Ертеңгілік " Аяулы менің анашым"

«Аяулы анашым!» атты

8- наурыз аналар мерекесіне арналған ертеңгілік.

Аналарды сүйеміз!

Сөзін ойға түйеміз.

Әрқашан біз ардақтап,

Әжеге бас иеміз!

Сенен өскен балалар-

Батырлар мен даналар.

Құттықтаймыз мейраммен

Кұрметті апа, аналар!

Жүргізуші:Қымбатты да ардақты, аяулы аналар мен құрметті көктемдегі құлпыраған қыздар!

Гүл көктем, ару көктем, күн көктем!

Сіздерді көктемнің алғашқы айында еліміздің барлық жерінде тойланатын 8-наурыз әжелер, аналар, қыздар мейрамымен шын жүректен құттықтаймыз!

Сіздерге әлемнің нұрын,өмірдің гүлін,көктемнің шуағын тілейміз!Мына жарық дүниенің мәні де,сәні де сіздерсіздер! Балалардың сіздерге арналған «Аяулы анашым» атты ертеңгілімізді қабыл алыңыздар.

Балалар залға көңілді ән-күймен ,ұлдар кіреді бір рет айналып тоқтайды,содан кейін қыздар кіреді билеп бір рет шеңберді айналып ұлдарға қарама-қарсы тұрады,ұлдар бір-бірден барып қыздардың қолдарынан ұстап орындыққа отырғызады,содан кейін өздері отырады.

Жүргізуші:Балалар қалай ойлайсындар бүгін қандай мереке?

Балалар ең асыл жан кім?\Ана\

Қызығыңда,бұзығында көтеретін кім? \Ана\

Үнемі жанында періштедей қорғаштап,демеу беретін кім? \Ана\

Сонымен бүгін қандай мейрам? \Аналар\

Осындай үлкен мейрамында аналардың жүзіне кішкене болса да қуаныш сыйлағымыз келе ме? \ Иә \

Ендеше бәріміз орынымыздан тұрып аналарға арнап ән айтамыз.

Ән «АНАШЫМ ҚАРТАЙМАШЫ»Орындайтын қыздар

Ақ анашым, әппағым.

Өзің жайлы тақпағым.

Арналады сіздерге.

Бар баланың тақпағы.-дей отыра сіздерге арналған тақпақтары қабыл алыныздар!

Наурыздың сегізі,
Сұлулықтың негізі.
Әдемі сөз баланың, Иманғали
Анаға айтар лебізі.

Әр сөзімді жаттаған,
Жүрегімде сақтаған.
Анашым деп мақтанам, Фариза
Айналайын ақ анам

Алпештеген аялаған.

Ақ сүт берген апатайым.

Салем жазып бүгін саған.

Мейрамыңмен құттықтайымын! Айша

Анаң болса қасында
Басқа бақыт не керек Эльнара
Аналардың жүрегі
Мейірімді ғой керемет

. Айналайын анашым,
Әлпештеген баласын. Нұрбол
Еміп өскен бөбекпіз,
Анамыздың мамасын.

Жүргізуші:

Ақ қар еріп

Су көбейіп!Сай салаға толады.

Ағаш басы бүршік атып,

Гүл бәйшешек басады.

Балаларым айтындаршы бұл қай кезде болады?\Көктем мезгілінде\

Көктем келеді. \балалар мен ,ата-аналармен амандасады.\

Жүргізуші:Көктем ,қош келдің ,төрлет Көктем! Біз сені көп күттік ! Біздің балалардың көктемнің алғашқы мерекесіне қалай дайындалғандарың тамашала !

Мерекеге арналады бүгін билер ,

Көтерілсін канекей,көңіл күйлер

Алдарыңызға қазір ұлдар биі.

Қол соғып демеу берер көрермендер

Би « Ұлдар биі»Орындайтын –ұлдар.

Көрініс ; «Үш қыз» татар халық ертегісі

Мен анамды сүйемін,
Құшағына енемін.
Мәпелеген анамды, Инабат
Қуантсам деп келемін.

Бүгінгі көктем күнінде,
Барлық адам қуанар, Жолбарыс
Аналарды мейраммен
Құттықтайды балалар.

Мені жақсы көреді
Күндей күліп келеді
Көп ертегі біледі Айару
Маған айтып береді

.

