Ағылшын тіліне арналған дидактикалық материал

Ортаңғы топтарындағы қатынас білім беру саласы ағылшын тілі бөлімінің ұйымдастырылған оқу іс-әрекетінің

дидактикалық ойындары

«Hello»

Мақсаты: Балаларға амандасу және өзін-өзі таныстыруға үйрету.

Барысы: Педагог қолына карточкада сабақтың кейіпкерлерінің бейнеленген суреттерін балаларға көрсетіп ұстап айтады: «Hello. I am Mum.». Балалар көрсетілген кейіпкермен амандасады, танысады.

«Guess who?»

Мақсаты: Мамандық атауларының айтылуын меңгерту, логикалық ойлау қабілетін дамыту.

Барысы: Балаларға бір ересек адамның басы бейнеленген және жан-жағына бір мамандық иесінің құралдары бейнеленген суреттер кезек-кезек көрсетіледі. Мұғалім әрбіреуін көрсетіп: «Guess who?» деп сұрап отырады. Балалар қоршаған заттарға қарап, қай маман екендігін тауып

«Who likes…?»

Мақсаты: Жаңа сөздердің айтылуын меңгерту, тақпақты жаттату.

Барысы: Балалардың алдына жануарлардың (аю, қоян, ит, қораз) кескіндері және қырыққабат, ет, бал, дәннің тартап суреттері беріледі.Мұғалім тақпақ жолдарын айтады, балалар айтылған жануардың не жақсы көретінін суреттен тауып көрсетеді немесе жанына орналастырады.

«Find and say»

Мақсаты: Жаңа сөздерді үйрету, ұсақ қол ұшы моторикасын дамыту.

Барысы: Үй жануарларының мүсіндерін тарының арасынан тауып алады, атауын ағылшын тілінде атайды. «Is it» құрылымымен танысады.

«Whose cage?»

Мақсаты: Логикалық ойлау қабілетін дамыту, жаңа сөздерді белсендіру.

Барысы: Жануарлардың атауын ағылшын тілінде атау, көлемі мен пішінінің ерекшелігіне қарай торын тауп көрсету.(Elephant- үлкен торда тұрады)

«Pass and say»

Мақсаты: :жаңа сөздердің айтылуын үйрету, есте сақтау қабілетін жақсарту.

Барысы: Мұғалім шеңбер бойымен тұрған балалардың біріне сағат тілі бағытымен қарындаштың бірін түсін айтып ұстатады.Алған бала сөзді қайталап келесі балаға ұстатады, осылайша қарындаш мұғалімнің өзіне қайтып келеді.Барлық қарындаштарды шеңбер бойымен түсін айтып жүргізіп шығады.

«Green, green, yellow»

Мақсаты: естіп түсінуді қалыптастыру, қимыл-қозғалыс аппаратын дамыту.

Барысы: Мұғалім балаларға ойын бағдаршам түсіне сай ойналатындығын түсіндіреді. Түстердің атауын ағылшын тілінде өзі айтып тұрады.Балалар шеңбер бойында немесе өз қалаулары бойынша бөлме ішінде жүріп бастайды. Айтылған түске сай жүреді, тоқтайды, баяу қозғалады.

«Whose house?»

Мақсаты: Түстердің атауын меңгерту.

Барысы: Балаларға түрлі түсті үйлер және түрлі түсті киімдер киген балалар суреті немесе таяқшаға салынған суреттер беріледі. Балалар қайсысы қандай түсті үйде тұратындығын түсіне сай таңдап тауып айтады.

Мысалы: Green lives in the green house.

«What? What color?»

Мақсаты: Заттың түсін атауға, түс және зат атауын байланыстырып айтуға үйрету.

Барысы: Балаларға қос бетке салынған заттардың суреті көрсетіледі.Сол жағы бір түске боялған, оң жағында түске сай заттың суреті(балаларға бұрыннан таныс) көрсетіледі. Бастапқыда мұғалім көмек береді.Мысалы: қызыл түс-қызыл түлкі суреті

-Red

- Red fox

«Magic sack»

Мақсаты: Заттың түсін атауға, түс және зат атауын байланыстырып айтуға үйрету.

Барысы: Балалар қапшықтың ішіне қолын салып бір затты алып шығады, атауын және түсін айтады.Балалар да «What is it?» сұрағын қойып отырады.

M: What is it?

Ch: It’s blue boat!

«Find and touch»

Мақсаты: Естіп түсіну дағдыларын қалыптастыру, қимыл-қозғалыс аппаратын дамыту.

Барысы: Түс атауын естігенде шапшаң өзінің киімінен немесе айналадағы заттардан аталған түсті тауып көрсете қояды.

«Clap or shake»

Мақсаты: Жаңа сөздерді естіп түсіну қабілеттерін дамыту.

