Тәуелсіз елдің ұланымын!

Тәуелсіз елдің ұланымын!

Мақсаты: Еліміздің тарихы туралы түсінік беру. Өз Отанын сүюге тәрбиелеу. Еліміздің рәміздерін қастерлеуге үйрету. Туған елге деген сүйіспеншіліктерін арттыру. Өз ана тілін, әдет - ғұрпын, салт - дәстүрін сақтауды бойына дарыту. 1986 жылы желтоқсанда ел азаттығы жолында құрбан болған ұл қыздарымыздың ерліктерін еске алу. Егемендіктің мәнін түсіндіру. Бүгінгі тәуелсіздікке қалай қол жеткізгенін зерделеу. Отанын, елін, жерін, сүюге, қорғауға тәрбиелеу.
Тәрбиеші:

Қош келіпсіз мерекеге баршаңыз,

Балалардан сәлем алып келдік біз.

Мерекеміз құтты болсын бүгінгі,

Бақытты өмір халқымызға тілейміз!

Құрметті балабақша ұжымы, балабақша бүлдіршіндері, бүгін еліміздің сан мыңдаған жылдар бойы армандаған, сол жылда дүр сілкіндірген Желтоқсан оқиғасымен келген, тарихымызда алтын әріптермен жазылып қалатын «Тәуелсіздік күні» мерекесіне арналған «Тәуелсіз елдің ұланымын!» атты ертеңгілігімізді назарларыңызға ұсынамыз.

Гиллиана:

Ән ұраным – жан ұраным

Айтар әнім –сөйлер сөзім.

Туған жерім – сағынарым ,

Мәңгі бақи шырқалады.

Ән ұран:

Ғ.Айдана:

Бабамның да арманы,

Осы еді ғой аңсаған,

Тәуелсіздік таңдары,

Бақ береді баршаға

Көк туымды қолыма,

Бүгін берік ұстадым,

Түсті бақыт жолына,

Менің Қазақстаным.

Дос:

Шаттық нұры шашылып зеңбіректен,

Шуағын күн төгеді енді көктен.

Шылбыр үзді даланың арғымағы,

Тәуелсіздік жалауын желбіреткен.

Жантемір:

Күн болды ғой керемет,

Ақ түйе қарны жарылған,

Ел болдық шүкір не керек

Әлемге аты танылған.

Тәрбиеші:

Балалар, бізге тәуелсіздік оңай жолмен келген жоқ. 1986 жылы 16 желтоқсанда үлкен көтеріліс болды. Ол көтеріліс қазақ халқына кең байтақ жерімізге, жан - жақтан көз тігушілер аз болған жоқ. Оған Қазақстанның жас ұлдары мен қыздары шықты. Өз тілін, өз мәдениетін дамытам деген қазақтарға мүмкіндік бермей шайқас басталды.
Сол жастардың ішінде Қайрат Рысқұлбеков, Ербол Спатаев Сабира Мұхамеджанова, Ляззат Асановалар болды. Бұлар Отан үшін, Туған жер үшін, ана тіліміз үшін, сендердің болашақтарың үшін үлкен ерлікпен қаза тапты. Өз алдына дербес, еркін мемлекет, ешкімге тәуелді болмай ішкі,сыртқы мәселелерді өздерінің шеше алатын мүмкіндігі болуды тәуелсіз мемлекет дейміз.
1991 жылы 16 желтоқсанда Тәуелсіз Қазақстан Республикасының Мемлекеті туралы заң қабылданды.

Аждар:

Мен оның күнін сүйемін,

Түнін сүйемін

Мен оның құдіретті

Тілін сүйемін.

Ализа

Нұрмұхаммед

Тәрбиеші:

1986 жылы желтоқсан көтерілісінде еліміздің еркіндігі, азаттығы үшін жандарын қиған Қайраттай ержүрек ағаларымыздың өз көзімізбен көрмесек те олардың шыңдық үшін күрескенін аянбай көз алдымызға елестетеміз.
Тұтқынға түстім жаутаңдай,
Жоламай ешкім қасыма
Бара қалсаң сәлем айт,
Елдегі құрбы – досыма.
Көрініс:

Алихан:
Тергеуші:
- Сен 18 - і күні сағат 10 - да қайда болдың?

