. Тәуелсіздік құтты болсын, қымбаттым, Туған күнің құтты болсын, алыбым!
Бүгінгі ұрпақ- болар елдің ертеңі дей келе бүгінгі тәуелсіздігіміздің 25 жылдығына арналған «Тәуелсіздік деп соғады жүрегіміз» атты мерекелік кешіміз өз мәресіне де келіп жетті. Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілейік, ағайын. Келесі кездескенше сау саламатта болыңыздар!
