Ашық сабақ:"Үй құстары және пайдасы"

Білім беру саласы: Қатынас

Бөлімі: АҚОТ. Құрастыру

Тақырып: «Үй құстары»

Мақсаты: Үй құстарының тіршіліктері туралы түсініктерін кеңейту. Үй құстарының пайдасы туралы мағлұмат беру. Құстарға деген сүйіспеншілікке, қамқорлыққа тәрбиелеу.
Көрнекілігі: Үй құстарының суреттері, жұмыртқа, жастық, құстың мамығы, слайдтар.
Әдіс - тәсілдері: Сұрақ - жауап, топтастыру, құрастыру, әңгімелеу, сергіту жаттығулары, ойын, көрнекілік әдісі.
Ұйымдастырылған оқу іс - әрекетінің түрі: Ашық сабақ.

Ұйымдастыру кезеңі:

Шаттық шеңбер

- Балалар, бүгін бізде ерекше күн! Бізге қонақтар келіп отыр. Олай болса бәріміз тұрайық та сәлемдесейік.

Слайд

Жарқын, жарқын үйіміз

Болашақтың күніміз

Балалық шақ үйінің

Жайнап тұрған гүліміз.

Сәлеметсіздер ме, қонақтар

Қош келдіңіз, бәріңіз!

-Әдемі отырайық, аяқтарымыз бірге, арқамызды тік ұстаймыз.

- Балалар бізге бүгін қонаққа Айша апай да келіпті. Айша апай бізді «Ауылға» қонаққа шақырады.

- Барамыз ба? ( иә барамыз.)

- Балалар кімнің ауылда әжесі, атасы бар?

- Сендер оларға қонаққа барасыңдар ма?

(Иә жазда әжемнің ауылына барамыз.)

- Ауылға барғанда, үйдің алдында қандай жануарларды көресіңдер?

(сиыр, қой, ат, ешкі)

Ал қандай құстарды көресіңдер? (тауық, әтеш, қаз, үйрек)

- Жақсы балалар.

- Ауылға немен баруға болады?

(ауылға автобуспен, машинамен, поезбен баруға болады)

- Ал сендер немен барғыларың келеді?

(автобуспен барғымыз келеді)

- Олай болса балалар қане бәріміз көзімізді жұмайық та ауылға аттанайық.

(Музыка қойылады)

- Міне балалар, Айша апайдың ауылына да келіп қалдық

Слайд: Айша апайдың ауласы

- Айша апайдың құстары қалай көп екен!

- Балалар сендер қандай құстарды білесіңдер?

(Үй құстары және дала құстары)

Мынадай тапсырманы орындап жіберейік.

Үстел үстіндегі «Ойын дидарын» алып аударамыз, суретке қарап үй құстарын шеңбермен қоршап аламыз.

- Өте жақсы!

-Балалар сендер үй құстардың дауыстарын білесіңдер ме?

Олай болса балалар тыңдап көрейік. (үнтаспадан құстардың дауысын тыңдату)

Мен қазыр құстың дауысын жіберемін, ал сендер ойланып табыңдар.

1-ші тапсырма «Қай құстың дауысы?»

(үнтаспадағы үй құстарының дауысы, слайдта суреттері көрсетіледі)

( қаз,тауық,үйрек,әтеш, күркетауық)

- Ал кім қаз туралы тақпақ біледі?

Слайд:

1. Қаз қанатын сабалап

Көлдің суын шашамын

Қаңқылдаған дауысым

Алты қырдан асады

Әтештің дауысы

Слайд:

2. Мен қоразбын,қоразбын.

Жалқаулармен аразбын

Таңды бұрын қарсы алып,

Елді оятып жар салып.

Тауықтың дауысы

Слайд:

3. Мен ақ тауық,ақ тауық

Жүремін мен мақтанып,

Құс болсам да ұшпаймын

Балапанды қорғаймын.

Үйректің дауысы

Слайд:

4. Мен үйрекпін,үйрекпін

Балпаң-балпаң басатын

Кірмеймін деп қораға

Сайға қарай қашатын.

- Өте жақсы балалар!

Талдау

Сергіту сәті: «Балапан» 1 шумақ, қайырмасы. (Слайд арқылы билеу)

«Балапан,балапан

Тәй тәй басқан балапан

Қошақандай момақан

Бұлдыр-бұлдыр сөйлейсің

Айтқаныма көнбейсің

Балапан,балапан

Жәй жәй басқан балапан»

Орнымызға отырамыз.

