"І дыбысы мен әрпі"

Білім беру саласы: Қатынас.
Сабақтың тақырыбы : І дыбысы  мен әрпі.

Сабақтың мақсаты: 1.Білімділік: І дыбысы мен әріп таңбасымен    таныстыру;сөзге дыбыстық талдау жасату;оқуға,жазуға жаттықтыру.

2.Дамытушылық: Балалардың сөздік қорын,тілін дамыту

3.Тәрбиелік: Өз ана тілін сүюге, бір-біріне көмектесуге,үлкенді тыңдауға тәрбиелеу.

Сабақтың көрнекілігі: Шалқан ертегісінің кейіпкерлерінің дыбыстық слайд шоуы.

Сабақтың әдіс-тәсілдері:сұрақ-жауап,ізденіс,жұмбақ жасыру.

Сабақтың түрі: ойын сабақ.

Сабақтың типі:Аралас сабақ.

Сабақтың барысы : 1. Ұйымдастыру:

Армысың асыл күн,

Армысың көк аспан

Армысың жан досым

Жылуыма жылу қос

Міне менің қолым.

-Өте жақсы балалар!

-Балалар қазір жылдың қай мезгілі ?

(балалар жауабы)

-Жақсы.

-Қыс мезгілінде табиғатта қандай өзгерістер болады?

(балалар жауабы)

-Өте жақсы.

Балалар бүгін сендер сабаққа келе жатқанда ауа райы қандай болып тұрды?

(балалар жауабы)

-Дұрыс айтасыңдар!

-Балалар бүгін біздің сыныбымыздада да күн шығып күлімдеп тұрсын?Келістік пе?

-Балалар бүгін бізге қонақтар келген екен,қараңдаршы!Бізге,апайлар

мен ағайлардан басқа,қонаққа шалқан ертегісінің кейіпкерлері келіпті.Олар сендерге қандай тапсырмалар әкелді

1-тапсырма :

Өткенді қайталау:

Балалар біз сауат ашу сабағында не істейміз?

Дыбыстарды не істейміз?

Әріптерді не істейміз?

Дыбыстар неше топқа бөлінеді?

Дауысты дыбыстар қалай айтылады?

Дауыссыз дыбыстар қалай айтылады?

2-тапсырма:

Қырда жүрер ол жортып,                      

Іні де жоқ бармайтын.                           

Құйрығымен бұлтартып                                                                                                

Қандай аң ол алдайтын.(түлкі)

 Қабат-қабат қаптама,                     

Ақылың  болса аттама.(КІТАП)

3-тапсырма.

Ілгіш, кітап, түлкі  сөздерін буынға бөліп, і дыбысының сөздің қай жерінде кездескенін айтыңдар.

-Жақсы балалар!

4-тапсырма.

І       н     ін    ін    іні    ініме 

І       с     іс       іс       ісі     

К       і       кі       кі    кісі

Т      і       ті       ті       тісі

Сергіту сәті:

Ата шалқан егіпті

Шалқан үп-үлкенболып өсіпті.

Ары тарты,бері тартып,тарталмады.

Тартып-тартып жұла алмады.

5-тапсырма.

«Кітап –білім бұлағы» мақалын қалай түсінесіңдер.

6-тапсырма.

Жасырынған сөзді тап.Ойыны.

7- тапсырма.

-Балалар “ і ” дыбысының мынау қандай түрі: 

“ Іі ”.

-Дұрыс айтасыңдар!

-Балалар әріпті жазбас бұрын қолымызға күш жинап,сергіп алайық!

Бір, екі,үш

Жиып алып күш.

Қолға қалам аламыз,

І дыбысын жазамыз

Қане ауада І  әрпін жазайық!

-Жақсы!

Енді алдымыздағы дәптерлерімізді ашып І әрпін жазамыз!

-Жақсы.

Қорытынды: -Балалар бүгін сауат ашу сабағында не істедіңдер?

Кімге көмектестіңтер?Кім жақсы қатысты деп ойлайсыңдар?