Ән «Ақ мамам» орындайтын қыздар

Бәрімізге анамыз
Біз үшін күн боп жанасың
Құтты болсын мерекең Бағым
Құттықтаймын анашым!

Бізді өсірген анажан.

Енбегі де зор екен.

Құтты болсын анажан!

Құтты болсын мерекен! Инабат

Ақ қабақты анашым
Күн сәулелі анашым. Сальви
Әлпештеген баласын,
Айналайын анашым.

Қызықтап әр сөзімді

Жүрегінде сақтаған,

Сабырлы да төзімді

Анашыммен мақтанам Рамазан

Ән ; «Айналайын ақ мамам» орындайтын хор

Өлен айтып беремін

Нан да әкеп беремін

Өйткені мен анамды

Өте жақсы көремін

Айарау

Аналармен ойын ойнаймыз; « Анамызды сәндейміз»

Ән «Мен Әжемді жақсы көремін»-орындайтын қыздар

Анамды мен жақсы көрем,
Айтқан тілін алып жүрем. Бекнұр
Қасымда анам жүргенде,
Шаттанып ойнап- күлем!

Ана біздің күніміз
Ананың біз гүліміз
Балаларды қуантып Жандос
Ұзақ өмір сүріңіз.



Сенен өскен балалар,
Батырлар мен даналар,
Құттықтаймын мерекеңмен, Нұрлыжан
Құрметті Аналар!

Қыздардың әні: «Ақ әжем.»

Аналарды сүйеміз
Ақылын ойға түземіз
Әжені де ардақтап Аяла
Әдеппен бас иеміз.

Ақ анашым, аппағым,
Өзің жайлы тақпағым
Өзің жайлы әнім де,
Арнадым саған бәрін де Дмитри

Көктем келді шуақты,
Балаларды қуантты. Ая
Алақай-ау, алақай!
Құстар сайрап, гүл атты!

Көктем келді жадырап
Күн нұрымен таласып,
Жайнай берші жарқырап Аяулым
Жаны жайсаң аналар!

Апатайым анашым
Ақылы мол данасың Нұрбақыт
Қамқоршысы баланың
Гүлі сенсің әр үйдің.

Көктем:

Балалар сендер ойынауды жақсы көресіңдер ме? Егер сендер менің сұрақтарыма жауап берсендер мен сендерге ойын әкелдім,келесесіңдер ме?

Балалар көктемде қандай өзгерістер болады?

Көктем мезгілінде қай жақтан құстар ұшып келеді?

Көктем мезгілінде ең алғашқы қандай гүл шығады?

Дұрыс менің қолымда бәйшешек гүлдер,Қазір мен бүл гүлдерді жерге бесеуін қоямын,музыка ойналады,сендер билейсіңдер,музыка тоқталғанда тез гүлді жерден алу керек,кім үлгірмейді сол ойынан шығады.

Көктем:Балалар мінің уақытым келіп қалды. Бырақ мен енді әркез сендермен бірге боламын! Сау болыңыздар!

Мың бұралған ақ қайындай

Бишелер шықсын ортаға.

Ал ендеше қол соғайық,

Қошеметпен қолқала.

Би «Өзбек биі» орындайтын қыздар.

Тақпақтар:

Құтты болсын анашым
Құтты болсын мерекең Көркем
Әр кез саған тілеймін
Ұзақ өмір жолдарын

Бізге қарап елжіреп,

Сүйіп беттен ақ мамам,

Құшақ ашса келші деп,

Жүгіремін шаттанам. Дінмұхамед

Ән «Менің анам алтын!»-орындайтын хор.

Жанымызды жайнатқан
Өзіңіз ғой аналар
Зор денсаулық, мол бақыт Ақжол
Тілейміз біз балалар.

Қуанамыз сыйлаймыз
Қуаныштың мың гүлін Іңкәр
Аналарды құттықтап
Жырдан шашу арнаймыз.

Жүзімізге қараңыз
Бал күлкілі баламыз
Бізге қымбат күн шуақ
Бізге қымбат аналар! Жанерке

Ән; «Ақ мамам» Хор
Баланың да тірегі
Дананыңда тілегі Дарина
Ауырмасын ешқашан
Анамыздың жүрегі.

