Қыстың әсем келбеттері

Маңғыстау облысының білім басқармасының Ақтау қаласы бойынша білім бөлімінің

№35 «Балдырған бөбекжайы» жедел басқару құқығындағы мемлекеттік

коммуналдық қазыналық кәсіпорны

«Бекітемін»

№35 «Балдырған бөбекжай» директоры

------------------ М.М.Кабдрахманова

« » 02.2021 жыл

«Көңілді қыс»

/Есеп беру ұйымдастырылған оқу қызметі/

Дайындаған : №2 кіші тобының тәрбиешісі Абылова.З.С

Өткізген: №2 кіші тобының тәрбиешісі Абылова.З.С

Ақтау қаласы

2021 жыл

Білім беру саласы: «Денсаулық», «Қатынас», «Таным», «Шығармашылық»

Ұйымдастырылған оқу қызметтері: Денсаулық, Көркем әдебиет, Құрастыру, Жапсыру.

Тақырыбы: «Көңілді қыс»

Мақсаты: Қыс мезгілі туралы түсініктерін кеңейту. Өзіне тән ерекшеліктерін ажырата білуге, өз ойын толық жеткізе білуге үйрету. Қысқы ойындарға қажетті құралдарды атау. Табиғатты аялауға, әсемдікті сезініп, көре білуге тәрбиелеу.

Әдіс - тәсілдері: Әңгімелесу, түсіндіру, сұрақ – жауап, көрсету, ғажайып сәт, ойын, сергіту сәті.

Көрнекілігі: Мазмұнды суреттер, аққала, ойынға қажетті заттар.

Тәрбиеші:

-Балалар, күн суық болса да, біздің жүрегіміз жылы. Жылуымызды жан - жағымызға беріп, жылулық шеңберін құрып, келген қонақтарымызбен амандасайық.

Мейірімділік жүрекпен,

Ақ пейілді тілекпен,

Амандасып алайық.

Бір жадырап қалайық,

Келіп қалған қонақтарға

Иіліп сәлем берейік.

Тәрбиеші:

-Балалар, мен сендерге өлең жолдарын оқып бергім келіп тұр.

Шанамен зырғып желетін,

Коньки, шаңғы тебетін,

Аққала жасап ойнайтын,

Қай мезгіл деп ойлайсыңдар балалар?

Балалар:

- Қыс мезгілі

Тәрбиеші :

-Қазір жылдың қай мезгілі?

Балалар:

-Қыс

Тәрбиеші:

-Қыста неше ай бар?

Балалар:

-үш ай бар.Қайсылар?

Балалар:

-Желтоқсан,қаңтар,ақпан.

Тәрбиеші:

-Жарайсыңдар балалар, қыс мезгілінің белгілерін білеміз бе?

Балалар:

-Қар жауады, аяз болып, боран соғады.

Тәрбиеші:

-Ендеше, боран соққанын қимылмен қалай көрсетеміз?

( Балалар қолдарын жоғары көтеріп, гуілдейді)

Тәрбиеші:

-Қатты аяз болып, тоңғанда не істейміз?

(Қолдарын қусырап, аяқтарын топырлатады)

Тәрбиеші:

-Ал, күн шыққанда не істейсіңдер?

(Алақай, деп қолдарын көтереді)

Тәрбиеші:

-Балалар, біз тоңбас үшін үстімізге қандай киімдер киеміз?

-Қане, іс - қимылмен көрсетейікші (Балалар іс - қимылмен көрсетеді)

Балалар:

-Бас киім, үстімізге тон, аяғымызға етік, қолымызға қолғап киеміз!

Тәрбиеші:

-Жарайсыңдар!

-Балалар, мына суреттерге қараңдаршы,не көріп түрсындар?

Балалар:

-Аққала,кар,балалар.

Тәрбиеші:

-Аққала неден жасалады?

Балалар:

-Қардан

Тәрбиеші:

-Қане, барлығымыз қарды қолмен ұстап көрейік.

Балалар қарды қолмен ұстап көреді.

Тәрбиеші:

-Қардың түсі қандай?

Балалар:

-Ақ

Тәрбиеші:

-Қар мұздай ма, жылы ма?

Балалар:

-Мұздай

Тәрбиеші:

-Аққала неше бөліктен тұрады?

Балалар:

-Үш бөліктен тұрады

Тәрбиеші:

-Оның бөліктерінің пішіндері қандай?

