Мақсаты: Жас мамандарды қызметке бейімдей отырып, кәсіби біліктіліктерін арттыру, шығармашылық қабілетін жетілдіру.Теория мен тәжірбиені ұштастыра отырып, кәсіптік құзіреттіліктерін нығайту. Ұжымдық қарым-қатынасқа психологиялық бейімдеу, өзара тәжірбие алмасу.
Қатысушылар: жас тәрбиешілер.
1-жүргізуші: Қайырлы күн, қадірменді бүгінгі сайысымыздың қонақтары!
Балабақшамызда өткелі отырған «Жас маман-2016» сайысына қош келдіңіздер!
2-жүргізуші: Бүгін біздің балабақшада дүбірлі той,
Ден қойып тыңдаңыздар, көңілді қой,
Жырдан шашу шашылсын, күй күмбірлеп,
Қош келдіңіз, халайық, сергісін бой – дей отырып, құрмет пен қошемет көрсетіп, сайыскерлерімізді ортаға шақырайық.
Сайыскерлер:
1-жүргізуші: Жас маман ол жайқалған,
Жақсы мінезі байқалған
Білім жолын таңдаған
Болашаққа самғаған.
2-жүргізуші: Ұжымым деп бәйек болып жүреді,
Татулыққа дәйек болып жүреді
Адалдық та, даналық та бойында
Әріптестері Амангүлге ереді.
1-жүргізуші: Мейіріміне бөленіп сәбилердің,
Таңдаған мамандығын тәрбиешінің
Білім беріп, үйретіп өнегені,
Келеді міне, Амангүлеңбек етіп.
2-жүргізуші: Мамандығын серік етіп өн бойына,
Жеті өнерді жинаған өз қолына
Сабырлы да, салмақты Айгерім қыз
Шығады әлі талай биік шыңға.
1-жүргізуші: Жақсы маман болуды мақсат етіп,
Бүгінде, келеді Клара арман қуып.
Талабына талпынған жас маманға,
Тілемекпіз әрқашан сәт-сапар біз.
2-жүргізуші: Қол өнерінің шебері.
Әрбір сөзі мәнерлі.
Баулыған әрбір өренді,
Рахила біздің өнерлі.
1-жүргізуші: Еңбекпенен тазалыққа баулытып
Бөбектерді жақсылыққа құштар ғып,
Ортасында, мейіріміне бөленіп
Феруза жүр бөбектерді риза ғып.
2-жүргізуші: Ақыл, білім үйреткен
Ана тілінде сөйлеткен
Гүлбаршын да әрқашан
Бақытын тауып жүр еңбекпен.
1-жүргізуші: Сабырлы, әрі салмақты,
Өзі сондай байсалды
Ұстаздықты таңдаған
Дариға біздің жан-жақты.
2-жүргізуші: Тал шыбықтай бұралған
Жайдары мінезді қызымыз
Танысыңыз, біліңіз,
Нұрболған біздің гүліміз.
1-Жүргізуші: Әділ қазы мүшелері, армысыздар!
Қош кепсіз, есен сау бармысыздар?
Сіздерге үміт артқан жас маманға,
Әділдікпен төрелік айтыңыздар - бүгінгі сайысымыздың қазылар алқасымен таныс болыңыздар (таныстыру)
1.
2.
3.
2-жүргізуші: Шарамызды бастамас бұрын сайыс шарттарымен таныс болыңыздар.
Шарттары:
1. «Сәлем – сөздің басы» (таныстыру);
2. «Кім тапқыр» (сұрақ-жауап);
3. «Нұр құйған бөбектердің зердесіне» (балалармен ұйымдастыратын жұмыстың бір
түрін көрсету);
4. «Өнерлі өрге жүзер» (өз өнерлерін көрсету);
5. «Шебер қолдар» (өз қолымен жасаған жұмыстарын көрсету);
6. «Үйге тапсырма» (ас мәзірі).
1-жүргізуші: Сайыстың шарттарымен таныс болдық. Олай болса әрі қарай
сайыскерлеріміз өз кезектерін білу үшін экраннан он ұяшықтың бірін таңдауын
сұраймыз.
2-жүргізуші: Жалын болып жанайық,
Әсем әнге салайық.
Сайыскерлер күтіп тұр,
Солармен бір танысып алайық! – деп, сайысымыздың І - кезеңін бастайық.
1-жүргізуші: Сайысымыздың І-ші шарты «Сәлем – сөздің басы». Бұл кезеңде
тәрбиешілер өздерін таныстырып өтеді.
Ескертілетін жайт:
- мазмұны;
- жүріс-тұрысы;
- сөйлеу мәнері.
1.
2.
3.
4.
5.
6.
7.
8.
9.
10.
1-жүргізуші: Сайысымыздың І-ші шарты бойынша әділқазылар алқасы сайыскерлерімізді 3,4,5 балл жүйесінде бағалайды.
2- жүргізуші: Ал, тәрбиешілер сайысқа қалайсыздар,
Сендер өтер әлі де талай сын бар.
Алыңдар сұрағыңды қымсынбай кеп,
Жауап айтсаң сұраққа жарайсыңдар - дей отырып «Кім тапқыр» - атты
сайысымыздың 2-ші кезеңіне өтейік. Бұл кезеңде тәрбиешілер сұрақ-жауап арқылы сынға түседі. Экранда 10 ұяшық бар. Әрбір ұяшықта сұрақтар жасырылған.
Ескертілетін жайт:
- жауаптың дұрыстығы;
- уақыт мөлшері;
- мазмұны.
1-жүргізуші: Сайысымыздың ІІІ- кезеңі: «Нұр құйған бөбектердің зердесіне» деп аталады. Бұл кезең бойынша сайыскерлер балалармен ұйымдастырылған жұмыстың бір түрін көрсетеді.
Ескертілетін жайт:
- жұмыс мазмұны;
- жүріс-тұрысы;
- сөйлеу мәнері.
2-жүргізуші: Ал кімнің өнері бар қаншалықты,
Би билеп, ал біреуі ән салыпты.
«Өнерлі өрге жүзер» кезеңінде
Қол соғып көрермендер тамсаныпты. Сайысымыздың келесі кезеңі
«Өнерлі өрге жүзер». Бұл кезеңде тәрбиешілер өз өнерлерін яғни, би билеп, ән салу,
өлеңді мәнерлеп оқу т.б. өнер түрін көрсетеді.
1-жүргізуші: Келесі 5-ші: «Шебер қолдар» кезеңіне өтейік. Бұл кезеңнің шарты бойынша сайыскерлер өз қолдарымен жасаған жұмыстарын көрсетеді.
2-жүргізуші: Бүгінгі сайысымыздың соңғы кезеңі «Үйге тапсырма» деп аталады. Сайыстың бұл кезеңінде сайыскерлер үйінен дайындап әкелген ас мәзірін ұсынады.
1-жүргізуші: Осымен сайысымыздың соңына де келіп жеттік. Сайысымыздың қорытынды бағасын шығару үшін қазылар алқасын шығарып салайық.
«Жас маман-2016» сайысының қорытындысын жариялау үшін сөз кезегін әділқазылар алқасына береміз (жеңімпаздарды анықтап, марапаттайды).
2- жүргізуші: Барына риза болсын көрермендер,
Ой бөлісті, бақ сынасты үміткерлер.
Осымен бұл сайысты тәмамдасақ,
Тағыда жүздесерміз сіздерменен! Келесі сайыс алаңында жүздескенше
Қош, сау болыңыздар!
