"Наурыз-көктемнің көрікті мерекесі!"

8-наурыз Халықаралық әйелдер күніне арналған ортаңғы тобының мерекелік ертеңгілігі.

Вы уже знаете о суперспособностях современного учителя?

Тратить минимум сил на подготовку и проведение уроков.

Быстро и объективно проверять знания учащихся.

Сделать изучение нового материала максимально понятным.

Избавить себя от подбора заданий и их проверки после уроков.

Наладить дисциплину на своих уроках.

Получить возможность работать творчески.

=> ПОЛУЧИТЬ СУПЕРСПОСОБНОСТИ УЧИТЕЛЯ <=

Просмотр содержимого документа
«"Наурыз-көктемнің көрікті мерекесі!"»

Тәрбиеші: Сәлеметсіздерме, құрметті ұстаздар, ата-аналар!!! Келіп жеткен шұғылалы көктемнің алғашқы мерекесі 8-наурыз халықаралық әйелдер күні мейрамы құтты болсын!!! Әйел – Ана – өмірдің өзегі, тіршіліктің күре тамыры, ыстық ықылас пен ыждаһаттың, пәктік пен тазалықтың қайнары. Сондықтан, әйелдер мерекесінің барлық үмітіміз бен армандарымызды тығыз байланыстыратын көктемнің алғашқы айының басында келуі, жақсылықтың нышаны болса керек. Көктемнің осынау шуақты мерекесі барлық әйелдер қауымы, сіздердің көңілдеріңізді нұрға, жүректеріңізді жырға бөлесін! Мерекеге орай өздеріңізге арналған №8 ортаңғы тобының «» атты мерекелік ертеңгілігіне қош келдіңіздер!

(Әуезді әннің сүйемелдеуімен ортаға барлық балалар «жүрек» пішінді шарларды ұстап шығып, би билейді)

Жаз: Мен болмасам, кұн мол шуағын шашып, жер бнтін қыздырар ма еді? Адамдар демалып, балалар қуанып, көңілді ойын ойнар ма еді?

Күз: Мен болмасам, нөсерлетіп жаңбыр жауар ма еді? Егін пісіп, қамбаға астық толар ма еді? Айнала алтын түске боялып, жапырақтар сарғайып, балалар жеміс-жидек жей алмас еді.

Қыс: Мен болмасам, қар жауып, ауа тазарар ма еді? Қар болмаса балалар сырғанақ теуіп, аққала жасап ойнамас еді. Бірақ біздің биылғы дәуреніміз аяқталған секілді, шуақты көктемде келіп жетіпті.

Көктем (тәрбиеші): Мен болмасам ағаш бүршік жарар ма еді? Жылғалардан су ағып, құстар ұшып келер ме еді? Мен болмасам сәуле шашқан әйелдер қауымын мерекесімен қалай құттықтар едіңіздер? Жаз, күз, қыс қош сау болыңыздар, менің де кезегім келіп жетті. Адамдарға өз пайдамды көрсетіп, өз шуағымды шашып, мерекелерімен құттықтайын!

Жыл мезгілдері: Көктем, сау болыңыз!

Көктем: көктем келгенде күн ұзарып, жалпы тіршілік иелері жанданады, жәндіктер мен хайуанаттар қысқы ұйқысынан оянып, құстар жылы жақтардан қайтып оралады. Жер бетіне көк шығады, жеміс ағаштары бүршік атып гүлдейді. Әр бір көктем ерекше, бір керемет, сыры бітпес бір тылсым ғой.

Ән: «Көктем келді»

Би «Буратино» (Ильяс, Диас, Денис, Нұрасыл)

Буратино: Сәлеметсіздерме, балалар?! Қандай керемет!!! Көктем келіп, көңіл күй сондай тамаша!!!

(Қызыл телпек ойланып келе жатады)

Қызыл телпек: Енді не істеймін? 8-наурыз мерекесімен әжемді, анамды құттықтап, гүл сыйлағым келген еді, бірақ гүл таба алмай жүрмін. Ой, сәлеметсіздерме, балалар?! Сәлеметсіңбе, Буратино?! Сен мұнда не істеп жүрсің?

Буратино: Көктем келіп, қуанып жүрмін. Балалардың да мерекені тойлап жатқанын естіп, дереу қызық көрейін деп келгенмін.

Қызыл телпек: Керемет! Мүмкін, онда балалар аналарға, әжелерге арналған тақпақ білетін шығарсыздар!

Инабат:

Бүгін-Наурыздың сегізі,

Сұлулықтың негізі.

Әдемі сөз-Адамның

Анаға айтар лебізі.

Нұршат:

Сеннен өскен балалар,

Батырлар мен даналар.

Құттықтаймыз мейраммен,

Құрметті аналар!

Аружан:

Өмірге бізді келтіріп,

Жарық дүние сыйлаған.

Жамандыққа баласын,

Ешқашанда қимаған.

Көрмесін қайғы балалар,

Аман болсын аналар.

Даниал:

Жанымызды жайнатқан,

Сіздерсіз ғой аналар!

Зор денсаулық, мол бақыт,

Тілейміз біз балалар!

