| Білім беру саласы: | Қатынас |
| Бөлімі: | Тіл дамыту |
| Тақырыбы: | «Балықшы мысық» ертегісі |
| Мақсаты: | Байланыстыра сөйлеуді жаттықтыру, шығармашылық ойлауды дамыту. |
| Міндеттері: | сөздік қорларын белсендіру, адамгершілікке тәрбиелеу |
| Қажетті құрал-жабдықтар, көрнекіліктер: | үнтаспа, судан шыққан мысық суреті, ертегі желісіне салынған суреттер жиынтығы |
| Іс-әрекет кезең- дері | Тәрбиешінің іс әрекеті | Баланың іс-әрекеті |
| Мотивациялық кезең | Үнтаспадан мысықтың мияулаған дауысы естіледі.Тәрбиеші ары қарап-бері қарап малмандай су болып мұңайып отырған мысық суретіне қарап: -Балалар, меніңше мына суреттегі мысық қатты қиналып отырған сияқты.Тіпті дауысы шығып кетті ғой деймін. Ол неге мұңайып отыр деп ойлайсыңдар? Ендеше, біз оған тоғандағы балықтарды салып берейік. Оларға қарап көңілі көтерілетін болады.(Топтағы балалардың жартысын өнер орталығына бөледі, сурет салуға отырғызады) Балаларды жарты шеңберге отырғызады. | Балалар мысықтың түр сипатына қарап, өз пайымдауларын жасайды. |
| Ұйымдастырушы кезең | Балалар, сендер ертегіні жақсы көресіңдер ме? -Біздің жан-жағымызды ертегілер торуылдап жүр.Біз тып-тыныш отыруымыз керек, себебі оларды қорқытып алмауымыз керек. Сендер қандай ертегілерді білесіңдер? Ертегі кейіпкерлерін естеріңе түсіріңдер, олар кімдер? (сандық алып шығады) Ал енді сиқырлы сандықтың аузын ашайын, ішінен қадай ертегі шығар екен. Қобдишаның аузын ашып мәнерлеп өлең жолдарын оқиды: Кіп-кішкентай бұлақта, Кіп-кішкене балық жүр. Қаңғымастан жарықта, Несібесін алып жүр. Балалар, бұл тақпақта не туралы айтылған? Демек қобдиша бізге балық туралы ертегі алып келген ғой.Ендеше,ертегіні бастайын,мұқият тыңдап алыңдар.(Ертегі желісі бойынша суретті қолданады)Ертегіні мәнерлеп, бейнелі етіп мазмұндап береді. Сергіту сәті Балалар, мысық ұзақ уақыт қозғалмай балық аулап болған соң. Бойын жазу үшін әдемі қимылдар жасайды. Қане, біз де жасап көрейікші. Екі жаққа қос қолын Созып баяу иіледі.(жан-жағына алма кезек созылады) Белін аспанға қайқайтады (арқасын сыртқа шығара бүгіледі) Кейде артқа шалқайтады (екі қолын басынан асыра созып шалқаяды) | Балалар өздері білетін ертегілердің аттарын айтып шығады.Ондағы кейіпкерлерді естеріне түсіреді. -Балық. Тыңдайды, сұрақтар қояды Тәрбиешінің сөздерін қайталайды, қимылдарды келтіреді. |
| Сөздік жұмыс. Балықтарға қатысты, адамның қасиеттеріне байланысты сөздердің мағынасын түсіндіреді. Сұрақтармен бекітеді.(-Қанағат деген не?) Қазір біз де қармақпен балық аулап көрелік.«Балық аулау» ойыны. (ойынның шартын түсіндіреді) -Мысықтың бірінші аулаған балығын ұста. Ол қандай балық еді?т.б. «ТТШ» әдісін қолданып ертегі мазмұнын пысықтау: Балаларға айтылған ойды жалғастыруды өтінеді. -Мысық қармақ салады -Шабақ ұстап алады -Балықты ол ала ма? . -Тағы қармақ салады -Нені ұстап алады? -. Алды ма ол балықты? . Тағы тастап қармақты Мысық қатты шатасты Қармаққа түсті нән.Немене? Су төресі шортанға Мысықтың әлі келе ме? Неге? «Сөз ойла, тез ойла» ойыны арқылы қортындылауды жүргізеді. (Әр бетіне ертегі кейіпкері және оның іс әрекеттеріне қатысты суреттер салынған текше пайдаланады) Текшені бір-бірімізге лақтырайық, қағып алған бала, суретке қарап сөйлем ойластырсын.Өзі ойынды бірінші бастайды. -Мысық.Мысық балық аулауға барды. | Жаңа сөзді меңгереді, мағынасын түсінеді.Ертегіден, өз тәжірибесінен мысал келтіреді. Ертегі мазмұнын құрастырады, жекелеме деректерді естеріне түсіреді.(шабақ-кішкентай балық, алабұға –аса үлкен емес, шортан-қауіпті,үлкен) Ертегі мазмұнына сай жауап табады. Сұрақтарға тез ойлап жауаптар ойластырады, оқиғаның соңын аяқтайды. Өкініштерін білдіру барысында шартты сөйлемдер қолданады.(егер, болмағанда, ауламаса) Балалар текшедегі суреттерді қатыстырып сөйлем құрап айтады. | |
| Рефлексивті-түзетуші | -Балалар сендерге ертегі ұнады ма? -Мысық қандай балықтар аулады? -Мысық барға қанағат етті ме? Неге? -Ол дұрыс істеді ме? Не істеуі керек еді? |
Күтілетін нәтиже:
| Нені білу керек: | затқа тән сипаттық сөздер қолдана біледі. |
| Нені игереді: | болған оқиғаға қатысты шартты райда сөйлем құрап, өз ойын айтуды игереді. |
| Нені біледі: | өз жауаптарын негізге ала отырып сұрақтарға жауап бере біледі. |
