Алтын к?з

Алтын күз

№1 арнайы балабақшасының тәрбиешісі

Қазанғапова Ж.С.

Маңғыстау облысы Ақтау қаласы

Білім беру саласы: «Әлеуметтік орта»

Бөлімдер: Айналамен танысу

Сабақ тақырыбы: Алтын күз

Сабақ мақсаты: Балалардың күз туралы түсінігін кеңейтіп, күз мезгілінің ерекшілігін бақылату. Қоршаған ортадағы табиғат өзгерістерін, күзгі жемістер мен көкөністерді ажырата білу.

Көрнекіліктер: күздің суреті, жапырақтар, жемістер мен көкөністердің суреттері

Сабақ барысы: Амандасу үлкенге,

Тәрбиенің басы ғой

Ал кәнекей бәріміз,

Сәлем дейік үлкенге

Сәлематсіздер ме!

Сұрақтар:

- Балалар бүгін аптаның қай күні?

- Балалар бір жылда неше мезгіл бар? Жаз, күз, қыс, көктем.

- Ал бір жылда неше ай бар? 12 ай

- Қаңтар, ақпан, наурыз, сәуір, мамыр, маусым, шілде, тамыз, қыркүйек, қазан, қараша, желтоқсан

- Балалар мен сендерге өлең оқимын, ал сендер мұқият тыңдаңыздар.

Бұлттар төніп ызғар сеуіп,

Дымқыл тұман басады.

Шөп сарғайып, өңі тайып,

Дала сұры қашады.

Бой жаза алмай, ойнай алмай.

Денең мұздап тоңады.

Балаларым! Айтыңдаршы!

Бұл қай кезде болады.

- Күз мезгілінде болады.

- Күз мезгілінде неше ай қонаққа келеді?

- Қыркүйек, қазан, қараша.

- Қазір қандай ай?

- Қараша

- Балалар мына суретте не көріп тұрсыңдар?

- Күз мезгілі

- Күз мезгілінде табиғатта қандай өзгерістер болады. Күз мезгілінің ерекшелігі неде?

- Күн суытады, жапырақтар сарғайады, құстар жылы жаққа ұшып кетеді. Жие жаңбыр жауады. Көктемде егілген астықты егіс алқаптарынан диқандар жинайды, бастырады. Жемістер, көкөністер піседі. Үлкендер жинайды. Адамдар жылы киімдер киеді.

- Жарайсыңдар балалар.

- Ал маған кім күз туралы тақпақ айтып береді? (балалар тақпақтарын айтады)

Осы кезде есік қағылады.

- Балалар біреу есікті қағатын сияқты, естідіңдерме?

- Балалар бізге Алтын күз қонаққа келді.

- Саламатсызба Алтын күз. Мен сендердің дыбыстарыңды естіп келдім. Бұл жерде не болып жатыр?

Тәрбиеші. Саламатсызба Алтын күз. Біз сабақ өтіп жатырмыз. Бұл жерде балалардың тәрбие және білім алатын жері.

- Жарайды онда менде балалардың бідімін тексеріп көрейін.

- Жұмбақ жасырады.

1. Жазда тұрып жоғары,

Күзде жерге қонады. (Жапырақ)

1. Аспай піскен,

Қайнамай түскен. (Жеміс)

1. Ұзын мұртты сарылар,

Қойынында наны бар. (Бидай)

- Жарайсыңдар балалар!

- Тағыда бір қоятын шартым бар?

- Менде түрлі көкөніс пен жемістердің суреттері бар. Сендер ажыратып білесіңдер ме? (таратылады)

Тәрбиеші: Қане балалар біз Алтын күз берген тапсырманы орындайық. Қайсысымыз шапшаң айтамыз. Қане алдымыздағы суретті жеке-жеке атын атайық.

Жемістер мен көкөністердің қандай пайдасы бар. Біз жемістерді, көкөністерді жие жеп тұруымыз керек, себебі денсаулығымызға өте пайдалы. Өрік, қара өрікті көп жеуіміз керек. Ол мына біздің көзімізге пайдасы зор. Балалар сіздердің мамаларың жемістерден тосап қайнатама? Көкөністерден түрлі салаттар жасай ма?

Көзге арналған жаттығу: «Жеміс-көкөністерді сезу арқылы табу» (өз орындарын табу) ).

Алтын күз: Жарайсыңдар! Енді менің тағыда қоятын шартым бар. Қане маған кім мақал-мәтелдер айтып бере алады.

1. Еңбек етсең ерінбей,

Тояды қарның тіленбей.

1. Ел дәулеті еңбек.

2. Егін ексең тыңға, шықтап дей бе шыңға.

3. Бейнетің қатты болса, татқаның тәтті болады.

Ойын: «Жемістер мен көкөністер»

Алтын күз: Менің сиқырлы жапырағымда түрлі сұрақтар бар, соны апайларыңа тапсырамын. Ал мен жолдан шаршап келдім енді мен демалайын.

Тәрбиеші: Қане балалар Алтын күз берген тапсырманы орындаймыз ба? (Сұрақтар оқылады)

1) Нан қайдан келеді?

2) Жемістер қайда өседі, аттарын ата?

3) Көкөністердің бізге қандай пайдасы бар?

4) Жемістер туралы тақпақтарды кім біледі?

Алтын күз: Жарайсыңдар балалар! Мен сендердің білімдеріңді көріп көңілім көтеріліп қалды. Маған ормандағы қоян дәмді көкөніс алып келуді тапсырып еді. Балалар біз Алтын күзге көмектесеміз бе?

- Балалар қоян нені жақсы көреді?

- Сәбізді.

Онда қазір алдарыңдағы қағазға сәбіздің суретін салып әдемілеп бояймыз. (балалар бояп болғасын Алтын күзге береді).

Алтын күз: Жарайсыңдар балалар. Қоян қуанып қалатын болды ғой. Ал балалар менің кететін уақытым болды. Сендерге алып келген сыйлығым бар. Мына сыйқырлы себетімде дәмді жемістер бар. Апайларыңа беріп кетемін. Қош сау болыңдар!

(Тәрбиеші сыйлықтарды балаларға таратады).

Қорытынды: Жарайсыңдар балалар! Сабаққа өте жақсы қатыстыңда. Бүгін қандай тақырыпта сабақ өттік? Күз мезгілі. Балалар күз мезгілі туралы жақсы меңгердіңдер. Сұрақтарға жақсы жауап бердіңдер.

Құрметті қонақтар біздің сабағымыз осымен аяқталды.