Жабайы жануарлардың тіршілігі. Қардағы аңдардың іздері (ашық оқу қызметі)

АЛМАТЫ ОБЛЫСЫ САРҚАН АУДАНЫ САРҚАН ҚАЛАСЫ

«БАЛДЫРҒАН» БАЛАЛАР БАҚШАСЫ

ОҚУ ҚЫЗМЕТ ЖОСПАРЫ

Тәрбиеші: С.Курманова

2018 жыл

Тобы: «Балапан» ІІ кіші тобы

Білім беру саласы: «Таным», «Шығармашылық»

Бөлімі: Жаратылыстану, сурет салу.

Тақырыбы: Жабайы жануарлардың тіршілігі қардағы аңдардың іздері (заттық сурет салу)

Мақсаты: Балалардың жабайы жануарлар туралы қарапайым түсініктерін кеңейту. Ормандағы жабайы жануарлардың қысқы тіршілігі, олардың табиғатқа бейімделу туралы түсінік беру. Дәстүрден тыс сурет салу техникасын меңгерту .Табиғатқа деген қызығушылықтарын арттыру, жұмысты таза орындауға тәрбиелеу.

Сөздік жұмыс: апан, ін.

Билингвальді компанент: аю-медведь, қасқыр-волк, түлкі-лиса, қоян-заяц.

Көрнекіліктер: ақ қағаз, гуашь, картоп бастырмасы, мақта таяқшалары, интербелсенді тақта.

Әдіс- тәсілдер: әңгімелесу, сұрақ-жауап, көрсету.

Қолданылған технологиялар: АКТ, аудио таспа, суреттер, .

Барысы:

Мативациялық қозғаушылық:

Балалар орындарынан тұрады.

-Балалар, бүгінгі көңіл-күйлерің қандай? Тамаша, осы жақсы көңіл-күймен келген қонақтарымызбен сәлемдесейік:

Достар бірге жүреміз,

Бірге ойнап күлеміз.

Қонақтарға ізетпен,

Иіліп сәлем береміз.

Ал енді орындарымызға отырайық.

-Балалар жылдың қай мезгілі?

-Қыс мезгілі екенін қайдан білесіңдер?

Жұмбақ жасыру.

1. Қыста ғана болады,

Ұстасаң қолың тонады. (қар)

2.-Қараңдаршы, ағаштармен жерді не басқан? (қар)

Тақтадан ормандағы жануарлар дауысы естіледі.

-Балалар, нелердің дауыстары?

-Сендер жануарлардың қысқы тіршіліктерін білгілерің келе ме?Ендеше, бәріміз орманға саяхатқа барайық. (Есік қағылады.)

-Балалар, кім екен бізге тоқылдатып тұрған? (Есіктен орман сақшысы кіреді.)

Орман сақшысы: Сәлеметсіңдер ме, балалар? Сендер орманға барғыларың келеді деп естідім. Мен орман сақшысымын. Сендерді орманға апарайын.

-Орманға шаңғымен барайық.

-Бірінші біз киініп алайық. Бастарыңа қалпақтарыңды, қолдарыңа қолғаптарыңды киіңдер. Балалар шаңғымызды аяғымызға тағайық та кетейік. (музыка әуенімен орманға барамыз)

Ұйымдастырушылық-ізденістік:

І. Табиғатты бақылау.

-Балалар, орманда қар жауып тұр екен. Орман ағаштары ақ қарға киініп тұр.

-Қараңдаршы, қандай әдемі қар жауып тұр.

ІІ.

Қарды қолмен ұстап көрейікші. (суық, түсі ақ)

Балалар қарды алақанның ортасына салып қойса қар неге айналады? (суға)

(Тақтадан аюдың ізі мен даусы шығады)

-Балалар, мынау ненің даусы екен? (аю)

-Аюдың үйін, балалар, апан деп айтамыз. Аю қысқа жаздан бастап қамданады. Қыста ол өз апанына кіріп, ұйықтайды, табанын жалап жатады.

Билингвальді компанент: аю-медведь, апан-берлога

(тақтадан қасқырдың даусы естіліп, ізі көрінеді)

-Балалар, мынау ненің даусы, ненің ізі (қасқыр)

Қасқыр-жыртқыш жануарға жатады. Қыс бойы жортып жүреді, жолда кездескендердің бәрін жейді. Оның үйінде апан деп айтамыз.

-Балалар, қасқырдан байқап жүру керек. Оның ізі үшкір болады. Өйткені, оның тырнақтары бар.

Билингвальді компанент: қасқыр-волк.

(Тақтадан қоянның даусы шығып, ізі көрінеді)

-Мынау кішкентай қоян. Қоян жазда сұр түсті, ал қыста ақ түсті болады. Қыста қар жамылған шырша бұтақтары мен бұталарлдың түбін паналайды. Ағаш қабығымен қоректенеді. Ізі оның кішкентай, өйткені, өзі кішкентай.

Оның үйін ін деп айтамыз.

Билингвальді компанент: қоян-заяц.

(Тақтадан түлкінің даусы шығып, ізі көрінеді.)

Ал мынау түлкі. Ол да қасқыр сияқты жортып жүреді. Кездескен кішкентай жануарларды жейді. Оның үйін апан деп атаймыз.

Билингвальді компанент: түлкі-лиса.

Енді мен сендерге тапсырма берейін:

1. Жануарлар үйлерін табыңдар.

2. Аю мен қоянды құрастырайық.

-Балалар, сендерге менің орманымда болған ұнады ма?

-Қандай жануар қысқы ұйқыға жатады?

-Қандай жануардың түсі өзгереді?

-Қоян немен қоректенеді?

Балалар, сендер орманда көп нәрсе білдіңдер. Мен сендерден бір көмек сұрайын деп едім. Балалар, қасқыр қоянды жақсы көреді, сендер қазір бақшаға барған соң қоянғға көмектесіңдер, жарайды ма? Ал,енді бәріміз бақшаға қайтайық, сендерді бақшаға апарып тастайын.

Сергіту сәті: Музыкамен шаңғы тағып орманнан балабақшаға әртүрлі қимылдар жасап, қайтады.

Орман ата: Сендер көп нәрсе білдіңдер, енді мен орманға қайтайын. Сендер апайларыңмен қоянға көмектесіңдер.

3. Балалар қасқыр қоян іздерін салады.

Салу тәсілін түсіндіру.

Рефлексиялық түзетушілік:

-Балалар, сендер саяхатқа қайда бардыңдар?

-Орманда тұратын жануарларды не деп айтамыз?

-Сендер кімге көмектестіңдер?

-Қоянның ізін немен салдыңдар?

-Қасқырдың ізін немен салдыңдар?

-Қай жануар қыста ұйықтайды?

-Бүгін сендер сабаққа өте жақсы қатыстыңдар, сендерге рахмет!