Шуағын төккен көктем

Өскемен қаласы әкімдігінің «№ 100 Балабақша-бөбекжайы»КМҚК

Шуағын төккен көктем

Тәрбиеші:Бекжанова Айгуль Кайрулдиновна

Өскемен қаласы

Білім беру саласы : Қатынас.Шығармашылық.Таным.

Ұйымдастырылған оқу қызметінің түрі:«Тіл дамыту» «Құрастыру» «ҚМҰҚ» «Сурет»

Тақырыбы:Шуағын төккен көктем.

Білімділік мақсаты: Балалардың көктем мезгілі туралы білімдерін кеңейту, бекіту.Жалпы жыл мезгілдерінің табиғаттағы өзгерістері туралы білімдерін қорыту.

Дамытушылық мақсаты:Дидактикалық ойындар арқылы құстар мен гүлдер жайлы білімдерін,ойлау қабілеттерін,сөйлеу іскерліктерін дамыту.Сұраққа толық жауап беруге дағдыландыруды жалғастыру.Ажырата,топтастыра білу қабілеттерін қалыптастыру.

Мнемотірек арқылы берілген тапсырманы түсініп , орындай білуге дағдыландыру.

Тәрбиелік мақсаты: Ептілікке,тазалыққа және бастаған ісін аяғына дейін толық орындауға тәрбиелеу.

Сөздік жұмыс : Көктем,бәйшешек,қызғалдақ,бақ-бақ.

Көрнекілігі:күннің суреті,жыл мезгілдерінің суреті,теледидар, мнемотірек сызбасы бар А3 қағазы.

Ұштұғырлылық компонент: Весна-көктем-,күн-солнце-,қызғалдақ-тюльпан.

Алдын-ала жүргізілген жұмыс:әуенмен сергіту сәті

Мотивациялық қозғаушылық- қызығушылығын ояту.

Сәлеметсіңдер ме балалар!

-Шеңберге жиналып,амандасады.

Армысын , Алтын күн

Армысың, көк аспан,

Армысың,қайырымды Жер Ана

Армысың, менің достарым!

Здравствуй, солнце,

Здравствуй, небо!

Здравствуй,вся моя Земля!

Здравстуй, все мои друзья!

Good morning sun

Good morning sky

Good morning world

Good morning my friends.

Балалар бүгін қуанышты күн,себебі тобымызға сендерді ақылды,білімді деп естіп қонақтар келіпті.Білімімізді көрсетеміз бе?

-Иә.

Орындарына отырады.

Мнемотірек арқылы жұмбақ жасырады:

Ақ қар еріп, су көбейіп

Сай – салаға толады.

Ағаш басы бүршік шашып,

Гүл бәйшешек толады,

Айтыңдаршы балалар,

Бұл қай кезде болады?

-Мнемотірек арқылы жасырылған жұмбақты шешеді.

Шешімі:Көктем мезгілінде болады.Көктем – весна-spring

Ізденушілік-ұйымдастырушылық:

Көктем мезгілінде қандай өзгерістер болады?

-Көктемде қар ериді.

-Көктем мезгілінде күн жылынады.

-Көктем мезгілінде ағаштар бүршік жарады.

-Көктемде құстар жылы жақтан ұшып келеді.

-Көктем мезгілінде жер көгеріп,гүлдер шығады.

Жақсы,біз көктем мезгілінде қандай мерекелерді тойлаймыз?

-Аналар мерекесін

-Наурыз мерекесін,

-Достық мерекесін,

-Жеңіс күні мерекелерін қарсы аламыз.

Көктем мезгілі жайлы қандай тақпақ ән білесіңдер?-Балалар білетін тақпақтарын естеріне түсіріп айтады.

Топқа көктем құсы" қарлығаш" келеді.

-Қарлығаш құсына назар аударады.

Сәлеметсіңдер ме ,балалар!

Мен жыл құсы- қарлығашпын.Мен сендерге жылы жақтан ұшып келдім.Өзіммен бірге мына гүлімді ала келдім.Себебі, гүлім қанша күтім жасасам да, көңіл-күйі болмай сола береді.Мүмкін сендер маған көмектесерсіңдер.

-Қарлығаш сен гүліңе су құйдың ба?-Иә,су құйдым.

