15.11.16ж
Білім беру саласы: Коммуникация
Ұйымдастырылған оқу іс қызметі: Сөйлеуді дамыту.
Тақырыбы: «Бізде қонжық қонақта».
Мақсаты: Балалардың қоршаған орта туралы түсініктерін қалыптастыру барысында жабайы,жыртқыш жануарлардың мекен ету ортасы,қоректенуі туралы білімдерін толықтыру.Күз айында болатын өзгерістер жайлы түсініктерін ажырата білуге үйрету. Жұмбақтар жасыруға, шешуге мүмкіндіктер жасау. Балаларды шағын тақпақтарды жатқа оқуға, кейіпкерлер бейнесін сомдауға, дауыс ырғағына, дыбыстау көркемдігіне көңіл аударуға үйрету.
Балалардың ойлау қабілеттерін дамыту.Ізгілікке тәрбиелеу.
Сөздік жұмыс:қонжық.
Билингвальді компонент: қонжық-медвежонок. Қолданылатын көрнекі құралдар: Күз мезгілінің құбылыстарының суреті,қонжық аю бейнесі, слайд, бал,үлестірмелі материалдар,муляждар
Мотивациялық қозғаушы
Балалар, көңіл - күйлерің қалай? жақсы.
Қазір жылдың қай мезгілі? (Күз мезгілі)
-Күз мезгілі екенін қайдан білдіңдер?(күн салқын,жапырақтар сарғайып жерге түсті,күн бұлтты,жаңбыр) -Күз мезгілінде неше ай бар?(үш ай)
-балалар, осы үш айды атап беріңдерші?(қыркүйек,қазан,қараша)
Ұйымдастырушылық ізденістік
Балалар мына күннің бетін қою бұлттар жауып тұр. Күннің көзін ашу үшін бұлттың артында жасырылған сұрақтар мен жұмбақтарға жауап беруіміз керек.
Аудиозапис (бұлттың сөзі)
- Балалар, мен қою қара бұлтпын,менің сендерге берер тапсырмам бар,менің сұрақтарыма жауап беруге дайынсыңдарма? (балалардың жауабы)
Жұмбақ:
Қыс бойы ұзақ ұйқыда жатады,
Көктемде оянады.
Ол қай жануар?(аю)
- Жарайсыңдар балалар, дұрыс таптыңдар.
Балалар,аюдың баласын қалай атайды?(қонжық)
-Не деген білімді балаларсыңдар,сендер дұрыс жауап берген сайын күннің көзі де ашылып,мені қуып жатыр.Ал,енді келесі соңғы сұрақты тыңдайық.
Жабайы жануарлар қайда өмір сүреді?(орманда)
-Ой,мен бірте-бірте жоқ болып бара жатырмын, сендер мені қуып жібердіңердерғой.
-Балалар,біздің күніміз жарқырап шықты.
Ғажайып сәт: (әуен ойналады)Қонжық келеді
Қонжық:Сәлем,балалар!(сәлемдеседі)
Тәрбиеші: Балалар не келген бізге ?(қонжық)
Сәлеметсің ба,қонжық!
-Балалар қонақ келгенде біз қандай ізгі сөздерді айтушы едік!(қош
келдіңіз,төрлетіңіз!)
-Балалар қонжықтың түсі қандай?(қоңыр)
Бәріміз қонжықты сипап ұстап көрейікші, қандай сүйкімді.(балалар қонжықтың біздер сияқты достары көп екен)
-Балалар, ормандағы қонжықтың достарының жүрісін, салайық.Қонжық қуанып қалсын.(балалар музыканы тыңдау арқылы қай аңның жүрісін салады )
(слайд арқылы тілдерін дамыту)
Сөздік жұмыс
Ян-ян-ян-қоян
Ыр-ыр-ыр-қасқыр
Кі-кі-кі-түлкі (балалар бірге қайталайды)
«Аю»өлеңін оқып беру.
Тауға шықсам-қалың қар,
Сайға түссең-қалың қар,
Шырша үсті қалың қар,
Байқаңдар,қар астында
Ұйықтап жатқан аю бар. (балалар бірге қайталап айтады,жаттап алуға тырысады).
-Қонжық анаң сені еркелетеді ме?
Қонжық:Әрине, «Қорбаңдаған қонжығым»деп еркелетеді.
Ал балалар сендерді аналарың кім деп еркелетеді?(балалардың жауабы)
Сергіту жаттығуы.(видио арқылы орындайды)
Дидактикалық ойын:«Қайсысы нені жақсы көреді?» дәптермен жұмыс
Мақсаты:баланың ойлау қабілетін дамыту,кейіпкерлер бейнесін сомдауға баулу.
Шарты : дәптермен жұмыс.
Суретте берілген жануарларды, жақсы көретін тағамдарымен қосу.
Мысалы:мысық-сүт,ит-сүйек,тауық-тары,лақ-шөп.
Жануарларлардың дауысын,қимылын келтіріп ойнату.(балалар дауыстарын,қимылдарын салады)
Қонжық:
-Балалар,енді мен қайтайын,мені анам іздеп қалар,апаныма түсіп,ұйқыға жатуым керек.Қыс мезгілі де келе жатыр.Мына балдан ауыз тиіңдер!Өзім жинаған бал.Сендермен бірге тақпақ жаттадым,жаттығуда жасадым,ойнадым.Сендерге көп рақмет!Көктем мезгілінде тағы да қонаққа келемін.Сау болыңдар.(Сау болыңыз.Қонжық,саған тәтті ұйқы тілейміз!)
-Балалар,қонжық жабайы жануарма,үй жануары ма? (балалардың жауабы)
Бүгінгі оқу іс қызметін сұрақ-жауап,ойын арқылы қорыту.
Ендеше,сендермен бірге « Өз мекенін тап» ойынын ойнайық.
(балаларды екі топқа бөліп, жабайы жануарларды орманға,үй жануарларын үйдің қасына орналастыру)
1топ:Балалар сендер не үшін үй жануарларын үйдің қасына орналастырдыңдар?(себебі оларды адамдар баптап,бағады)
2топ:Жабайы жануарларды не үшін орманға орналастырдыңдар?(себебі олар жыртқыш аңдар)
-Балалар,сендердің бүгінгі оқу қызметіне қатысуларың маған өте ұнады. Сондықтан сендерді жұлдызшамен марапаттаймын.