Әділбек:

Жердегі бар тағамнан

Ана сүті нәрлі екен.

Бұл жалғанда анамнан

Сүйікті адам бар ма екен.

Асхат:

Анамыздың мейірлі

Жүзіне біз қараймыз.

Анамызды пейілді

Жомарт жанға балаймыз.

Мағжан:

Мені жақсы көреді,

Күндей күліп келеді.

Көп ертегі біледі,

Маған айтып береді.

Көктем(тәрбиеші): Қызыл телпек, сен өзің не істеп жүрсің?

Қызыл телпек: Мен анама, әжеме гүл сыйлағым келген, бірақ гүл таба алмай жүрмін.

Көктем(тәрбиеші): Қызыл телпек сен көңіліңді түсірме, мен саған көмектесемін. Гүл патшайымдары қайдасыңдар?!

Би «Гүлдер» (Айзанат, Аружан, Асылжан, Мейірім)

(Қыздар биін билеп аяқтаған соң, гүлдерін жинап Қызыл телпекке беріп кетеді)

Қызыл телпек: Рахмет! Гүлдерімді таптым, барып әжем мен анамды қуантайын. Жүр Буратино менімен барасыңба?!

(Буратино мен қызыл телпек қоштасып шығып кетеді.)

Көктем(тәрбиеші): Балалар, бізде аналарымызды қуантып анамызға арнап ән айтып берейік!

Ән: «Ақ мамам»

Әмірәлі:

Әр сөзімді жаттаған,

Жүрегінде сақтаған.

Анашым деп мақтанам,

Айналайын ақ анам!

Диас:

Аналарды сүйеміз,

Сөзін ойға түйеміз.

Әжені деп ардақтап,

Әдеппен бас иеміз.

Амелия:

Ақ анашым аппағым

Өзің жайлы тақпағым.

Өзің жайлы әнім де,

Арнадым саған бәрін де.

Ақжол:

Мәпелейсің мені анам,

Қолындағы құсындай.

Құлпыра өсіп дем алам,

Құшағында қысылмай.

Асылжан:

Жамандықтан сақтандырып,

Жақсы ісімді мақтан қылып.

Мәпелеген ақ мамамды,

Жүрсем деймін шаттандырып.

Жұлдызай:

Ақ қабақты анашым,

Күн сәулелі данашым.

Әлпештеген баласын,

Айналайын анашым.

(Залға аңдар кіреді(түлкі, аю, қоян)

Аңдар: Алақай, көктем келді (жүгіріп шығады) Сәлеметсіздерме, балалар?!

Көктем(тәрбиеші): Аңдар, сендер, мында не істеп жүрсіздер?

Аңдар: Қыста қалың ұзақ уақыт ұйқыда жатқандықтан, көктем келгенін біліп, оянып, қуанып бой жазып жүргенбіз. Мында балалар ерекше мерекені тойлап жатқанын естіп, жүгіріп келгенбіз. Балалармен ойын ойнағымыз келеді.

Көктем(тәрбиеші): Балалар, ойын ойнағымыз келе ме?

Аңдар: Ендеше, балалар, ойын аты «Қыздарға гүл сыйла»

Шарты: Ортада үстел тұрады. Сол үстелге гүлдер қойылған, гүл балалар санынан кем қойылады. Музыка ойналады, балалар қыздармен вальс билейді, музыка кенет тоқтатылады. Сол кезде балалар үстел үстіндегі гүлге жүгіріп, қызға сыйлау керек. Гүлді алп үлгермеген бала ойыннан шығады. Ойын осылай жалғаса береді. Ойынға бірнеше бала қатысуға болады.

Көктем(тәрбиеші): Жарайсыңдар, балалар! Ойын ұнады ма?!

(Аңдар қоштасып шығып кетеді)

Айзанат:

Кто любимый любимей всех на свете?

Это сразу скажут дети.

Обойди весь белый свет

Лучше мамы в мире нет!

Денис:

Вот и зорька светит,

Вот уже рассвет

Никого на свете

Лучше мамы нет.

Айдина:

Мама, очень, очень

Я тебя люблю.

Так люблю, что ночью

В темноте не сплю.

Би «Орыс биі» (Шапағат,Аружан,Б.Абилмансур,Санжар,А.Абилмансур,Мухамеджан, Нұршат,Айдина, Жұлдызай,Инабат,Амелия,Әмірәлі)

Көктем(тәрбиеші): Жарайсыңдар, балалар! Көктемнің шуақты мерекесінде аналарамызға арналған әдемі әніміз бен сыйлығымызды қабыл алыңыздар!

Ән: «Анашым»

(Балалар аналарына сыйлықтарын сыйлайды)

Көктем(тәрбиеші): Құрметті аналар! Балаларыңыздың өз қолдарымен дайындаған кішкене ғана сыйлығын қабыл алыңыздар!

Тағы да мерекелеріңіз құтты болсын!!! Әр көктем өз ерекшелігімен келе берсін. Өздеріңізге арналған мерекелік ертеңгілігіміз аяқталды. Көріп тамашалағандарыңызға рахмет!