Тәрбиеші:Әрине дұрыс айтасыңдар ең үлкен және қайырымды керемет бұл "күннің сәулесі" және достар.

-Біз білеміз ,оған күннің сәулесі мен көп достар керек.

Күн-солнце ,Қайталайды:Күн-солнце-sky

Тәрбиеші:Күннің макетін тақтаға іледі

Балалар күн қандай? -Балалар ойланады.

Күнді неге теңей аласыңдар ?

-Күн сары-бақ-бақ гүлі сияқты.

-Күн дөңгелек-доп сияқты.

-Күн мейірімді -анамыз сияқты.

«Салыстыр және ата»ойыны.

Жақсы балалар,бөлмеде күннің сәулесі қай жерге көп түседі? -Күннің сәулесі терезенің алдына түседі.

Олай болса, Қарлығаштың гүлін терезенің алдына қояйық. -Қарлығаштың гүлін терезенің алдына қояды.

Балалар, жылы жақтан Қарлығаштан басқа тағы қандай құстар ұшып келді.

Дидактикалық ойын. «Құстарды танисыңба»

Ағаш басында топтасып отырған құстарды жыл құстары мен қыстап қалатын құстар етіп екіге бөліп топтастырады.

Оларды атап ,қандай құстар қатарына жататынын айтады. Құстар жайлы қандай тақпақ,мақал-мәтел білесіңдер,естеріңе түсіріңдерші.

-Құстар жайлы тақпақ,мақал-мәтел айтады.

-Балалар, көктем мезгілінің алдында қай мезгіл болды?

Дидактикалық ойын «Ажырата біл»

Мақсаты:Мезгілдерді атап,кім сол мезгілге сәйкес ерекшеліктерін тауып сипаттап береді.

Мезгілдерді атап, мнетаблица белгілері арқылы берілген ерекшеліктерін әр мезгілге сәйкестендіріп белгілерін орналастырады.

Оларды сипаттап айтады.

Теледидардан әуен қосып,сергіту қимылын жасайды.

Балалар біз санай білеміз бе?

Кәне,есімізге түсірейікші.

Ойын «Жасырын гүлді тап»

Көктемнің алғашқы гүлі қандай гүл?

Өте жақсы.Тағы қандай көктем гүлдерін білесіңдер?

-Көктем гүлі қызғалдақ, бәйшешек гүлі,бақ-бақ,жауқазынды білеміз.

Гүлдің мүшелерін атайықшы?

-Гүлдің сабағы болады.

-Жапырағы болады.

-Гүлі болады.

Енді осыған көз жеткізу үшін бізде гүлдер жасап көрейік.

Балалар «беске» дейін санмен берілген гүлдердің ішінен қай санды гүл жок екенін тауып атайды.Сандардың орындары ауысқандарын тауып атайды.

Ол үшін кім не жасайтынын анықтап алайық. (Санамақ арқылы құмға және ноутбуққа отыратын балаларды анықтап алады.)

1.Алма кетті домалап,

Көше бойын аралап.

Кім алманы табады.

Сол қызғалдақ бояйды.

2. Алма кетті домалап,

Көше бойын аралап.

Кім алманы табады.

Сол қызғалдақ салады.

Қалаулары бойынша жұмыс орындарына отырады.

Ал қалған балаларды ,баланың қалауы бойынша кез келген орындарға отырғызады.Жұмыстың жасалу барысымен,қолданатын заттармен таныстырады.Алдарындағы берілген материалдарға сәйкес әрбала өз жұмысын жасайды.

Рефлексивтік –түзетушілік:

-Балалар бүгінгі оқу іс-әректіміз сендерге ұнадыма?

Несімен ұнады?

Сендер не жасадыңдар ?

Естеріңде ерекше қалатын жұмыстарды атай аласыңдар ма?

Белсене қатысқан балаларды мадақтау.

Балалар қарлығаш құсымыздың достары сендерді ақылды,тапқыр,епті деп естіп сендерге мынадай қорапша беріп жіберіпті,онда мынадай сыйлық бар екен.

Рахмет балалар, сендер өте ақылды,тәртіпті болдыңдар .Осымен бүгінгі оқу іс-әрекетіміз аяқталды.