Конспект ҚМҰҚ Тақырыбы: "Сен де сонша көрсет"

Ортаңғы"Шаңырақ"тобының ұйымдастырылған оқу қызметінің конспектісі.

  Күні : 10.12.19ж

  Тәрбиеші: Фаткуллина К.С.

  Білім беру саласы:  «Таным»

Бөлімі: ҚМҰҚ

  Өтпелі тақырып: : «Менің Қазақстаным»

Тақырыбы:   " Сен де сонша көрсет"

Мақсаты:     

 Тәрбиелік:         

 Жауапкершіліке, шапшаңдыққа,ұқыптылыққа тәобилеу.        

Дамытушылық: Балалардың ойлау қабілетін, сөздік қорын, есте сақтау қабілетін дамыту.

Оқыту:                           

Балалардың көрген нәрселерін немесе естіген дыбыстарын санап, есте сақтап, оған басқа нәрселерді сәйкестендіруге үйрет.

Билингвальдік компонент: Кең,тар,жуан-жіңішке,биік-аласа.

Педагогикалық технологиялар/пед.технологии: сұрақ-жауап, әңгімелеу.

Ресурстармен қамтамасыз ету/Ресурсное обеспечение: Суреттер,үлестілмелі материалдар,демонстрациялық материалдар,геометриялық пішіндер,карточкалар,ойын құралдары.

Ұйымдастырылған оқу қызыметінің барысы:

1. Ұйымдастырушылық кезеңі:

Шаттық шеңбері:

Жарбырқауды білмейміз,

Жалқаулықты сүймейміз.

Біз талантты жас ұлан

Үлгі аламыз жақсыдан.

Балалар қимыл-қозғалыспен көрсетіп, айтады.

Шеңберге тұрып қимыл қозғалыспен орындайды.

Топқа Қоян келеді,амандасады:Сәлеметсіңдер ме балалар!Мен қайда келдім?

Балалар амандасады

2.Негізгі бөлім:

Тәрбиеші: Сәлеметсің бе Қоян! Жоғары шық,сен біздің Жұлдызша тобына келдің.Міне мына отырған балалар осы Жұлдызша тобының тәрбиеленушілері.

Қоян:Керемет!Қандай жақсы балалар,топтарың кандай!Балалар менде балабақшаға барғым келеді,мен орманда ойнап жүріп мына суреттерді тауып алдым.Бірақ бұл нені білдіреді,не істеу керек екенін білмеймін.Сендер маған көмектесесіңдер ме?

Әрине көмектесеміз

Қоянның әкелген суреттерін тақтаға іліп қарастырады:өлшемдер.

1.Ағаштар(жуан-жіңішке)

2.Үлкен-кіші(ойыншықтар)

3.Жалпақ-жіңішке(қылқаламдар)

4.Биік-аласа(үйлер)

Қоян:Менде тағы да бар суреттер-деп сандарды алып шығады.

Балалар өлшемдерді еске түсіріп,қайталап отырады.

1,2 цифры мен сандары.

Тәрбиеші:

Біздің балалар бұлардың не екенін біледі.Кәне балалар үстелге жақындайықшы.

Бұл жерде үлестірмелі заттармен жұмыс жүргізіледі.

Жолақшаларды пайдалана отырып,бір,екі санын қайталатады,көп сандардың ішінен 1,2 цифрын алып көрсетулерін сұрайды,қанша болса,сонша ұғымдарын қайталап,пысықтайды.

Балалар үстелге отырады.

Тәрбиеші:

Балалар қазір біз ойын ойнаймыз ойынның аты Сиқырлы шеңбер:

Көріп отырсаңдар,алдарында дөңгелектер жатыр,оның бетінде суреттер бар,сендер қазір осы суреттердің ішінен 1 санына тең суретті тауып,1саны бар кір қыстырғышты саның тұсына қыстырып қоюларын керек.

Мұқият болыңдар! Ойнау алдында саусақтарымыды шынықтырып алайық!Ал іздейміз 1санына байланысты бар ма екен?

Ал енді 2 санына байланысты суреттерді іздейміз!Әр баладан сұрап пысықтап отырады.

Жарайсындар балалар,Қоян саға ұнады ма ойын?

Ал енді бәріміз орынымыздан тұрып,басқа ойын ойнайықшы.

Бұл ойынға бізге доп керек,мен ортада тұрамын ал Қоян,сендер балалар мені қоршап,шеңберге тұрасыңдар.Мен мысалы:биік деймін,ал сен маған қарсы аласа дейсін.

Ал бастаймыз. Антонимдер айтылады.

Ойынды ойнатады.

Қоян: Қандай жақсы ойын,маған ұнады.Мен көп нәрсені үйрендім! Ал енді балалар мына суретке қарандаршы неге мына аяқ киім аяғына үлкен болып тұр,ал мына аяқ киім симай жатыр?Өйткені үлкен аяқ кең екен,ал кішкентай аяқ киім тар екен.Қоян кең-тар аяқ киімдерді киіп көрсетеді.Енді мына жолдарға қарандаршы,жалпақ жолда екі машина қатар жүре алады екен,ал мына жіңішке жолда тек адамдар жүре алады екен.Неге? Өйткені мына жалпақ жол кең,ал жіңішке жол тар.Тар жолмен машина жүруге бола ма?Кең-тар сөздерін тағы қайталайды.Қоян:Балалар менде сендер сияқты кең-тар деген сөздердің мағынасын түсініп,жаттап алдым.Ал балалар мен енді үйге қайтуым керек,рахмет сендерге,мен сендерден көп нәрсе үйрендім.Ормандағы достарыма барып айтамын сендер туралы,оларды ертіп келемін.

Сау болыңдар!

Ал жарайды Қоян үйіне оралды.

Ал біз үстелге жақындап тағы бір тапсырма орындайық.Мына қағаз бетінде геометриялық пішіндер орналасқан,ал енді сендер жоғарыдағы үшбұрыштың астына төменгі бұрышқа төртбұрыш қойындар,ал оң жақ жоғары бұрышқа дөңгелек қойыңдар.Жарайсыңдар балалар,тапсырманы дұрыс орындадыңдар.\

Балалар бүгін бізге қонаққа біреу келді ме?

Ия

Оған біз не үйреттік?

Биік-аласа,ұзын-қысқа,жуан-жіңішке,ыстық-суық,ауыр-жеңіл.

Жарайсыңдар балалар!

Ал енді мына жерде сурет бар:Біреуінде көңілді қыз тұр,біреуінде көңілсіз қыз бейнесін көріп тұрмыз.Егерде бүгінгі оқу қызметі сендерге ұнаса мына көңілді қыз бейнесінің жанына барыңдар,ал егер көңілдерін жоқ болса,сабақта бір нәрсе ұнамаса мына көңілсіз қыздың бейнесінің жанына барып тұрасыңдар.

Күтілетін нәтиже:

Нені білу керек:1,2 санын,цифрын атау білу керек.

Игереді:Кең,тар ұғымдарын салыстыру әдісін қолдана отырып игереді.

Білді:Үлесірмелі материалдармен тапсырмаларды дұрыс орындай білді.