| Ғажайып сәт (Көңілді әуен естіледі) Ғаламшардан келген «Томпақ» келеді. Томпақ: Сәлеметсіздер ме, балалар! Мен ғаламшардан келдім. Менің атым - Томпақ. Мен сендердің елдерің туралы білгім келеді. Тәрбиеші: - Сәлеметсіз бе, Томпақ! Келгеніңіз қандай жақсы болды, бүгін бізде мереке, біздің еліміздің – президент күні.
Томпақ:
- Мерекелеріңіз құтты болсын!
Тәрбиеші: - Рахмет Томпақ! Кел, төрге шық. Томпақ:
- Балалар менің сендерге қояр сұрақтарым бар.
- Балалар, осы үлкен мемлекет қалай аталады? - Біздің мемлекетіміз – Қазақстан Республикасы.
- Бұл мемлекеттің президенті кім? - Қазақстан Республикасының президенті Н. Ә. Назарбаев
-Президент туралы не білесіңдер?
- Н. Ә. Назарбаев Алматы облысында дүниеге келген. Мектепті жақсы оқыған, ұшқыш болуды армандаған.
-Ал, балалар Томпаққа тұңғыш елбасымыз туралы толығырақ білуі үшін барлығымыз ғажайып тақтаға назар аударайық. Томпақ: - О, қандай керемет! Тәрбиеші: - Томпақ білесіңба? Біздің балалар елбасымыз туралы өлең, тақпақты жақсы біледі. Томпақ: - Балалар мен сендердің президент туралы тақпақтарыңды тыңдағым келеді. Маханбетова Жанеркем: Елбасымыз жолдайды, Халқы оны қолдайды. Ешқашанда орынсыз, Шешімдері болмайды.
Арыстанбек Әли: Тәуелсіздікті елге сыйлады, Бейбітшілікті қалады. Орындалып арманы, Халқымызда ажарлы. Осының бәрі әрине, Елбасының арқасы.
Шәріп Айару: Елбасы елді қорғайды, Халық қамын ойлайды. Осындай жақсы адамның, Жақсылығы тарайды.
Әмірхан Әмина: Даңғыл жолды салып берер, Нұр аға, Енді халқым ешқашанда құлама. Барлық жерден жиып – теріп қазақты, Халқы үшін, жанын салған ғұлама.
Данияров Алдияр: Мақсатына жету үшін алдағы, Әу бастан ақ, дұрыс жолды таңдады. Сол азамат Нұрсұлтаның емес пе, Орындаған бабалардың арманын.
Оразбек Аяулым: Тірлігіңе шырай берген кім десең, Ол Нұрсұлтан бақжұлдызың, Сол азамат болмағанда ағайын, Бүгінгідей қуанбас ең, күлмес ең. Бейнеролик: «Жас қала – Астан!» Томпақ: - Қандай әсем де сұлу қала. Мен бұндай қаланы бірінші рет көріп тұрмын. Тәрбиеші: - Біздің балалар бас қаламыз, жас қаламыз – Астанамыз жайлы өлең, жырлары бар. Өлең тақпақтарын саған тарту етсін. Томпақ: -Жарайды. Мен өлең, тақпақ тыңдағанды жақсы көремін.
Айдарбек Ағзам: Астана арман қала, Бағы бір жанған қала. Тұрасың жап-жас болып, Мен үлкен болғанда да.
Томпақ: - Өте жақсы балалар, келесі менің білгім келетіні, Қазақстан Республикасының рәміздерін білесіңдер ме?
- Қазақстан Республикасының рәміздері: ту, елтаңба, гимн.
- Қазақстан Республикасының Мемлекеттік Туы 1992 жылы маусым айында бекітілді. Тудың авторы: Ш. Ниязбеков.
- Қазақстан Республикасының Мемлекеттік Елтаңбасы 1992 жылы 4 маусымда бекітілді, авторы: Мәлібаев және Уәлиханов.
- Қазақстан Республикасының Мемлекеттік Гимнінің әнін жазған Шәмші Қалдаяқов сөзін жазғандар: Жұмекен Нәжімеденов, Нұрсұлтан Әбішұлы Назарбаев.
Есенғазы Нұрғиса: Көк байрағы бабамның, Бүгінгі ұрпақ алауы, Тірегі әке баланың, Қазақстан жалауы.
Асылбек Аяулым: Айнымайды аспаннан, Біздің тудың бояуы, Оны халық қашанда, Биікке іліп қояды.
Тәрбиеші:
- Жарайсыңдар, балалар, шаршап қалған болармыз, сергіту сәтімен бір сергіп алайық.
Сергіту сәті: «Мен қазақпын!» Балалар ғажайып тақтағы балалармен бірге «Мен қазақпын!» әніне билейміз.
Тәрбиеші: - Көрдің бе, Томпақ, біздің балалар өз елінің президенті, бас қаласы – Астана , рәміздері жайлы барлығын біледі.
- Енді балалар, қазақтың салт - дәстүрі бойынша келген қонақты құр жібермейік, Томпаққа қазақтың асығын берейік.
Билингвистикалық компонент: Елбасы – президент – the president, астана – столица – capital, ту – флаг – flaq.
Томпақ:
- Рахмет, сіздерге балалар, мен қатты қуанып тұрмын сіздердің берген сыйлықтарыңды мен өз ғаламшарыма алып кетемін. Сау болыңыздар!
Балалар Томпақпен қоштасады. | 
