Білім беру саласы: Әлеуметтік орта
Бөлімі: Көркем әдебиет.
Тақырыбы: Мейірімділік – асыл қасиет.
Сабақтың мақсаты: Балалардың «мейірімділік», «қайырымыдылық», «құндылықтары туралы түсініктерін кеңейту. Мейірімділіктің адам өміріндегі маңыздылығын түсіндіру;
өзара сыйластық қарым қатынастарын дамыту; мейірбандылыққа тәрбиелеу.
Іс-әрекет бөлімдері
Тәрбиешінің іс-әрекеті
Балалардың
іс-әрекеті
Мотивациялық-қозғаушылық
Балалар ортаға шеңбер құрып тұрып, «Мен апамның ай мен күні» өлеңін айтайық.
Апам мені: «Айым» - дейді,
Мен мұңайсам, уайым жейді.
Апам мені: «Күнім» - дейді,
Мен қуансам күлімдейді.
Балалар шаттық
шеңберін құрып,
өлеңді айтады.
Ұйымдастырушылық -ізденістік
Кіріспе әңгіме
-Балалар, үйде сендерді қандай жақсы сөздермен еркелетеді?
- Мейірімді деген сөзді қалай түсінесіңдер?
- Мейірімділікті қалай көрсетуге болады?
- Өздеріңе мейірімділік көрсеткен кезде қандай сезімге бөлендіңдер?
Балалар мейірімділік әр адамның жүрегінде өмір сүреді. Мейірімділікті адамның көзінен көруге, іс-қимылынан табуға болады. Мейірімді адамды барлығы жақсы көреді.
-Біз бүгін белгілі ақын М.Төрежановтың «Сары тауық пен балапандары» әңгімесімен танысамыз.
Әңгімені мәнерлеп оқып беру.
Күздің бір күні сары тауық балапандарын ертіп, ауылдан ұзап кеткен. Аяқ астынан жаңбыр құйып кетті. Суық жаңбырдың астында қалған сары тауық балапандарын қанша асықса да мекеніне жеткізе алатын емес. Өйткені балапандарының жылы жүні әлі шықпаған балғын жас еді.Сары тауық қатты састы. Шөжелерін қос қанатының астына алып, бауырына басты. Бір балапаны сыймай сыртта қалды. Ана айла жасап, балапандарын кезектестіріп бір-бірден тыста ұстап, тоңа бастағанда бауырына алып отырды. Кезек ең кенжесіне келгенде ана оны сыртқа шығармады.
- Оны неге шығармайсыз?- деп сұрады бір ақ балапан.
- Ол тым жас.
- Жас болса қайтеді? Кезегі келгенде ол да шықсын.
- Cырқаттанып қалады. Кішімізге өзгеміз қамқоршы болуымыз керек емес пе? Кәне, мұның орнына кім барады?- деп сұрады анасы.
- Мен,-деді тұңғышы.
- Мен барайын?-деді оған тетелесі.
- Кезекті маған беріңіз!-деді одан кішісі.
- Мен қалам ба сонда?-деді алғашқы қарсылық білдірген балапан.
- Қатесін түсінген сенің барғаның жөн!- деді сары тауық балапанды тысқа қарай ысырып.
- Сары тауық су өтіп қатты жаурады. Бірақ балапандарын тоңдырған жоқ. Балаға деген ыстық махаббатымен жылытып, сақтап қалды.
Күн ашылып, ана жүрегіндей жадырады.
-Сары тауық өз аналық мейірімін қалай көрсете білді?
-«Күн ашылып, ана жүрегіндей жадырады» дегенді қалай түсінесіңдер?
-Ал сендер мейірімділікті, қайырымыдылықты кімдерден үйреніп жүрсіңдер?
Сөздік жұмыс
Шөже- тауықтың балапанын, тысқа- сыртқа деген мағынаны білдіреді.
Билингвальді компонент:
Балапан-цыпленок; тауық-курица.
Сергіту сәті
Күнге қарап қолымды
Бір, екі, үш деп соғайын /қолды соғу/
Қарап тұрған көршіме
Мен қолымды бұлғайын /бір - біріне қол бұлғау/
Жылы - жылы жүзбенен
Маңдайыннан сипайын /сипау/
Жылы - жылы сөзбенен
Жүрегімді сыйлайын /жүректі ұсыну/
Ыстық алақаныммен
Қолыңды бер қысайын /қолды қысу/
Амандасып өзіңмен
Құшақтасып алайын /құшақтасу/
Сұрақ-жауап:
-әңгіме қалай аталады?
-Сары тауық өз балапандарын қандай жақсы қасиеттерге баулыды?
Мақал жаттау
Ана алақанының аясы,
Ақ шынардың саясы.
Балалардың жауаптары тыңдалады.
Балалар әңгімені тыңдайды.
-Шөжелерін қос қанаты-ның астына алып, бауырына басты. Сары тауық су өтіп қатты жаураса да, балапанда-рын тоңдырған жоқ.
- күннің шуағы жылы, ананың құшағы да жылы.
-анамыздан.
Сөздердің мағынасын түсінеді.
Балалар қимылмен көрсетеді.
Балалардың жауаптары.
Мақалды жаттайды.
Рефлекциялық-түзетушілік
Өз аналары туралы әңгімелеп беруін сұрау.
Балалар аналары туралы айтады.
Күтілетін нәтиже:
Білуі тиіс: балалар ата-анасының айтқан сөзін тыңдау керектігін ұғады.
Түсінігі: мейірімділік туралы түсінеді.
Көрсете білуі: жағымды қарым-қатынас жасауға дағдыланады.