Балалар:

-Дөңгелек

Ғажайып сәт./Осы кезде аққала келеді/

Аққала:

-Сәлеметсіңдер ме балалар!

-Мен сендермен ойнауға, сендердің өнерлеріңді тамашалауға келдім. Мына сандықшаның ішінде сендерге арналған сыйлықтарым бар.

Тәрбиеші:

-Кел төрлет, сен туралы айтып отыр едік.

-Балалар, қонаққа кім келді?

Балалар:

-Аққала

Аққала:

-Балалар, мен сендермен ойын ойнағым келіп тұр.

«Қар жинау» ойыны.

Ойын шарты: Қар ерімей тұрып, шелекке тез жинау.

Тәрбиеші:

-Жарайсыңдар, бәрекелді! Балалар, бізге аққаламыз құр келмепті, тапсырмалар ала келіпті.

Аққала:

1тапсырма:

-Балалар сендерге қыс мезгілі ұнай ма?

-Қыс мезгілінің ұнайтын және ұнамайтын жақтарын атаңдаршы?

Балалар:

-ұнайтын жағы: Жаңа жыл келеді, шаңғы, коньки тебеміз, шанамен сырғанаймыз, қар жауады, қар лақтырып ойнаймыз, аққала жасаймыз.

-Ұнамайтын жағы: қатты аяз болады, суық жел тұрады, боран соғады.

Тәрбиеші:

-Жарайсыңдар, балалар. Енді барлығымыз бірге сергіту сәтін орындап, бір серігіп қалайық:

Шынығамыз бәріміз,

Иіліп, бүгіліп, денеміз.

Хоккейді де ойнаймыз,

Шаңғыны да тебеміз.

Әрлі - берлі жол салып,

Қар лақтырып, ойнаймыз.

Қорықпаймыз аяздан

Спортшы болмай қоймаймыз.

2. Тапсырма:

-Кім қыс туралы тақпақ біледі? (Балалар тақпақтар айтады )

Ақниет: Қыс мезгілі көңілді,

Аспаннан ақ қар төгілді.

Шанамен біз ойнаймыз,

Шаңғы теуіп сырлаймыз.

Барысхан: Далада қар борайды,

Ақ мамыққа орайды.

Мұз болады, қатады,

Жып - жылтыр боп жатады.

Айсан:Қар жауғанда топ бала,

Соқты қардан аққала.

Мұрны сәбіз,үп-үшкір,

Көзі көмір,қап-қара.

Қанат: Ауыл сырты-биік жар,

Бізді күтіп,тұр қарап.

Биік жарға шығып-ап,

Жөнелеміз сырғанап.

Тәрбиеші:

-Жарайсыңдар!

-Қане, балалар ойын ойнап жіберейік.

-Аққаламызға суретін құрап берейік.

Ойын: «Аққала құрастыру»

Тәрбиеші:

-Балалар, енді аққаланың суретін жапсырайық.

Аққала:

-Жарайсыңдар балалар, менің тапсырмаларымды орындадыңдар!

-Рахмет!

-Балалар, сендер өте ақылды, өнерлі, тапқыр екенсіңдер!

-Топтарың ыстық екен, мен жылы жерде көп тұра алмаймын, еріп бара жатырған сияқтымын. Еріп кетпей тұрғанда, қайтайын. Өзіммен бірге алып келген сандықшамдағы сыйлықтарымды берейін.

- Жақсы балалар мен сендермен қоштасамын, келесі жыл кездескенше сау болыңдар!

Тәрбиеші:

-Балалар аққаламен қоштасайық!(Аққала шығып кетеді)

Қорытынды:

Тәрбиеші:

-Балалар, бүгін біз жылдың қай мезгілі туралы әңгімелестік?

Балалар:

-Қыс мезгілі

Тәрбиеші:

-Бізге бүгін қонаққа не келді?

Балалар:

-Аққала

Тәрбиеші:

-Барлығымызға ұнады ма?

Балалар:

-Иә

Тәрбиеші:

-Жарайсыңдар, балалар, енді келген қонақтарымызбен қоштасайық.

«Жүректен - жүрекке»:

Балдай тәтті баламыз,

Айтқан тілді аламыз.

Ойынменен өседі,

Ойымыз бен санамыз.

Көріскенше күн жақсы,

Сау саламат болыңыз.