Білім беру саласы: Таным Оқу қызметі: Жаратылыстану Тақырыбы: «Жабайы жануарлардың қысқы тіршілігі»

Білім беру саласы: Таным

Бөлімі: Жаратылыстану

Тақырыбы: «Жабайы жануарлардың қысқы тіршілігі»

Мақсаты: Жабайы жануарлар туралы тусінік беру. Жабайы аңдарды бір-бірінен ажырата білуге және олардың аттарын дүрыс айтуға үйрету.Балалардың аңдарға деген суйіспеншілік сезімдерін арттырып , оларға қамқорлықпен қарау керектігін түсіндіру.

Көрнекілік: Жабай жануарлардың суреттері үй жануарларының суреттері Жабайы және үй жануарларының муляждары.

Мотивациялық қозғаушы кезең:

Шаттық шеңбері:

Қуан шаттан алақай

Қуанатын күн келді

Куліп шықты күн бүгін

Қайырлы таң, Қайырлы күн!

Сәлеметсіздер ме, қонақ апайлар.

Ұйымдастырушылық ізденістік кезең:

-Балалар қазір жылдың қай мезгілі ?

-Қыс

-Қыста ауа райы қандай болады?

- Суық, аяз, боран болады

-Қысқа біз қалай дайындаламыз?

- Жылы киініп,басымызға жылы бас киім, қолымызға қолғап, үстімізге күртеше, аяғымызға етік киеміз.

-Ой жарайсыңдар балалар,өте жақсы.

Балалар бүгінгі сабағымыз өте екерше болмақ.Балалар қысқа біз ғана емес, жабайы жануарларда дайындалады екен.Жабайы аңдар өте көп.Біз бүгін ертегілерде естіп жүрген, теледидардан көріп жүрген жабайы аңдарды ғана тамашалаймыз

Балалар назарымызды тақтаға аударайық.

Балалар мына жануарларды білеміз бе?

-Иә

-Қәне,айтайықшы

-Аю, қоян, қасқыр, түлкі, кірпі

Балалар, бұл жануарларды жабайы жануарлар деп атаймыз.Себебі, олар орманда өмір сүреді.Өз жемтіктер іздеп, тауып қоректенеді.Ал үй жануарлары фермада өмір сүреді.Оларды біз адамдар азығын беріп қоректендіреміз.

-Ал, енді, балалар бұл жабайы аңдар қыста қалай тіршілік етеді екен соны біліп алайық.

Аю- үлкен аң, ақылды жыртқыш.Ол өз бетінше ешкімге тиіспейді.Ол апанда мекендейді.Баласы қонжық деп аталады.Аю бал жейді,жеміс-жидек жейді.

Қоян қыста үйілген бұталардың ,ағаштың қуыстарында қыстайды.Ол құрғақ шөптер мен сәбізбен қоректенеді.Қоянның баласы көжек деп аталады.

Мынау түлкі.Балалар қараңдаршы ,қандай әдемі.Түлкінің мұрны иісті жақсы сезеді,ол қар астындағы тышқандарды аулап жейді.Балық жейді.Түлкі інде тұрады.Баласы мыршай деп аталады.

Қасқыр құстармен ,дала жануарларымен қоян жейді, үй жануарларын жейді.Ол апанда тұрады.Балалары бөлтірік деп аталады.

Кірпі өзінің шөп төсеген інінде домаланып алып ұйқыға кетеді.Ол қыстай ұйықтайтындықтан кұзде ұйқыға жатарда жақсылап тамақтанып ,терісінің астына көп май жинап алады.Сондықтан оның қарны ашпайды.

«Қай аң немен қоректенеді?» ойыны

Шарты: тақтада берілген аңдардың жемтіктерін тауып,атап беру.

Қәне аңдардың қоректенетін азықтарын апарып берейік?!

Аюға- бал,қоянға-сәбіз,қасқырға ет,кірпіге -саңырауқұлақ,түлкіге –балық

Жарайсыңдар балала

Сергіту сәті:

Ормандағы аюдың

Құлпынайы көп екен

Теріп-теріп алайық

Қалтамызға салай

«Ғажайып сандық» ойыны

Балалар мына сиқырлы сандықтың ішінде не жасырылғанын бәріміз анықтайықшы.Балалар бір-бірлеп келіп,көзімізді жұмып, ішіндегі жануарларды тауып және үй жануарлары мен жабайы жануарларды ажырату.

Ғажайып сандық қарақұмыққа толтырылған.Балалардың саусақ жаттығуына жақсы көмектеседі.

Рефлексивті түзетушілік кезең:

-Балалар бүгін қандай жануарлармен таныстық?

-Жабайы жануарлармен

-Жабайы жануарлардың қыста қалай тіршілік етеді екен?

-Аю мен кірпі қыста ұйықтайды.Қасқыр ,түлкі қысқы азығын аулап жейді.Ал, қоян қар астынан бұталармен қоректенеді.

-Жарайсыңдар балалар!Енді мен сіздерді бүгінгі ашық оқу қызметіне белсене қатысқандарыңыз үшін мадақтаймын.

Күтілетін нәтиже:

Жасайды: жабайы жануарлардың қоректенетін азықтарын ажырата білуді.

Түсінеді: жабайы жануарлардың орманда өмір сүретінін

Қолданады: үй жануарлары мен жабайы жануарларды ажыратуды.