"Әдептілік -әдемілік"

Әдептілік-әдемілік.

Білім беру саласы: «Коммуникация», «Әлеумет», «Шығармашылық»

Ұйымдастырылған оқу қызметі:Сөйлеуді дамыту. Қоршаған орта танысу. Сенсорика.

Мақсаты: Балаларды әдепті сөйлеуге адам бойындағы ұнамды-ұнамсыз қылықтарды айыра білуге баулу.

-«Саламатсыз ба?», «сау болыңыз», «өтінемін», «рахмет», «болама?», «кешіріңіз» т.б. сиқырлы сөздердің мағынасы жөнінде білімдерін бекіту.

-Байланыстыра сөйлеуге,диалогты айтқызып сөздік тіл байлығын,ұсақ қол моторикасын дамыту.

-Балаларды кішіпейілділікке,әдептілікке,достыққа,жаман әдеттерден аулақ болуға эстетикалық тәрбиелеу.

Керекті құралдар:интерактивті тақта,майлықтар,тәрелке,қасық гүл т.б.

Ұйымдастыру кезеңі: Балалар амандасады.

Т:Балалар «Сәлем-сөздің анасы» дейді,біздің барлық күніміз сәлемдесуден басталады.

Алдымыздан кезіккен

Көп танысты көреміз,

Бәріне де ізетпен

Біздер сәлем береміз.

Сұрақ-жауап:

-Ағайлармен қалай сәлемдесеміз?(Саламатсыз ба,ағай!)

-Апайлармен қалай сәлемдесеміз?( Саламатсыз ба,апай!)

-Әжейлер кездессе ше?( Есенсіз бе,әжей!)

-Атайлар кездессе ше?( Амансыз ба,атай!).

-Жарайсыңдар балалар.

«Жақсы сөз-жарым ырыс» дейді дана халқымыз.

Осы сөзді әрдайымда естеріңізде сақтаңыздар.

Т:Бақшамызға барғанда,

Жолыққан бар жандарға.

Ертемен ақ пейілмен,

Б:«Қайырлы таң!»-дейміз.

Күндіз де елді елейміз.

Б:«Қайырлы күн!»- тілейміз.

Үйге кешке келемін,

Не дерімді білемін.

Б:«Кеш жарық!»- деп,кіремін.

Достар.

Адия мен Кәусар ауыздары бұртиып бір-біріне арқасын беріп отырады.

Т:Екеуіне не болған,ренжісіп қалдыңдар ма? деп сұрайды.

-Мен енді Адиямен дос болмаймын,оған сәлем десем,ол жауап бермейді.

-Кәусар сәлем деп сен маған күнде айтасың,мен сенімен кеше ғана сәлемдестім ғой.

Т:Адия сен Кәусардың ауырып қалғанын қалайсың ба?

-Жоқ, мен оның ауырып қалғанын қаламаймын.

Т:Балалар «Сәлем», «Сәлеметсіз бе» деген сөз, денің сау ма,ауырып қалған жоқсың ба деген сөз, сондықтан бір-бірімізбен күнде сәлемдесу керекпіз. Ендеше екеуін бір-бірінен кешірім сұрай қойыңыздар.

-Кешір достым.

-Сен де мен кешір. (Екеуі татуласады)

Т:Енді интерактивті тақтаға назар аударайық.

Алтын ақыл

-Үйде,балабақшада,көшеде: «Сәлем!», «Сәлеметсіз бе!», «Қайырлы күн!»

деген сияқты ізгі сөздерді ұмытпа.

-Жасы кішілер үлкендерге сәлем береді,ал ұл балалар қыздарға амандасады.

-Кітапханада,емханада немесе көшеде әлдекімнен жөн сұрасаң немесе

өтініш жасасаң,ептеп басыңды иіп сөйлес-бұл сәлемдесу белгісі.

Осы кезде «өтінемін»деген жылы сөзді айтуды ұмытпа.

-Сауалыңа жауап немесе сыйға ұсынылған затты алып тұрып, «рахмет»деген

тағы бір ізгі сөзді айтуды ұмытпа.

-Егер сен байқамай біреуді қағып кетсең немесе ренжітіп алсаң,сол жерде кешірім сұра.

Сергіту сәті: «Достар»

Доспен бірге жүреміз.

Бірге ойланамыз күлеміз.

Ажырамас іргеміз.

Әрқашанда біргеміз.

Ойын: «Не істеу керек?»

шарты:Балалар көрсетілген іс-әрекеттің барлығын қарай отырып,

өз ойларыныңды айту.

1: 2 бала қоғамдық көлікте орындықта отыр.Қоғамдық көлікке ата мен әже мінеді.1 бала әжеге орын береді.Әже рахметін айтады.

2-ші бала телефонмен ойнап отыра береді.Атай қасында тұрып тұрады.

Т:Балалар кімнің іс-әрекеті дұрыс, не істеу керек еді?Балалар өз ойларын айтады.

2:Қолында ауыр екі дорбасы бар әже келе жатады.Бір бала қасынан өтіп кетеді. 2 бала барып, « Әже дорбаңызды беріңіз біз көтерейік»,- деп көмектеседі.Әже рахметін айтып, батасын береді.

Т:1-ші бала «Не істеу керек еді?».Балалардың жауабы.

3:Атай келе жатып құлап қалады.Балалар атай құлап қалды не істеу керек?

Балалар барып тұрғызады.

4: 2 бала үстелде тамақ ішіп отырады.

1 бала тамақты жылдам,әрі сөйлеп отырып ішеді.

2-ші бала асықпай сөйлемей отырып ішеді.

(Балалардың жауабы.)

Саусақ жаттығуы: «Он саусақ»

Майлықты әшекейлеу.

Жұмыстың жасалу жолын түсіндіру.

Ойын: «Сиқырлы сөздер»

Шарты:Бастаушы балаға гүл сыйлайды,бала мысалы:сәлеметсіз бе,болама, сау болыңыз,өтінемін,беріңізші,кешіріңіз т.б. сөзді айтып гүлді қайтып апайына сыйлайды

-Балаларды мадақтау.