Аққала бізде қонақта

Тақырыбы: Аққала бізде қонақта

     Мақсаты: 1. Балаларға қыс мезгілі және ондағы қызықтар туралы                                                 

                   мәлімет беру;

                         2. Балалардың танымдық қабілеттерін дамыту;

                         3. Ұқыптылыққа, мейірімділікке тәрбиелеу;

     Сабақтың түрі: Аралас сабақ

     Керекті құралдар: Аққала, жұлдыз құрт суреті, сандар,қағаз майлықтар, желім,

     Кіріспе: Шаттық шеңбері

                     Қайырлы таң табиғат

                     Қайырлы таң Жер Ана

                     Қайырлы таң достарым

                     Қайырлы таң қонақтар

     Тәрбиеші: Балалар қазір жылдың қай мезгілі?

     Балалар: Қазір жылдың қыс мезгілі.

     Тәрбиеші: Дұрыс айтасыңдар.Қыс мезгілі бізде неше ай қонақта болады?

     Балалар: Үш ай қонақта болады.Желтоқсан, қаңтар, ақпан

     Тәрбиеші: Қыс мезгілінде ауа-райы қандай болады?

     Балалар: Салқын, суық болады.

     Тәрбиеші: Табиғатта қандай өзгерістер болады?

     Балалар: Дала аппақ қарға оранады.

     Тәрбиеші: Өте дұрыс.Ал, біз сол қардан не жасап ойнаймыз?

     Балалар: Аққала жасаймыз.

     Тәрбиеші: Дұрыс айтасыңдар.Сол аққала неше бөліктен тұрады екен?

     Балалар: 3 бөліктен тұрады.

     Тәрбиеші: Иә өте жақсы бүгін біз сол 3 саны мен танысатын боламыз (тақтаға назар аударып, сандардың таңбаларымен танысады)

     Тосын сый: (Аққала кіріп келеді).Ой сәлеметсіздер ме балалар! Қалдарыңыз  қалай?Көңіл-күйлеріңіз қалай?

     Балалар: Сәлеметсіз бе жақсы.Көңіл-күйіміз керемет

     Тәрбиеші: Сәлеметсің бе Аққала сен мұнда қайдан жүрсің? Кел, төрлет қонағымыз бол.

     Аққала: Балалардың даусын естіп келдім.Балалар сіздер не істеп жатырсыздар?

     Балалар: Математика сабағын өтіп жатырмыз.Сандармен танысып жатырмыз.

     Аққала: Ой қандай жақсы.Менде сандарды білемін.

     Тәрбиеші:Аққала қандай жақсы.Олай болса біздің балаларға сандарды мына жұлдыз құртқа ретімен орналастырып көрсетші?

     (Аққала сандарды ретімен дұрыс орналастыра алмайды).

     Тәрбиеші:Аққала сен дұрыс орналастыра алмадың.Кәне балалармен бірге дұрыс орналастырайықшы (тақтадан жұлдызқұртқа сандарды ретімен орналастырып көрсетіледі.Балалар міне енді дұрыс болды.Кәне енді сіздер өздеріңіз сандарды ретімен орналастырып көріңіздерші? Аққала сен балалардың сандарды қалай орналастырғанын қарап үйреніп ал.

    Тәрбиеші: Жарайсыздар балалар өте жақсы. Көрдің бе, Аққала балалар сандарды ретімен дұрыс орналастыра алды.Енді сенде білетін боласың.

    Аққала: Иә балалар өте ақылды екен, маған ұнады.

    Тәрбиеші: Аққала неге көңіл-күйің жоқ?

    Аққала: Балалар қандай жақсы достарыңыз көп екен.Бір-біріңізбен доссыздар,ал менде болса дос жоқ, жалғызбын.(мұңаяды)

    Тәрбиеші: Аққала мұңай ма біз саған аққала жасап, көп достар тауып берсек қалай болады?

    Аққала: Алақай сонда менде де дос көп бола ма?

    Тәрбиеші: Иә сенің де досың көп болады.Балалар Аққалаға дос жасап береміз бе?

    Балалар: Иә жасап берейік

    Жапсыру: Аққала суретіне триз технологиясы арқылы қағаз майлықтарды, жырту арқылы аққала жасайды. (аққала жасау)

    Тәрбиеші: Міне, Аққалажан алағой, сенің де енді достарың көп болады.

    Аққала: Ой балалар үлкен рақмет сіздерге көңіл күйімді көтергендеріңіз үшін, маған сандарды ретімен санауды үйреткендеріңіз үшін.

    Тәрбиеші: Аққала біздің балалармен сергіту жаттығуын жасайық.

    Сергіту жаттығуы: Оң қолымыз алға, содан кейін артқа

                                         Сол қолымыз алға, содан кейін артқа

                                         Біз билейміз уги-буги, айналамыз уги-буги,

                                        Алақанды біз соғамыз

                                        1,2,3 уги окей, уги окей

    Аққала: Балалар сіздерге үлкен рақмет.Мені анам іздеп жатырған болар.Мен енді қайтайын, сіздерге тағыда қонаққа келетін боламын.Сау болыңыздар

     Балалар: Сау болыңыз.

     Қорытынды:

     Тәрбиеші:Балалар жарайсыздар бізге кім қонаққа келді? Аққалаға қалай көмектестік?

     Балалар: Қонаққа Аққала келді.Біз оған сандарды ретімен орналастыруды үйреттік. Көп дос жасап бердік

     Тәрбиеші: Жарайсыздар сіздер сондай ақылдысыздар.Біреуге көмек керек кезде, көмектескен дұрыс әрекет.

     Күтілетін нәтиже:

1. Тәрбиешінің сұрақтарына жауап береді;
2. Сандарды ретімен санай алады, тура және кері санай біледі;
3. Аққалаға көмектесе алады, тапсырмаларды орындай біледі;