- Балалар, осы құстарды неге үй құстары дейміз?

(Себебі олар үйдің маңында тұрады және оларға адамдар тамақ, су, жем береді)

- Менің балаларым қандай ақылды, шапшаң? Өте жақсы.

Балалар Айша апайдың немересі білмейді екен, қай балапан қандай құстың баласы екенін, оған көмектесеміз бе? (иә)

- Олай болса мынадай тапсырманы орындайық (интерактивтік тақтада орындау. Сызық арқылы қосу)

Ал сендер балалар қарап отырыңдар!

(Тақтаға Жаннұр шығады, Марғұлан кезекпен)

-Балалар, сендер қалай ойлайсыңдар құстардың адамға беретін пайдасы бар ма?

Слайд:

Слайд:

( құстардың адамға пайдасы бар, тауық бізге жұмыртқа береді, қаздың жүнінен көрпе, жастық жасайды)

- Көрдіңдер ме балалар, құстардың бізге көп пайдасы бар екен.

Екі топқа бөлінеміз.

Қыйылған бөліктерден құстарды құрастырамыз.

- Қане қай топ бірінші тапсырманы орындайды екен?

(музыка жіберіледі)

- Айгерім, сендерде қандай құстың суреті шықты? ( үйрек)

- Ал Аяжан сендерде ше? ( күркетауық).

- Өте жақсы балалар.

Балалар сендер бүгін қайда конаққа бардыңдар?

-Айша апайдың қандай қ

- Балалар, сендер бүгін жақсы жұмыс істедіңдер! Сендердің жұмыстарың Айша апайға өте ұнады.

- Қане балалар, орнымыздан тұрып келген қонақтармен

«Біз ақылды баламыз

Айтқан тілді аламыз

Бүгінгі келген қонаққа

Сау болыңыз деп айтамыз»

Вы уже знаете о суперспособностях современного учителя?

Тратить минимум сил на подготовку и проведение уроков.

Быстро и объективно проверять знания учащихся.

Сделать изучение нового материала максимально понятным.

Избавить себя от подбора заданий и их проверки после уроков.

Наладить дисциплину на своих уроках.

Получить возможность работать творчески.

=> ПОЛУЧИТЬ СУПЕРСПОСОБНОСТИ УЧИТЕЛЯ <=

Просмотр содержимого документа
«Ашық сабақ:"Үй құстары және пайдасы"»

«№26 мектеп – балабақша» КММ

КГУ « Школа – детский сад №26»

Ұйымдастырылған оқу іс-әрекеті.

Қоршаған ортамен танысу/құрастыру

«Жабайы аңдар»

Дайындаған:

Досбаева З.А.

Петропавл 2017ж

Ұйымдастырылған оқу іс-әрекеті.

Білім саласы:Қатынас.Шығармашылық.

Қоршаған ортамен танысу.Құрастыру.

Тақырып: «Жабайы аңдар»

Мақсаты:

Балаларға жабайы аңдар және олардың мінез-құлықтарының белгілері туралы түсінік қалыптастыру.

Қойылған сұрақтарға толық сөйлеммен жауап беруге үйрету.

Жұмбақтарды шеше білуге жаттықтыру,алдынғы игерілген тәсілдерді қолдана отырып,қиялдау қабілеттерін арттыру.

Балаларда құрастыруға қызығушылық тудыру.

Балаларда ойлау қабілетін дамыту.

Балаларды табиғатты сүюге,аңдарды аяушылық білдіруге,оларға көмекке келуге тәрбиелеу.

Көрнекілік: Интерактивті тақта, слайд.

Ұйымдастыру кезеңі:

Арайланып таң атты

Күн шуағын таратты,

Амансың ба нұрлы күн

Амансың ба достарым!

Тәрбиеші:Жарайсыңдар,балалар!

Балалар, қазір жылдың қай мезгілі?

Балалар:Қыс мезгілі.

Тәрбиеші:Қыс мезгілінде қандай өзгерістер болады?Балалар,бүгін біз қыс мезгіліндегі орманға серуенге барамыз.Орманда қандай өзгерістер болып жатқанын көреміз.

(Музыка ырғағымен серуенге шығады).Орман қандай тамаша!Айнала ап-аппақ.Ағаштардың бұталарын қар басқан.Балалар,қараңдар сандық тұр.

Тәрбиеші:Қане,ендеше көрейік бұл сандықта не бар екенін?Сандықты ашады,ашылмайды.

