«Қарашы, қандай қызық!»

Білім беру саласы:  Қатынас, таным

Ұйымдастырылған оқу іс-әрекеті: Көркем әдебиет, математика

Тақырыбы: «Қарашы, қандай қызық!»

Мақсаты:    Күз мезгілі туралы білімдерін бекіту;күзгі өзгерістерге мән бере отырып табиғаттың әсемдігін, сұлулығын сезіне білуге  үйрету.

 Дамытушылық:Суреттерді әңгімелей отырып,байланыстыра сөйлеуін, ой өрісін дамыту.

Тәрбиелік:Табиғатты аялауға, құрметтеуге,баптауға тәрбиелеу.

 Тәрбиеші: Балалар қараңдаршы бізге бүгін көптеген қонақтар келіпті.Сәлемдесу әдептілік белгісі балалар, алдымен оқу іс-әрекетімізді бастамас бұрын ұстаздармен амандасып алайық.

Балалар: Сәлеметсіздерме!

Қонақтар: Сәлеметсіздерме, балалар!

Тәрбиеші: Енді балалар, әдеттегідей шаттық шеңберіне жиналып, алтын күнмен, туған жермен амандасып алайық.

Армысың, Алтын күн!

Армысың, Жер ана!

Армысыздар қонақтар!

Армысыңдар достарым!

Аман болсын халқымыз,

Заман болсын ең тыныш!

Аман болсын аналар,

Аман болсын балалар!

-Жарайсыңдар, орындарыңа жайғасып отыра қойыңдар.

Сұрақ – жауап :

 -    Бір жылда неше жыл мезгілі бар?

-    Төрт жыл мезгілі бар

-    Қалай атаймыз?

-    Көктем, жаз, күз, қыс.

-    Қазір жылдың қай мезгілі?

-    Күз.

-    Күз неше ай қонақта болады?

-    3 ай.

-    Күз айларын атайықшы?

- Қыркүйек, қазан, қараша.

-    Күз ерекшелігі қандай?

-    Күн суыта бастайды, адамдар жылы киімдерін киеді, құстар жылы жаққа ұшып кетеді. Жапырақтар сарғайып түсе бастайды. Жемістер мен көкөністер піседі. Егіс алқабы да пісіп қамба дәнге толады. Қатты жаңбыр жауған кезде адамдар жылы киініп, қолына қолшатыр ұстайды. 

   Суретпен жұмыс «Саябақ».

       Адайбек пен Нұржайнат саябаққа барып күзгі жапырақтарды теріп жүр.        Оларалма теріп жүрген кірпіні көріп қызықтауда. Ал, кірпі өз азығы алманы         жинап бара жатыр. Саябақ іші алтын түске еніпті, талдарда күз түскенге мәз мейрам болып тұр, себебі олардың да демалатын уақыты келді. Талдар қыс бойы ұйықтап, көктемде қайта оянады.

Тәрбиеші: Жапырақтардың түсі қандай?/сары/

Енді балалар күз туралы тақпақтарды еске түсірейікші:

 Әліби: Алтын, сары, қызыл, көк

Алуа-алуан жапырақ

Күзгі бақта күлімдеп,

Көз тартады атырап.

Нұржайнат: Алтын нұрдай тамшылап,

Жапырақтар төгіледі.

Біздің өмір таң шуақ

Біздің өмір көңілді. 

Есік қағылып қонаққа  Қоян келеді: 

-Сәлеметсіздерме! 

Балалар: Сәлеметсіздерме!

 Қоян балаларға тапсырма алып келгенін оны озиниң орындай алмай жүргенін айтады.

Қоян: Балалар балабақшада ашық оқу іс-әрекетінің болып жатқанын естіп бүлдіршіндерден көмек сұрай келдім.

Тәрбиеші: Балалар, не істейміз  қоянға көмектесеміз бе?

Балалар: Иә.

 (Қонақты төрге жайғастырып, отырғызады).

Тәрбиеші: Ендеше біз  қоянға көмектесейік.

Тапсырма:

а) Д/о «құстар»

б) Д/ ойын «Не артық»

- Біз Қоянның бірінші тапсырмасын орындадық, ал енді екінші тапсырмасын орындайық.

Тапсырма:

а)Д/о үй жануарлары

б) Д/ ойын «Төлін тап»

Сергіту сәті:

Жел улейді -у – у

Құйын келіп билейді –зу-зу

Қатты- қатты жел соқты -гу- гу.

Жапырықтар қол соқты ду-ду

 Тапсырма

Түсін және санын тап

-Жарайсыңдар балалар.

Қоян: Рахмет балалар сендерге.Сендер білгірде, тапқыр балалар екенсіңдер.Ал енді менің кететін уақытым болды. Сау болыңдар.

-Ал енді балалар барлығымыз бірігіп ән айтайық.

Ән: «Күз ырғағы»

Қорытынды:

Тәрбиеші: -Қонаққа кім  келді?

Балалар: - Қоян

Тәрбиеші: -Қоян неге келіпті?

- Тапсырма алып келіпті.

-Қандай тапсырма алып келіпті?

-Құстар туралы, үй жануарлары туралы.

Бүгінгі оқу іс-әрекеті сендерге ұнадыма?

-Ия ұнады.

Бүгінгі оқу іс-әрекетіне  жақсы қатысқан үшін сендерге көп-көп рахмет.

 Құрметті апайлар, бүгінгі «Қарашы қандай қызық!» атты ашық оқу іс-әрекетіміз осымен аяқталды. Уақыт бөліп келгендеріңізге көп-көп рахмет. Қане балалар апайлармен қоштасып алайық.

 Балалар: Сау болыңыздар.

Қонақтар қоштасып  шығып кетеді.