Барысы: Мұғалім балаларды шеңбер бойымен тұрғызады. Жануарлар, ойыншықтар, түстердің атауларын және жиһаз атауларын араластырып баяу дауыстап айтады. Балалар жиһаз атауын естігенде алақандарын шапалақтайды. Ал басқа сөзді естігенде бастарын шайқайды.

«Who is wearing…?»

Мақсаты: жаңа сөздердің айтылуын меңгерту, қимыл-қозғалыс белсенділігін арттыру.

Барысы: Мұғалім киімдердің атауын атайды, аталған киімді киіп отырған бала жылдам орнынан тұра қалады.

«Clothes shop»

Мақсаты: Киімдердің атауын белсендіру, байланыстыра сөйлеуге үйрету.

Барысы: Мұғалім дүкенші рольінде болады. Балаларға жетекші сұрақтар қойып тұрады:

-What do you want? (балалар «Give me…, please» сөз тіркестерін қолданысқа түсіріп, қалаған киімдерін сұрап алады)

-What color?(Киімнің түсін айтады)

Мысалы:

Мұғалім: What do you want?

Бала: Give me T-shirt, please.

Мұғалім:What color?

Бала: Red ,please

«I have a...»

Мақсаты: «Менде бар» етістігін меңгерту, отбасы мүшелерінің атауын айтуға үйрету.

Барысы: Алдын-ала стол үстіне таяқшаға бекітілген отбасы мүшелерінің суреттері жайылып қойылады. Балалар өз отбасында бар адамдардың суреттерін алып көрсетеді, атайды. «I have a...» сөз тіркесін белсендіреді.

Мысалы: I have a father.(Әке суретін көрсетеді)

«Family treе»

Мақсаты: Отбасы мүшелерінің атауын бекіту, қол ұшы моторикасын дамыту.

Барысы:Алдын-ала дайындалған қалташалы ағаштың суреті бар қағазға отбасы мүшелерінің суреттерін алып қыстырады, отбасы бәйтерегіде кімдерді қойғанын айтып шығады.

«Who is who?»

Мақсаты: Отбасы мүшелерінің атауын бекіту, ойлау шапшаңдығын дамыту.

Барысы: Берілген суреттегі тышқандардың отбасында қайсысы әкесі қайсысы анасы және аға, әпкесі екенін табады. Мұғалім жетекші сұрақтар қояды:

-Who is who? Is this a father?(анасын нұсқап көрсетеді)

Балалар: No, it’s mother.

«Magic man»

Мақсаты: Жәндіктердің атауын бекіту, көріп есте сақтау қабілеттерін дамыту.

Барысы: Сыйқыршы жәндіктерді балаларға көрсетіп үстінен өзінің жылтыр орамалымен немесе шүберегімен бүркеп жабады(еш нәрсе сыртқа көрінбейтіндей етіп). Орамалдың үстінен қолдарымен айналдыра сыйқырлы сөздер айтады:

-spider-mider-rider

-ants- fonts

-bo-bo-be-be! –деп шүберекпен жасырып жәндіктердің біреуін жоғары көтере бастайды.

Балалар дереу қай жәндіктің жоқ екенін тауып, атауын дауыстап барлығы айтады.(Дұрыс тауып атаса жәндікі орнына көрсетіп қайта қояды, дұрыс атай алмаған жағдайда жәндікті балаларға көрсетпей қалтасына салып алады немесе арнайы қорапқа сала қояды.)

Ойынды түрлендіруге болады. Жаңа сөзді есте сақтаулары үшін дауыстарын қатты шығарып айтқызуға( қаттырақ айтыңдар естімей тұрмын немесе өз орнына келгенше атын қайталай беріңдер) болады.

«Find and help»

Мақсаты: Жаңа сөздерді белсендіру, түстердің атауын еске түсіру.

Барысы: Балалардың әрбіреуінің алдына жәндіктер және өзге де жануарлардың суреттері және сары, қызыл,жасыл жапырақ беріледі. Балалар суреттердің арасынан жәндіктерді табады, ағылшын тілінде атауын атайды, түсіне сай гүлдер мен жапырақтың үстіне қояды.Түстерін айтады.

«I can…»

Мақсаты: Іс-әрекеттерді ағылшын тілінде айтуға және істей аламын етістігін дұрыс қолдануды үйрету.

Барысы: Әр бала өзінің не істей алатындығын айтады.Допты бір-біріне лақтырып тұрады, қағып алған бала өзінің не істей алатындығын айтып келесі балаға қарай жалғастырады.

«At the circus»

Мақсаты: Ағылшын тілінде етістіктерді қолданып қысқа бұйрықтар беруге үйрету.

Барысы: Қолғап театрынан балаларға атауы таныс жануарлар беріледі. Қолдарына жануарларды өз таңдаулары бойынша алып киеді. Өздері қалаған іс-әрекетті бұйырып айтады.