Астана татулықпен бірліктің ордасы

Мақсаты:

Білімділік: Балаларға еліміздің бас қаласы - Астана туралы мәлімет беру.

Дамытушылық: Баланың ізгілік қасиетін дамыту.

Тәрбиелік: Ойын арқылы балалардың ой - өрісін, қимылын ұштау.Отанға туған жерге деген сүйіспеншілігін арттыру, өз елін, отанын сүйетін патриот болуға тәрбиелеу.

Әдіс-тәсілдер: Көрсету,түсіндіру, сұрақ-жауап, мақтау, мадақтау, қорытындылау.

Көрнекілігі: Қазақстан республикасының рәміздері.Астана қаласының ғимараттары.

Жүргізуші: Қайырлы таң балалар,Қайырлы таң қонақтар.

Сіздерді салтанатты мереке Астана күнімен құттықтаймыз!

Жылу шеңбері: Ал енді балалар бір - бірімізге алақанымыз арқылы жылу шеңберін күн секілді жылы жүзбен күлімдеп жылы лебіз білдірейік:

Деніміз сау болсын,

Күніміз күлімдесін,

Еліміз аман болсын,

Ата - анамыз қасымызда болсын,

Бәріміз дос болайық,

Бәріміз бақытты болайық,

Аспанымыз ашық болсын.

Ән: Ән ұран.

Жүргізуші: Қане балалар орнымызға отырайық.

Біз бүгін сендермен отанымыз туралы әңгімелесеміз: Балалар отан деген сөзді қалай түсінесіңдер.

Балалар: Туған жерім, ата мекенім, отбасым, халқым.

Жүргізуші: Дұрыс балалар, отан дегеніміз біздің еліміз туған үйлеріміз, өзіміз туып өскен жеріміз.

Біз қай мемлекетте тұрамыз?

Балалар: Қазақстан Республикасы.

Жүргізуші: Қ. Р президенті кім?

Балалар: Нұрсұлтан Әбішұлы Назарбаев.

Жүргізуші: Қазақстан Республикасының мемлекеттік тілі қандай?

Балалар: Қазақ тілі.

Жүргізуші: Қазақстан көп ұлтты мемлекет. Қазақстанда әр түрлі халықтармен ұлт өкілдері тұрады. Соның ішінде қандай ұлт өкілдерін білесің?

Балалар: Орыс, өзбек, түрік, қытай.

Жүргізуші: Елімізді қандай рәміздерін білесіңдер?

Балалар: Ту. Елтаңба. Әнұран.

Жүргізуші: Ту, Елтаңба, Әнұран бір сөзбен қалай айтамыз?

Балалар: Рәміздер.

Балалар ту, елтаңба, әнұран туралы білгендерін айтады:

Жанерке: Ту. Біздің республикамыздың мемлекеттік Туы - тік төртбұрышты көгілдір түсті мата. Тудың көгілдір түсі ашық аспан мен тыныштықты білдіреді.

Тудың ортасында күн тұр, ол жылулықты білдіреді. Күннің астында қанат жайған қыран бүркіт бар. Жанында ою - өрнек салынған, алтын түспен берілуі тыныштықты, байлықты білдіреді.

Әльбина: Елтаңба. Қазақстанның Елтаңбасы дөңгелек пішінді және Тудың түсіндей көгілдір түсті. Оның ортасында шаңырақ бейнеленген. Күннің сәулесіндей айнала уықтар тараған. Екі жағында екі қанатты тұлпар салынған ол - қорғауды білдіреді. Бидай сабақтары тоқшылықты, молшылықты білдіреді.Үстінде « жұлдыз», астыңда «Қазақстан» деген жазуы бар.

Сүндет: Әнұран. Мемлекеттік әнұран – маңызды мемлекеттік шараларда орындалады. Әнұранды тұрып айтады, тұрып тыңдайды.

Жүргізуші: Ел ордасы қай қала?

Балалар: Астана.

Біздің еліміздің бас қаласы Астана туралы мағлұмат айту. Түсіндіру.

Астана туралы тақпақтар:

Абдурахим: Ел бөбегі бүлдіршін, жас баламыз.

Астанамыз, астана бас қаламыз.

Амина: Астана арман қала,

Бағы ба жанған қала

Тұрады ол жап - жас болып,

Мен үлкен болған да да.

Димон: Жаса - жаса Астанам,

Өркен жол бастаған

Болашақтың есігін,

Өз қолыммен аш маған.

Інжу: Қадамың бар баспаған,

Асуың бар аспаған

Халқым жетсін мұратқа,

Ей, бас қалам - Астанам.

Аружан: Шырқап көкке асқан - ән

Болашаққа бас қадам.

Қазақ рухын биіктет,

Ей, бас қалам - Астанам.

Жанарыс: Отанымның төрінде,

Сарыарқаның өрінде.

Ту ұстаған Астанам,

Әсем қалам - бас қалам.

Балалардың орындауында: « Вальс.»

Балалар, енді отан туралы мақал - мәтелдер айтайықшы.

Отансыз адам – ормансыз бұлбұл.

Отан үшін отқа түс - күймейсің.

Отан - оттан да ыстық.

Отанды сүю отбасынан басталады.

Балалардың орындауында ән: "Отан".

Ойын: «Рәміздерді құрастыру». Балалар қиылған суреттерді құрастырады.

Балалардың тақпақтары:

Айым: Сарыарқаның төсінде

Гүл жайнаған, Астанам

Ақпейілдей арнайы

Ақ тілегім, жас бала.

Елордасы елімнің,

Қазағымның жүрегі

Астанамды бірінде,

Күллі әлем біледі.

Кәусар: Жыр қып төктім өзіңе

Шумақтарын сезімнің

Әсем қала – Астанам

Құрдасымдай өзімнің.

Құрман: Әуелейді асқақ ән

Болашаққа бастаған

Мәртебемсің сен менің

Айналайын Астанам.

Қымбат маған есілің

Жүрегімде жүреді

Жарқын болсын ертеңнің

Осы елдің тірегі.

Б. Амина: Астанам - арман қала

Бағы бар жанған қала

Тұрады ол жап - жас болып

Мен үлкен болғанда да.

Ерасыл: Жаса - жаса Астанам,

Өркен жол бастаған.

Болашақтың есігін

Оң қолыңмен аш маған.

Жас астанам, жас қалам.

Тарихым бар ашпаған.

Ордасы боп ашылдың,

Ей, бас қалам - Астанам.

Қалқаман: Барша әлемге әйгілі

Ел басымыз Нұр аға

Мақтанышы елімнің

Нұрын шашқан, Нұр қала.

Қадамың бар баспаған,

Асуың бар аспаған.

Халқым жетсін мұратқа

Ей, бас қалам - Астанам.

Шырқап көкке аспан - ән

Болашаққа бас қадам,

Қазақ рухын биіктен

Ей, бас қалам - Астанам.

Ән «Жаңбыр»

Ойын «Доп»: жүргізуші сұрақ қоя отырып, бір балаға лақтырады. Ол жауабын айтып допты қайтып лақтырады.

- Ал, қане бастайық:

- Қазақстанның астанасы, қай қала?

- Астана.

- Қазақстан Республикасының президенті кім?

- Н. Ә. Назарбаев.

- Біз қай елде тұрамыз?

- Қазақстан Республикасында

Балаларды мадақтау. Қонақтармен қоштасу.

- Сау болыңыздар.