Біз доспыз гүлдермен, Зарина
Текке оны жұлмаймыз
Той күні бір-бірден
Аналарға сыйлаймыз.

Қандай бала болмайық,
Анамызға балдаймыз, Лейла
Көтерейікші көңілін
Ән салайық бәріміз.

Жүргізуші:Тамаша,міне көрдіңіздерме біздің балалар өнерлі әнші, және өсіп жатқан артистер!

Біз сыйлықты дүкенен сатып алмаймыз.

Өз өнерімізді қолымыздан жасаймыз.

Аналар күніне бір-бірден сыйлаймыз!

Бүгінгі мерекеге өздерінің қолдарымен жасаған сыйлықтарын табыс етуге рұқсат етіңіздер. ( балалар гүлдерімен ортаға шығады

Аналар,әжелер біздің ұлдар текқана аналарға емес және қыздарға да сыйлықтар дайындаған,соны табыс етуге рұқсат етіңіздер.

Вальс:

Күндеріңіз толсын гүлге, желекке

Отбасында болсын ырыс-береке

Құттықтаймыз шын жүректен сіздерді

Өмір-думан, бақ әкелсін мереке -дей отыра бүгінгі мерекеге арналған ертеңгілігіміз аяқталды, келіп тамашалағандарыңызға көп рахмет.

Үш қыз.

(татар халық ертегісі)

Ерте заманда бір әйелдің үш қызы болыпты. Қиыншылыққа қарамай, күні-түні еңбектеніп, оларды елден кем қылмапты. Үш қыз да бірінен-бірі асқан әдемі, сұлу болыпты. Уақыт өтіп, қыздар өсіп, бойжетіп, кезегімен күйеуге шығып, жан-жаққа кетіп, аналары жалғыз қалыпты.

Көп жылдар өткен соң аналары қартайып, ауырып жатып қалады. Қатты ауырған әйел жақын маңдағы орманда тұратын Сары тиінді шақырып, өтініш жасайды.

-         Тиін, тиін, маған қыздарымды шақырып берші!

Сары тиін қыздарын іздеп кетеді. Тиін үлкен қыздың үйіне келіп, терезесін қағып:

-         Аналарың қатты ауырып жатыр, тез жет!-дейді.

-         Әттеген-ай! Мен барар едім, бірақ мына екі шараны тазалауым керек, -деп алдындағы шараларды көрсетеді.

-         Анаңнан саған шаралар қымбат болғаны ма?-деп Сары тиін ашуланады. Олай болса, әрқашанда шараларыңнан айырылмай жүр!

Тиін осы сөзді айтқаны сол екен, қос шара қыздың денесіне жабысып, үлкен тасбақаға айналдырып жібереді.

Сиқыршы Сары тиін әйелдің ортаншы қызына барады.

-         Аналарың қатты ауырып жатыр, тез жет!-дейді.

-         Қап! Мен қазір-ақ барар едім. Бірақ жәрмеңкеге әдемі тоқыма дайындап үлгеруім керек, -деп ортаншы қызы жауап береді.

Ашуланған Сары тиін.

-         Саған анаңнан тоқыма қымбат болса, өмір бойы тоқыма тоқы,-деп өрмекшіге айналдырып жібереді.

Сиқырлы Сары тиін әйелдің үлкен екі қызына көңілі толмай, ренжіп, үшінші кенже қызына келеді.

-         Анаң қатты ауырып жатыр, тез жет!- деп Сары тиіннің айтқаны сол еді, кіші қызы илеп жатқан нанын қоя салып, былғанған қолымен анасына жүгіріп кетеді.

-         Сенің жүрегің қандай жұмсақ! Саған да адамдар әрқашан қайырымды болсын! Өмірің ұзақ болсын! Бақытты бол! Жасаған жақсылығың ұмытылмасын! Адамдар сені әрқашан құрметтеп, жақсы көрсін!-деп Сары тиін қызға алғысын білдіреді.

Сөйтіп әлгі әйелдің кенже қызы көп уақыт бақытты өмір кешті. Сары тиін оны адамгершілігіне, қамқорлығына қарай еңбекқор бал араға айналдырады. Содан бері бал араның алдыңғы екі аяғы әрқашанда тәтті балға малынып, жүрген жеріне шаттық пен қуаныш сыйлайды екен.