Сайыс. Тақырыбы: "Ана тілін сүйеміз!"

«Ана тілін сүйеміз» атты сайыс.

Мақсаты: Балабақша мен ата-аналар арасында тығыз қарым-қатынас орнату,

тіл мерекесін дәріптеу, өз тіліне құрмет көрсету, тәртіпті болуға дағдыландыру.

1-жүргізуші: Қайырлы күн, құрметті қонақтар!. Тіл мерекесіне орай ұйымдастырылып отырған

«Ана тілін сүйеміз» атты сайысымызға қош келдіңіздер! Сіздердің алдарыңызда білімпаз

балаларымыз, сайысқа қатысып, өз өнерлерін көрсетпек.

2-жүргізуші: Өнегелі өссе ұландар, елімізді гүлдетер.

Өнерлерін байқандар, өздерін көпке үлгі етер.

Ата-баба дәстүрін, көкірегіне түйгендер.

Өрге жүзсін өнерлі, ана тілін сүйген өрендер.

1-жүргізуші: Өсірген ой білімді, сүйем туған тілімді

Мақсат етер әр сөздің, мәнін терең білуді

Тілім барда мақтанам, тілім менің аппақ -ән .

Бірлігімді бүгінгі, ана тілім сақтаған.

2-жүргізуші: Біз жас ұлан –Отан -ана өркені,үміт артқан болашағы, ертеңі.

Тәуелсіз елдің даңқын көкке өрлетіп, гүлге бөлеп жайнатамыз өлкені –деп сайыскер 3 топты ортаға шақырайық. Алдарыңызда «Қыран», «Балдырған», «Еркемай» тобының өнерлі өрендерін қошеметпен, қарсы алайық.

«Қыран» тобы- Ерхан, Әсель,Алдияр,Дария,Аяулым.

«Балдырған» тобы- Дина,Даниал,Айдария,Ділназ,Айша.

«Еркемай» тобы- Айлан,Арман,Айым, Нұрсәт,Қуаныш.

1-жүргізуші: Алдымен сайысымызды бастамас бұрын әділқазылар алқасын таныстырып өтейін.

Балабақша әдіскері: Мусабаева Г.Ж

Балабақша психологы : Курегенова Г.Р

Сайысымыз 4 кезеңнен тұрады: 1-«Кім зерек» (Жұмбақ жарысы ), 2-Мақал –мәтелді жалғастыр,3-«Бәйге» жаңылтпаштарды жаңылмай айту сайысы,4-«Сөз тапқанға қолқа жоқ» (Кесте сурет бойынша ертегі құрастыру, топ басшылары).

Топ басшылары :Амангельді Ерхан, Акмаганбет Айлан, Боранбаева Дина.

2-жүргізуші:Сайысымыздың бірінші бөлімі: «Кім зерек» топтар жасырылған жұмбақтардың жауабын табу керек.

1.Орманда тұрады, өзі бір қу.

Жүрген жері айғай мен шу. ( Түлкі).

2.Жерге қазық қақтым.

Басына айдар тақтым. (Сәбіз).

3.Қимылдаса қос шебер.

Қыруар- қыруар іс өнер. (Қол).

4.Мен жүгірсем ол да жүгіреді.

Мен мүдірсем ол да мүдіреді. ( Көлеңке).

5.Мекені көкте екі ару.

Бір -бірін көруге зәру. ( күн мен ай).

6.Үй ішін аралап.

Түнде көп жортады.

Қаптарды жарып.

Мысықтан қорқады. (Тышқан).

7.Құс сияқты құс емес.

Самғап ұшқан биікке.

Қақпайды бір қанатын,

Жүрседе тым биікте. (ұшақ)

8.Өзі жап -жас мұрты бар.

Ет пен сүтке ұмтылар.

Тастамайды жылы үйде,

Түкті тонын шұп -шұбар. (мысық)

9.Төбеде қос қалқаным.

Жан жақтан үн тартамын. (құлақ).

10.Таңмен көзін ашады,

Әлемге нұрын шашады. (күн)

Әр дұрыс жауапқа бір ұпайдан беріледі.

1-жүргізуші: Жарысты әрі қарай жалғастырайық, келесі сайысымыз мақал –мәтелді жалғастыр.

1.Оқу -білім бұлағы,

.................................

2.Оқусыз білім жоқ,

.................................

3.Оқы да,біл,

............................

4.«Сіз» деген әдеп,

..............,................

5.Өзге тілдің бәрін біл

...................................

6.Өнер алды ...................

7.Тіл буынсыз, .................

8.Балапан ұяда не көрсе,

........................................

9.Өнерлі бала ...................

10.Атаңның баласы болма,

.......................................

11.Білекті бірді жығар,

...................................

12.Тіл тас жарады,

................................

13.Отансыз адам,

...............................

Әр дұрыс жауапқа бір ұпайдан беріледі.

2-жүргізуші: Сайысымыздың үшінші бөлімі «Бәйге». Жаңылтпаштарды жаңылмай айту. Бірінші: «Қыран», екінші: «Балдырған» , үшінші: «Еркемай» тобына береміз.

1.Ақ тай ақ па?

Қара тай ақ па?

2.Бес түп алма

Бестік алғандікі

Төрт түп алма

Төрттік алғандікі.

3.Бақбақ бақта бар,

Бақа да бақта бар.

1.Пеш үстінде бес мысық,

Пеш ішінде бес мысық,

Бес күзетші -бес пысық.

2. Ала қарға қарға қонды,

Қара қарға қарға қонды.

3. Ұшқыш жақсы ма?

Үш құс жақсы ма?

Ұшқыш та жақсы.

Үш құс та жақсы.

1.Көк тырна,

Көп тырна,

Тыраулап тек

Көп тұрма.

2. Қаштым қатты -ақ,

Ұшты қалпақ,

Балақ сатпақ,

Аяқ батпақ.

3. Тұз мұздай,

Мұз тұздай.

1-жүргізуші : Келесі соңғы бөлім: «Сөз тапқанға қолқа жоқ» топ басшылар сайысы. Кесте сурет бойынша ертегі құрастыру.

Сөз саптау , кесте бойынша ертегіні айта білген топ басшыларына 3 ұпайдан беріледі.

2-жүргізуші: Әділқазылар алқасына сөз береміз.

І орын.

ІІ орын.

ІІІ орын.

1-жүргізуші: «Ана тілін сүйеміз» атты сайысымызды мына бір жыр шумақтармен аяқтағым келеді.

Желеп-жебеп піріміз,

Таза болсын тіліміз.

Жауқазындай жалындап,

Өркендесін тіліміз.

Келісемін: Бекітемін:

«Балауса» балабақшасының «Балауса» балабақшасының

әдіскері______ Мусабаева Г.Ж меңгерушісі_____ Абдуллина А.Р

«___» қыркүйек 2016-2017 о.ж «___» қыркүйек 2016-2017 о.ж

Сайыс.

«Ана тілін сүйеміз».

Тәрбиеші: Халым Пания