Ашы? саба? "Ертегілер елінде"

«Железин ауданының Еңбекші жалпы білім беру орта мектебі»ММ

Ашық сабақтың тақырыбы:

«Ертегілер еліне саяхат»

Сынып: Даярлық топ

Пән: Тіл дамыту

Мұғалім: Нұрсарина К.Қ.

Сабақтың тақырыбы: «Ертегілер еліне саяхат»

Мақсаты:

Білімділік: Мақалдарды айтып, есте сақтауға, мағынасын ашуға үйрету. Сабақ барысында ертегі кейіпкерлерінің рөліне кіру арқылы оларға сипаттама береуге үйрету. Сабақты жұмбақ кейпінде бастау арқылы оқушылардың қызығушылықтарын ояту.

Дамытушылық: Оқушылардың білімдерін, тілдерін ертегі айту, өлең айту, сөздерді буынға бөлу, жаңылтпаштарды айту арқылы дамыту. Сурет бойынша әңгіме құрастыру арқылы тілін, ойын, шығармашылық қабілетін дамыту.

Тәрбиелік: Табиғатқа, жануарлар мен аңдарға қамқорлық жасауға тәрбиелеу.

Әңгіме арқылы еңбек ету, жақсылық жасау, адал, таза болу, еңбекқор, адамгершілігі мол, жақсылықты жаны сүйетін адам болуға тәрбиелеу.

Сабақтың әдіс-тәсілдері: әңгімелеу, ән айту, ойын түрінде.

Пәнаралық байланыс: сауат ашу, дүниетану, музыка.

Сабақтың көрнекілігі: Бауырсақ, карта, доп, сандық, ребустар, суреттер.

Сабақтың барысы:

• Сәлеметсіңдер ме, балалар! Біздің бүгінгі сабағымыз ерекше болмақ. Бізге сабаққа қонақтар келіп отыр. Қане, ең алдымен келген қонақтармен сәлемдесіп алайық.

• Сәлеметсіз бе!

Күн жарқырап аспанда,

Жарқын нұрын шашады.

Барлық әлем жылынып,

Көңілдерін ашады,

Жылы шуақ шашады.

Ал,біз көңілімізді жылы жүз арқылы күлімдеп бір-бірімізге білдірейік (оқушылар бір-біріне, мұғалімдерге қарап күлімдейді).

• Біздің бүгінгі сабағымызда ертегілер еліне саяхат жасаймыз. Саяхатқа шығу үшін бізге не қажет? Кім айтады?

• Карта.

• Дұрыс айтасыңдар, бізге карта қажет. Назарымызды тақтадағы картаға аударамыз.

• Мәссаған, мына картамыз жабулы тұр екен ғой. Енді қайттік?! Картасыз саяхатқа қалай шығамыз.

• Мынау келе жатқан кім өзі?

• Бауырсақ.

• Рас па? Алма емес пе? Түсі сары ғой, алма сары болмай ма?

• Жоқ, алма қызыл болады.

• Бауырсақ емес шығар, бауырсақтың түсі жасыл емес пе?

• Жоқ, сары болады.

• Жарайды, сендерді жеңу оңай болмас, бауырсақ болса, бауырсақ болсын.

• Ал, бауырсақ, сен қайдан келе жатырсың?

Бауырсақ: - Мен адасып қалдым, қай ертегіден шыққанымды білмеймін. Бірақ менде осы картаның кілті бар. Егер менің тапсырмамды орындасаңдар, кілтті беріп, саяхат жасауға көмектесемін.

• Бауырсақтың тапсырмасын орындаймыз ба?

• Иә.

Бауырсақтың тапсырмасы мынадай екен: көбірек жануарлар мен аңдарды атау (берілген допты қағып алу арқылы жануарлардың атын кезекпен атап отыру).

• Жарайсыңдар, балалар! Қолымызға кілтті алдық, енді картаны ашып, саяхатқа шығамыз. Мына картадағы суреттер бізге таныс сияқты ғой. Қай етегінің кейіпкерлері бейнеленген?

• «Бауырсақ»

• Ендеше ертегінің басын кім ашып береді екен? (бір оқушы ертегінің басын айтып береді).

• Ал, жақсы. Сонымен домалап келе жатқан бауырсақтың алдынан кім шығады?

• Қоян.

• Қоян не дейді?

• Бауырсақ, бауырсақ, мен сені жеймін. Сен мені жемеші, мен саған өлең айтып беремін. Маған сенің өлеңің керек емес. Балалар, менің тапсырмамды орындамасаңдар, бауырсақты жеп қоямын. Енді не істейміз? Тапсырмасын орындаймыз ба?

• Иә

Қоянның тапсырмасы: сандықтың ішіндегі суреттерді атап, буынға бөлу, сөздің басында қандай дыбыс тұрғанын айту.

• Қояннан құтылдық, енді кім кездесті екен?

• Қасқыр.

Қасқырдың тапсырмасы: «Соңғы алма» сюжетті сурет бойынша әңгіме құрастыру. Мұрат бақтың ішімен келе жатып, ағашта қалып қойған бір жалғыз алманы көріп қалды... Ары қарай не болуы мүмкін?!...

• Картаға қараңдаршы, не көріп тұрсыңдар? Жаңбыр жауып кетті ғой. Балалар, жаңбыр қалай жауады екен? Есімізге түсірейікші.

Сергіту сәті «Жаңбыр»

• Біраз демалып алдық, енді ары қарай кеттік. Бауырсақтың алдынан кім шығады?

• Аю.

Аюдың тапсырмасы: ребустарды шешу (ай+гүл, шар+тақ, бала+пан, қар+ға, а+нан+ас).

• Өте жақсы, балалар. Қандай ақылдысыңдар?!

• Енді бауырсақтың алдынан сылаңдаған, қу түлкі шықты.

Түлкінің тапсырмасы: өлеңдер айту, тақтадағы буындарды оқу.

• Сонымен, саяхатымыз да аяқталып қалды. Бауырсақ аман қалды. Бауырсақ сендерге өте риза. Оның сендерге қояр бағасы бар екен. Сендер бір-бірлеріңе қандай баға қояр едіңдер?

• Бес.

• Неліктен. Бүгін біз сабақта не өттік? (сабақты қорытындылау). Балаларды бағалау.

• Сау болыңыздар.