Ертеңгілік «Мерекеңмен, анашым!»

«Мерекеңмен, анашым!» ертеңгілігі

Мақсаты: мерекелік көңіл-күй қалыптастыр, анасына, әжесіне сыйластықпен қарауға, мейірімділікке тәрбиелеу, балалардың эмоциялық қабылдауын жетілдіру.

Жүргізуші: Құрметті қонақтар, ақ жаулықты аналар, ұжымдастар, бүгінгі көктемнің алғашқы мерекесі – 8-наурыз әйелдер күні құтты болсы!

Аспанымыз ашық, жүздеріңіз жарқын болсын. Отбасыларыңызға  амандық тілейміз. «Мерекеңмен, анашым!» атты ертеңгілімізге қош келдіңіздер.

Ана деген- бақыты ғой әр үйдің,

Анам барда іңгәлаған сәбимін.

Анам барда жүрегімнен суырып,

Ақын болып анама жыр арнаймын,- деп бүгін бүлдіршіндеріміз аналарына өз өнерлерін ұсынбақшы, қабыл алыңыздар.

Ән: «Мама дорогая» в исполнении  Аяжан

Жүргізуші: Өте жақсы балалар, аналарына сендердің сыйлықтарың ұнады деп ойлаймын. Балалар бір дауыс естілетін  сияқты. (Найзағай ойнап, жаңбырдың жауған дауысы естіледі.  Әуенмен Көктем келеді.)

Көктем: Сәлеметсіңдер ме, балалар!

Сәлемесіздер ме, ақ жаулықты аналар, әжелер, ару қыздар!

Мен көңілді көктеммін,

Былтыр келіп кеткенмін.

Көзін ашып бұлақтың,

Түбіне тал еккенмін.

Гүл боп қырда егілем,

Дән болып жерге себілем.

Жаңбыр болып жауам да,

Нұр боп көктен төгілем.

Шуағын төгіп әлемге.

Жылуын күннің әкелем.

Табиғаттың төсіне тіршілігін сыйлаймын.

Жүргізуші: Амансың ба, Ару Көктем? Ұлан-байтақ жерімізге қош келдіңіз.

Шуағың мен нұрынды мол төге бер. Біздің балалардың өнерлерін тамашалаңыз.

Көктем: Мынау менің құшағым толы қыр гүлін гүлдей жайнаған қыздарға сыйлағым келіп отыр,- деп гүлдерді таратады. Осы гүдей, құлпыра беріңдер, аяулы аналар, әжелер!

Би: «Гүлдер биі» орта топ

Жүргізуші: Көктемнің шуақты күндерімен сабақтаса келетін бұл мерекені тойламайтын халық жоқ шығар. Бәріміз де ананың сүтінен нәр алып, өсіп-өсіп келеміз. «Құрметтесек, ананы құрметтейік» дегендей мереке қарсаңында  біз аналарымызың басын қосып отырмыз.

Ана деген- адамзаттың данасы,

Ана деген – сәбилердің панасы.

Ана деген- қайнар ыстық бұлағы,

Ана деген - өмірдің пәк шырағы,-дей отырып, әрбір ана отының өшпеуін, бақытының көшпеуін, шаңырғаның құламауын тілейді.

Ендеше, осындай аналардың құрметіне арналған балалардың тақпағын тыңдайық.

Тақпақтар

Жүргізуші: Ару көктем, сіздің жылуыңыздың арқасында осындай аналар мерекесін өткізіп отырмыз. Балалардың аналарға және сізге арнаған «Аяулы Ана» әнән қабыл алыңыз.

Ән «Аяулы Ана» Назерке

Жүргізуші:  Аяулы да алтын нұрлы анашым,

                     Жүрегіммен мәңгі бірге боласың.

                     Сен асқарсың, сен аспансың, биіксің,

                     Сен дархансың, сен жомартсың, данасың,- деп ортаға 2 кіші тобының  балаларды биге шақырамыз.

 «Қуыршақ» биі  2 кіші топ

 Көктем: Балалар, мен сендерге  құр қол келген жоқпын, ойын алып келдім.

Ойын «Дауысынан тап»

Жүргізуші: Балалар, осы дүниеде не тәтті?

Балалар: Ананың сүті тәтті.

Жүргізуші: Иә, өте дұрыс. Ал дүниеде не жұмсақ деп ойлайсыңдар?

 Балалар: Ананың алақаны.

Жүргізуші: Балалар, біз аналарымызды, әжелерімізді құттықтыдық. Енді біз құттықтамаған кім қалды деп ойлайсыңдар?

Балалар: қыздар қалды

Жүргізуші:  Осылай болса ойын ойнайық.

Ойын «Кім тапқыр»

Көктем: Балалар, менің сендермен өткен уақытым қызықты өтті, мен енді басқа елдерге барып шуағымды төгейін. Сау болыңдар, балалар! (Көктм кетеді)

Жүргізуші:  Қымбатты да аяулы аналар! Мерекеңіз құтты болсын! Әлемдегі ең сұлу, ең мейірімді, ең қамқор адам осы отырған сіздерсіндер. Дендеріңіз сау, көңілдеріңіз шат болсын, әрқашан аман болайық! Сау болыңыздар