Әлибек: Қайрат:
- Жолдастарымен бірге Фурманов көшесінде болдым.

Алихан: Тергеуші:
- Жоқ, сен өтірік айтасың, сен Сатпаев көшесінде милиционерді ұрдың! Сен кінәлісің, білесің бе?

Әлибек: Қайрат:
- Жоқ, мен ешкімді көргенім де жоқ, ұрғаным да жоқ.

Алихан: Тергеуші:
- Ақымақ! Әкетіңдер! Көзін құртыңдар! Атыңдар!

Қайрат:
Күнәдан таза басым бар,
Жиырма бірде жасым бар,
Қасқалдақтай қаным бар
Бозторғайдай жаным бар,
Алам десең алыңдар,
Қайрат деген атым бар,
Қазақ деген затым бар.
«Еркек тоқты - құрбандық»,
Атам десең атыңдар!

Тәрбиеші: - Иә, бұл жазықсыз құрбан болған қазақ
азаматы Қайраттың соңғы сөзі еді. Елі үшін құрбан болған ержүрек аға - апаларымызды еске алып бір минут тұралық.

Е.Айдана

Отан –ел, Гүлім

Отан – әжем. Ералі

Отан – жер, Ахмет

Отан –дана, Альбина

Отан – анам. Ализа

«Туған жер» деп

Ол бекерге аталмаған.

Тәрбиеші:

Қазақстан елі қандай ел?(Тәуелсіз)

Қазақстан Республикасының Елбасы кім?(Н.Ә.Назарбаев)

Қай күні, қай жылы тәуелсіздік жарияланған?(16 желтоқсан 1991 жыл)

Қазақстан Республикасының рәміздерін білесіңдер ме?(ту, елтаңба, әнұран)

Балалар ән:

«Мәңгі жаса Отан»

Қазақстан Республикасының Мемлекеттік тілі? (қазақ тілі)

Қазақстан Республикасының астанасы? (Астана қаласы)

Қазақстан Республикасының қазіргі ұлттық ақшасы? (теңге)

Жарайсыңдар балалар сұрақтарға толық жауап бердіңдер. Қандай той ойынсыз өтеді. Қазір бізге ойын көрсетеді (Ардақ Жумановна)

Тәрбиеші: Балалар болашақта қандай азамат, азаматша боламыз?

Балалар хормен:

Елімізді өркендететін,

Қазақ тілін көркемдететін,

Бабаларға тағзым ететін

Аналарға бас иетін,

Балалардан бар жақсылығын аямайтын

Туымен тұғырлы

Елтаңбасымен еңселі,

Біз қазақ елінің болашағымыз

Би: «Қара жорға»

Тәрбиеші:

Егеменді ел болудың белгісі.
Басқа жұртпен тең жұлдызы тең күші
«Егемендік» деген сөздер естілер
Ата жұрттың арғысы мен бергісі.

Жыр арнадым елім тебірене

Үміт артам елімнің ертеңіне,

Тәуелсіздік алғалы 22 жыл міне

Отаным жылдан жылға көркеюде.

Осымен «Тәуелсіз елдің ұланымын» атты ертеңгілігімізді аяқтаймыз. Барлығыңызға Тәуелсіздік мерекесі құтты болсын.
Халқымыз аман болсын. Елімізде бейбітшілік болсын
- Келесі кездескенше сау - сәлеметте болыңыздар!
Б:- Сау болыңыздар қонақтар!

Қостанай қаласы әкімдігінің «Қостанай қаласы әкімдігінің білім бөлімінің №3 бөбекжай-бақшасы» МКҚК

Ересек тобының ертеңгілік сценариі

«Тәуелсіз елдің ұланымын»

2013-2014 оқу жылы