Сандарды шатаспай ауызша санауға жаттықтыру

Шығыс Қазақстан облысы

Күршім ауданы

Күршім ауылының балалар бақшасы

Тәрбиеші: Калигожина А.Б.

Тақырыбы: «Сандарды шатаспай ауызша санауға жаттықтыру. Геометриялық пішіндерді қайталату»

Мақсаты:

Білімділік мақсаты: балалардың сандарды ретімен шатаспай санауларын жетілдіру, геометриялық пішіндерді қайталату ;

Дамытушылық мақсаты:балалардың математика пәніне деген қызығушылықтарын арттыра отырып, ойын барысында ой- өрістерін, тілдік қорларын , есте сақтау қабілеттерін дамыту;

Тәрбиелік мақсаты: балаларды ұйымшылдыққа, белсенділікке, ізденімпаздылыққа тәрбиелеу.

Көрнекілік: сандар, пішіндер, қоржындар, асықтар, дидактикалық ойынға қажетті пішіндер, суреттер, вагондар, қалташалар, үлестірмелі сандар, теледидар.

Билингвалдық сөздік: сандар- цифр, пішіндер- фигуры

Әдісі: санау, сергіту, ойын, сұрақ- жауап

Сабақтың барысы:

1.Ұйымдстыру кезеңі:

а. Амандасу

ә. Шаттық шеңбері:

Жарқын, жарқын үніміз,

Болашақтың күніміз.

Балалық шақ үйінің

Жайнап тұрған гүліміз.

Сәлеметсіздер ме, қонақтар!

Сәлеметсіңдер ме, балалар!

Шеңберде тұрған балаларға қоржын толы асық және қағаз бетіне жазылған тапсырмалар табылғаны туралы айтылады. Тапсырмаларды орындау үшін балаларды екі топқа бөлі керек.Бөлу үшін шеңберде тұрған балаларға үшбұрыш, төртбұрыш пішіндері таратылады.

2топқа бөлініп отырады, 1- топ «үшбұрыштар» тобы, 2- топ «төртбұрыштар» тобы болады.Топқа бөлініп отырған соң тапсырмаларды орындау басталады. Басталмас бұрын қай топ бірінші шығатынын шешу үшін «Ханталапай» ұлттық ойыны ұйымдастырылады. Екі топтан бір баладан шығып «Ханталапайға» қатысады.

Талапай-ау, талапай,

Табылды ойын, алақай!

Асықты алға шашамыз,

Талапайға басамыз.

Шарты: шашылған асықты кім көп жинаса, сол топ жарысты бастайды.

Әр тапсырманы дұрыс орындаған топқа бір асықтан салынып отырады.

1-тапсырма:

1-ден 5-ке дейін тура және кері санау – қазақша, орысша, ағылшынша.

2-тапсырма: «Логикалық сұрақтар»

1. Апасы Сезімге дүкеннен төртбұрышты доп әкелді. Сезім біреуін Еркежанға, біреуін Мерейге берді. Сезімде неше доп қалды.(доп төртбұрыш болмайды)

2. Балабақша ауласында өсіп тұрған қайың ағашында 2 алма бар екен. Бір алманы торғай жеді, біреуін қарға жеді.Қайыңда неше алма қалды? (қайыңда алма өспейді )

3. Бір қоянның құлағы нешеу? ( бір қоянның құлағы екеу)

4. Екі аюда неше бас бар? (екі бас бар)

3-тапсырма: «Ретімен орналастыр»

Бұл топпен жұмыс. 2 топқа бірнеше бөлікке бөлінген сурет беріледі, әр бөліктің сол жақ шетінде 1-ден 6-ға дейінгі сандар орналасқан.Балалар сандарды ретімен орналастырып,суретті құраулары тиіс.

Сергіту сәті:

4-тапсырма: «Сан қатары»

2 топтан бір баладан тақтаға шығады, «адасқан вагондарды» ретімен орн.аластырып шығады.Дұрыс орындаған топқа асық беріледі.

2...4...1...3...5...6

5...3...1...4...2...6

5-тапсырма: «Кім жылдам?»

(әр топтан бір баладан тақтаға шығып, берілген пішіндерден бір зат құрайды )

Шарты:берілген пішіндерден бір зат құрау, қай топ бірінші құрастырса сол топқа асық беріледі.

6-тапсырма: «Кім тапқыр?»

Әр топқа екі түрлі тапсырма беріледі.Бірінші топқа сан құрамына байланысты болса, екінші топқа пішіндерге байланысты.Тапсырмалар әр баланың алдына таратылады, қай топтың балалар тез әрі дұрыс орындаса сол топқа асық беріледі.

Дидактикалы ойын: «Орнын тап»

Тақтаға бірнеше пішіндер мен сандар белгілі бір реттілікпен ілінеді.Балалар сол реттілікті естеріне сақтаулары тиіс.Кейін балалардың көзін жұмғызып сандар мен пішіндердің орындарын ауыстырып бастапқыда қалай тұрғанын балалардан сұраймыз.Қай топ көбірек жауап берсе сол топқа асық беріледі.

Қортынды- рефлексиялық:

Кері байланыс

Балалар, бүгін біз не істедік (сандарды шатаспай санадық, пішіндерді қайталадық, тапсырмалар орындадық)

Қандай ойындар ойнадық? («Ханталапай, «Орнын тап»)

Балалар асықтарды өздері санап қай топта асықтың көп екенін айтады.Тәрбиеші жеңімпазды анықтап, жеңімпаздарға қошемет көрсетіледі.