«?ажайып математика»

Ашық сабақ

Білім саласы: «Таным»

Білім саласы: «Математика»
Тақырыбы: «Ғажайып математика»
Мақсаты: 5 көлемінде сандық есептеуге үйрету. Сандарды тура және кері санау. Балалардың тілін дамыту жұмыстарын жалғастыру, іс - әрекет дағдыларын меңгерту, әлемнің тұтас бейнесін түсініп, ойлауға ауызша қосып-алу және геометриялық пішіндер туралы ұғымдарын тиянақтап, түстерді ажыратуға, қарым - қатынас, көмек көрсету, сыйластықты қалыптастыру. Балаларды тапқырлыққа, ізденімпаздыққа тәрбиелеу.
Әдіс тәсілі: түсіндіру, сұрақ-жауап, сергіту сәті, дидактикалық ойындар, жұмбақтар.
Көрнекілігі: кілемше, шарлар, геометриялық пішіндер, үшбұрыш, төртбұрыш, сандар, үлестірмелі материалдар пайдаланылады

Сабақ барысы:
- Сәлеметсіздер ме, балалар!
-Сәлеметсіз бе!
- Балалар, бүгін бізге қонақтар келіпті, қәне амандасайық!
Біз әдепті баламыз,
Алдыменен қонақпен.
Амандасып аламыз.
Амандасу үлкенге
Тәрбиенің басы ғой

Ал қанекей бәріміз.
Сәлем! -дейік үлкенге

Жылулық шеңбер.
- Қане, балалар барлығымыз бір-біріміздің қолымыздан ұстап күн жасайықшы.
- Балалар, мынау ненің суреті? (күннің)
- Күн жарқырап шыққан кезде адамдарға шуағын шашады.
- Таңертең тұрған кезде аналарың қайырлы таң деп айта ма?
Кәне, бізде қайырлы таң тілейік.
- Қайырлы таң көздерім, сендер ояныңдар!!!
- Қайырлы таң құлақтарым, сендер ояныңдар!!!
- Қайырлы таң саусақтарым, сендер ояныңдар!!!
Көздерін, құлақтарын уқалайды.
Шапалақтайды.

- Жарайсыңдар, балалар, бүгінгі күніміз жақсы болсын, орнымызға отырайық.
- Бүгін бізде қарапайым математикалық ұғымдар туралы ашық
оқуіс-әрекеті.

Ұйымдастырушылық ізденіс кезеңі.
- Балалар, біз бүгін «Ғажайып математика» еліне саяхатқа барамыз. Кәнекей, барлығымыз мына кілемшеге мініп, саяхатқа барайық. Міне, «Ғажайып математика» еліне де келіп жеттік. Балалар, бұл саяхатта біз көптеген тапсырмаларды орындаймыз. Мен сендерге құр қол келген жоқпын. Мына шарларды ала келдім.
- Бір жылда неше мезгіл бар?
- Төрт мезгіл. Кәне, атап шығайық... (қыс, көктем, күз, жаз)
- Бұл шарлардың түсі де сол төрт мезгілді белгілейді.
Мына шардың түсі қандай?(ақ)
- Бұл шардың түсі қай мезгілді білдіреді?
- Қыс. Қыста жер қандай болады (ақ)
Сары шарды көрсету
-Бұл түс қандай жыл мезгілін білдіреді? (күз)
- Себебі күзде ағаштардың жапырақтары сарғайып жерге түседі.Жер беті сары кілемге ұқсайды.
Жасыл шарды көрсету.
- Бұл түс шөптердің түсі сияқты.
- Табиғат көктемде оянып, жер беті жасыл шөпке толады.. Ағаштар бүршік жара бастайды.(көктем)
Қызыл шарды көрсету.
- Қызыл түс қандай жыл мезгілін білдіреді.?
- Қай уақытта гүлдер қызыл түске боялады? (жаз)
- Балалар, түстерін білдік, енді сиқырлы шардың ішінде не бар екенін білгілерің келе ме? Кәне, шарды кім жарады.
Бір бала шығып шарды жарады.

-Балалар, бізге тапсырмалар берілген, осы тапсырманы орындаймыз ба? Балалар: Ия (хормен)
1 - тапсырма.1-ден 5-ке дейін тура және кері санау. Екі тілде санау.
2 - тапсырма.«Сандардың көршісін тап» дидактикалық ойыны
3 - тапсырма. Логикалық есептер
1.- Дүкеннен анам дөңгелек 2 допты алып келді, оның біреуін ініме бердім. Менде неше доп қалды? (1) 
- Қоянда неше құлақ бар? (қоянның суретін көрсету)
- Қолда қанша саусақ бар?
2. -Ағашта 5құс отыр, оның 2 - уі ұшып кетті, ағашта қанша құс қалды?
3. -Себетте 2 алма, табақта 3 алма қосқанда барлығы болады неше алма?

4-тапсырма. Жұмбақтар.
Адамға серік, күзетке берік.(ит)
Жүрегі бар, ізі жоқ,
Қанатты бар, ұшпайды.
Су астында қыстайды. (Балық)
Мен атамнан қаштым,
Мен әжемнен қаштым
Таба алмадым атамды, әжемді.
Үйімді сағындым.
Бұл қай ертегіден? (Бауырсақ)
- Кішкене ғана бойы бар, айналдырып киген тоны бар (қой)
Сергіту сәті:

1,2,3 – қарлығаш боп ұш

4,5,6 – қарлығаш боп қалқы

7,8,9,10 – қарлығаш боп қон

-Бір серігіп алсаңдар, сабағымызды одан әрі жалғастырайық.
-Балалар, ақылмен ойлап әр түрлі нәрселер жасауға болады екен.
- Мынау түрлі-түсті пішіндерді қараңдаршы. Оларды қалай атаймыз.
Балалар: Тіктөртбұрыш, төртбұрыш, үшбұрыш, дөңгелек.
Тәрбиеші: Шуақ шашқан күнге ұқсаймын көбірек, менің атым (дөңгелек)
Барлық шатыр ұқсайды тек өзіме, бірден білер құлақ асқан сөзіме(үшбұрыш)
Теледидар таныс екен баршаға, ал пішінім ұқсайды ғой (шаршыға)

Үлестірме материалдармен жұмыс:
-Балалар, геометриялық пішіндерді ажырата білсек, енді «Ғажайып математика» еліне саяхатқа ұшып келген кілемшемізгеқарап, геометриялық пішіндерді орналастырайық!
-Қараңдаршы, балалар, қандай әдемі кілемшелер жасадыңдар. Ал осы кілемдегі оюлар қандай пішіннен құралған

Балалар: үшбұрыш, төрбұрыш, дөңгелек

Қорытынды:
-Геометриялық пішіндерді кілемшеге орналастырдық.
- 1-ден 5-ке дейін тура және кері санадық.
- Логикалық есептерді шештік

- Дидактикалық ойын ойнадық

-Берілген тапсырмаларды орындадық

- Жұмбақтар шештік
- Балалар, бүгінгі біздің «Ғажайып математика» еліне саяхатқа барғанымыз ұнады ма?

- Жарайсыңдар, балалар, бәріміз келген қонақтармен қоштасайық.
Көріскенше күн жақсы,
Сау саламат болайық.

Күтілетін нәтиже:

Ұғынады:пішіндер жайлы ұғымдарды
Түсінеді: сандарды тура және кері санау, логикалық есептер, жұмбақтар шешуді
Қолданады: зейінді, ұқыпты, мейірімді, есте сақтау, ойлау қабілеттері дамыған.