"Туған күн кеші"

Бекітемін:

Балабақша меңгерушісі:

________ Г. Иргебекова.

Тақырыбы: «Туылған күн кеші»

Өтетін уақыты: 15. 02. 2018 жыл.

Мақсаты: Қыс айларында туылған балалардың туған күндерін атап кету, балалардың достарының, сазды сәлемдерін жеткізу. Туған күн иелерінің көңіл күймен бөлісе білуге, достыққа, бірлікке шақыру.

Әдіс – тәсілдері: Сұрақ – жауап, ойындар,тақпақтар, өлеңдер айтқызу.

Өтілетін жері: Музыка залы.

Кейіпкерлер: Сайқымазақ.

Орындалатын әндер: « Туған күн», «Қыс»

Билер: «Күшіктер»,

Ойындар: «Қар жинау», «Кім жылдам»

Жүргізуші: Қайырлы күн, құрметті балалар. Балалар бүгін біз «Туған күн кешіне» жиналып отырмыз. Бүгінгі шырқалатын ән-жырымызды, биімізді, осы туған күн иелеріне арнаймыз.

Балалар мен сендерге сұрақ қойайын.

Біз қай мезгілде туылған балалардың туылған күнін тойлаудамыз.

Дұрыс айтасыңдар, бізде казір қыс мезгілі екен.

Қыс мезгілін ұнатасыңдар ма?

- Қыс мезгілінің белгілерін білесіңдер ме ?

- ( Боран,аяз,қар жауады).

- Ендеше балалар боран соққанын қимылмен көрсетейікші?

- ( Қолдарын жоғары көтеріп гүілдейді).

- Қатты аяз болып, тоңғанда не істейміз?

- Қолдарын қысып, аяқтарын топылдатады.

- Ал күн шыққанда не істейміз?

- Алақай, деп қолдарын көтереді.

Қыс мезгілінің айларын атаңдаршы?

Олай болса балалар бүгінгі қаңтар айында туылған қыздарымызды қол соғып, қошеметтеп ортаға шақырайық.

1. Тұрсынғали Дина 04. 01. 2013

2. Ескендір Алуа 08. 01. 2013

3.Баймұхамет Амина 17. 01. 2013

Қыс мезгілінің үшінші айы Ақпан айында туылған қыздарымызды қол соғып, қошеметпен ортаға шақырайық.

1. Шорман Айзере 01. 02. 2013

2. Аянқызы Айым 07. 02. 2013

4.Серікқали Кәусар 10. 02. 2013

жүргізуші: Балалар сендер бүгін туған күндерінмен құттықтаймыз. Неше жасқа толдыңдар?

Балалар: 5 жасқа.

Жүргізуші: Жарайсыңдар. Сендер үлкен қыз болдыңдар. Балалар сендердің туылған күндеріңе дайындаған достарыңның әні, биі, тақпақтары бар екен. Ендіше бәріміз орнымыздан тұрып ән айтып берейік.

Ән: «Туылған күн»

Жүргізуші: Балалар сендерге ән ұнады ма?

(залға сайықмазақ кіріп келеді көңілсіз)
Жүргізуші: Балалар сайықмазақтың көңіл күйі жоқ , не болды екен сұрайықшы?

Сайықмазақ: Ой мында не болып жатыр, неге бәрің әдемі,көңілдісіңдер, бәрің қуаныштысыңдарғой?

Балалар:Бізде туған күн болып жатыр.

Жүргізуші: Біз бұл жерде достарымыздың туылған күн мерекесін тойлаудамыз. Ал сенің неге көңіл күйін жоқ?

Сайықмазақ: Балалар менің де бүгін туылған күнім, бірақ мен туылған күнімді сендер сияқты көңілді тойлай алмаймын. Өткені менің достарым жоқ.

Жүргізуші: Сайықмазақ сен көңіл күйіңді түсірме, міне сенің достарың. Балалар сендер сайықмазақпен дос боласыңдар ма?

Кел сен одан да бізбен бірге туылған күн мерекесін тойла.Балалар сайықмазақтың көңілін көтерйік. Сайықмазаққа би билеп берсек қалай қарайсыңдар?

Би: «Күшіктер»

Сайықмазақ: балалар седерге көп рахмет. Сендермен би билеп көңіл күйім көтеріліп қалды. Ал енді менің ойын ойнағым келіп тұр балалар бірге ойын ойнауға қалай қарайсыңдар?

Ойын: «Қар жинау»

Шарты: Жердегі қарды шелекке салып туылған күн иелеріне жинап беруіміз керек.

Жүргізуші: Сайықмазақ сен ән айтқанды ұнатасың ба? Біздің балалар әнді жақсы айтады. Балалар сайықмазаққа және достарымызға ән айтып бериік.

Ән: « Қыс»

Жүргізуші: Сайықмазақ ән ұнады ма? Сайықмазақ біздің балалар туылған күнге арналған тақпақтар да біледі. Келіңдер балалар тақпақтарымызды айтып берйік.

1.Қызығайық, саспайық

Құттықтаудан қашпайық. Абдурахман

Төрімізге шығарып,

Туған күнді бастайық.

2. Туған күнді тойлаймыз.

Қызықты ойын ойнаймыз. Медина

Қолдан жасап ойыншық

Досымызға сыйлаймыз .

3. Ән құрадым үніңмен,

Сән құрадым гүліңмен. Санжар

Құттықтаймын сендерді

Бүгінгі туған күніңмен

4. Бүгін туған күніміз,

Қолда шоқ-шоқ гүліміз, Ануар

Көңіліміз көркейді

Көп ән бимен жырымыз

5. Балдай тәтті баламыз

Ақылдымыз данамыз

Туған күнін достардың Айсұлтан

Бірге қарсы аламыз .

Сайықмазақ:Рахмет сендерге балалар, қандай жақсы тақпақтар айтып бердіңдер,ал енді мен туылған күн иелерімен ойын ойнағым келіп тұр. Ойын ойнаймыз ба балалар?

Ойын: « Кім жылдам»

Сайқымазақ: Балалар, көңіл күйіміз қалай? Жарайсыңдар, бүгін ойын ойнап, ән шырқап, би билеп жақсылап көңіл көтердік.

Балалар сендерге көп рахмет мен енді қайтайын. Сау болыңдар.

Жүргізуші: Сайқымазақ саған көп рахмет, біздің көңіліміз көтеріліп қалды. Бізге қонаққа келіп тұр.

Жүргізуші: Бүлдіршіндерімізді туған күн мерекесімен тағы да шын жүректен құттықтаймыз. Осымен бүгінгі « Туылған күнің құтты болсын балақай» атты ойын-сауық кешіміз аяқталды.

Балалар сендерге зор денсаулық, ашық аспан, бақытты балалық шақ, ата – аналарыңыздың сүйікті ұл - қыздары болып өсулеріңе тілектеспіз.

«Балдырған» балалар бақшасы

«Туған күн кеші»

(Мерекелік ойын - сауық)

«Тұлпар» ортаңғы тобы

Тәрбиеші: Асенова Г.

.

Сарқан қаласы 2018 жыл