Балалар мына сандық ашылмайды ғой.Бұл сандық жай сандық емес,сиқырлы сандық болды.

Бұл сандықтың ішіне аңдарды ,жалмауыз кемпір сиқырлап салып қойыпты.Аңдарды құтқарайық.Аңдарды құтқару үшін жұмбақтар шешуіміз керек екен.

Жұмбақтар шешеміз.

1.Сыбдыр шықса қашады

Қырдан бірақ асады. (қоян)

2.Қыс бойына жатады,

Тәтті ұйқыға батады. (аю)

3.Өзі қу,жүрген жері айғай да шу. (түлкі)

Тәрбиеші:Жарайсыңдар,балалар,жұмбақтың шешуін таптық.Кане, балалар сандықта қандай аңдар бар екенін қарайық.

Мынау не?

Балалар:Аю.

Тәрбиеші:Аю қандай?Түсі ше?Ол қыста не істейді?

Балалар:Үлкен,қомпиған.Түсі қоңыр.Ол қыста ұйықтайды.

Тәрбиеші:Түлкі ше?Түсі қандай?

Балалар:Түлкі қу,айлакер .Түсі қызғылт сары.

Тәрбиеші:Қоян қандай?Түсі ше?

Балалар:Қорқақ.Түсі аппақ.

Тәрбиеші:Міне,балалар,біз аңдарды құтқардық.Осы аңдарды бір сөзбен қалай айтамыз?

Балалар:Жабайы аңдар дейміз.

Тәрбиеші:Қане,тағы да қайталап жабайы аңдарды атайық.

Аю,түлкі,қоян.

Балалар,аңдар бізге рахмет айтып жатыр.Сендер оларды сандықтан құтқарып алдыңдар ғой.Әсіресе мына кішкентай қоян қорқып қалыпты.Қане, қоянның көңілін көтерейік және өзімізде дем алып ойын ойнайық.

Сергіту сәті.

Аяқпенен топ-топ-топ,

Ал қолменен хлоп-хлоп-хлоп,

Бір оңға,бір солға

Айналайық ,кел мында.

Қолымызды бір сілтеп,

Басымызды шайқайық,

Бір оңға,бір солға.

Айналайық кел мұнда..

Есікті тарсылдатып қоян кіреді.

Сәлеметсңдер ме ,балалар!Сендерді кездестіргенім қандай жақсы болды!Сендер маған көмек беретін шығар деп ойлаймын.

Тәрбиеші:Қандай көмек жасайық.Бүгін біз жабайы аңдарға көмек жасап жатырмыз.Саған да көмек береміз.

Қоян:Сендер сияқты менің де достарым көп болса ғой.

Тәрбиеші:Балалар қоянға өздерің сияқты көңілді достар құрастырып береміз бе?

Балалар:Иә.

Тәрбиеші:Балалар,біз ендеше қоянға достар жасап берейік.Қоян,сен мына жерде отыра тұр.Біздің балалар саған қояндар жасап берсін.

Құрастыру тәсілі:Балалар, біз қоянды қарап алайық, ол неше бөліктен тұрады екен.Сопақша денесі,дөңгелек басы,екі сопақша құлағы,екі қолы,екі аяғы.

Жұмыс барысы: Бірінші сопақша денесін қоямыз,екіншіден басын қоямыз,басына екі сопақша ол құлақтары,екі сопақша қолдары,екі сопақша аяқтары.

Қоян балаларға рахмет айтады.

. Қоян:Балалар,сендер менің көңіл күйімді көтердіңдер,маған көп достар жасап бердіңдер, Сендерге көп рахмет.Мен енді көжектеріме барайын.Сау болыңдар балалар!

Балалар:Сау болыңыз!

Тәрбиеші:Балалар,міне қоянға біз көп достар құрастырып бердік .Енді балалар ,біздің топқа қайтатын уақыт жетті,қане орындарыңа жайғасып

Отырыңдар.

Тәрбиеші:Балалар,біз бүгін қайда бардық?

Онда біз не тауып алдық?

Сандықта нелер болды?

Біз қоянға нелер жасадық?

Қоян қуанды ма?

Балалар,сендер бүгін маған өте ұнадыңдар.Барлықтарың оқу іс-әрекетіне жақсы қатыстыңдар.Міне ,қоян сендерге арнап сыйлық беріп жіберіпті.Бұны тобымызға барғаннан кейін ашамыз. Қане,орнымыздан тұрып қонақтармен қоштасайық.

Сау болыңыздар!