Мерекеңмен анашым! сценарий

Тақырыбы:                  «Мерекеңмен, анашым!»

Мақсаты: Аналар мерекесімен бірге күннің нұрын төгіп келген көктем мерекесінің ерекшеліктерін атай отырып, табиғаттың жаңаруы,құлпыруын балаларға жеткізу.

Жүргізуші: Армысыздар ақ жаулықты әжелер,ардақты да аяулы аналар! Өздеріңізге арналған мерекелік кешімізге қош келдіңіздер. Сіздерді көктем айының алғашқы мерекесі 8 наурыз – күнімен құттықтаймыз. Әр қашан дендеріңіз сау, көңіліңіз жайдарлы бола берсін!

Жүргізуші: Жанымызды жайнатқан,

                     Сіздерсіз ғой аналар!

                     Зор денсаулық,мол бақыт

                     Тілейміз біз балалар.

                      Әлпештеген,аялаған,

                      Ақ сүт берген апатайым

                      Сәлем жолдап бүгін саған

                      Мерекеңсен құттықтаймын

Ән: «Анашым»

 Арнұр 

Әжемізді ардақтап,                                                                                                 Әдеппен бас иеміз.                                                                                                                                                               Рома:      

 Біздің үйдің жылуы,                                                                                                             Анамыздан тарайды.

Жүргізуші: Балалар қазір жылдың көктем мезгілі. Көктем мезгілінде күн жылынады, қар ериді, құстар ұшып келеді, ағаштар бүр жарады. Сонымен қатар, табиғат шаттанып, малдар төлдеп,тіршілік жанарып қалады.

Әдемі әуен ойнайды.

Жүргізуші: Біздің мерекеге қонақ келе жатқан сияқты, кім екен?

Залға көктем келеді.

Жүргізуші: Сәламат па ару көктем!

                      Сені асыға күттік көптен.

                      Жер-анамыз бір бусанды,

                       Күн де нұрын төгіп кеткен.

Ару көктем: Сәлем,сәлем,балақайлар! Мен ару көктеммін,өзімен бірге күннің жылуын, қызғалдақтын жұпар иісін,шуақты ала келдім. Қыздарды, аналарды,әжелерді және апайларды мерекемен құттықтауға келдім!

Валерия:

Анам менің «Күнім» дейді

Мен қуансам күлімдейді.

Зариф:                                                     

Мен анамды сүйемін                                                  

Құшағына енемін.

Ойын: «Бәйшешектерді жина»

Балалардың орындауында  «би» қабыл алыңыздар!

Сырт жақтан Мама-мама деген ұн шығады.

Жүргізуші: Бұл не дыбыс? Кім екен мамасын жоғалтқан?

Залға қоян кіреді.

Қоян: Мама,мама ! Мамамның артынан секіріп келе жатыр едім. Адасып қалдым. Енді қайдан табамын?

Түлкі кіреді: Мен ешкімнен қорықпаймын, мен бәрін алдаймын. Әй, қоян сен неге жылайсын?

Қоян: Мен мамамды жоғалтып алдым.

Түлкі: Мамаң қандай?

Қоян:  Менің мамам бәрінен де сұлу, әдемі.

Түлкі: Өтірік айтпа, менің мамам бәрінен де әдемі.

Нанбасаң қара! (артына қарайды мамасы жоқ) Ой менің мамам қайда?( басын ұстайды) Мен мамамды жоғалттым.

Екеуі жылайды.

Аю келеді: Бұл не шу ұйқымнан ояттыңдар ғой.

Екеуі: Біз мамамыздан адастық.

Аю: Мамаларын қандай еді?

Екеуі: Сұп- сұлу, әп-әдемі!

Аю: Өтірік айтпаңдар, менің мамам әдемі.

«Жоқ, менің мамам әдемі»- деп үшеуі дауласады.

Осы кезде ақ Көгершін  ұшып келеді.

Көгершін:  Бұл не айқай-шу? Сендер мында екенсіңдер ғой! Сендерді мамаларын іздеп жатыр.

Аңдар: Рахмет, Көгершін! Біз мамаларымызға кеттік, алақай!

Көгершін: Сендер мамаларыңның айтқанын тыңдаңдар. Әйтпесе жоғалтып аласыңдар.

Барлығы шығып кетеді.

Жүргізуші: Кейде осындай айтқанды тыңдамай, мамасынан адасып кететін балалар кездеседі. Бірақ, біздің арамызда ондай бала жоқ. Сендердің әжелеріне де айтанын тілектерің бар шығар.

Әлдайыр:

Шай ішетін қоюлап

Жақсы көрем апамды.

Айсәуле:

Сырмақ сырған оюлап

Жақсы көрем әжемді.

Ән: «Мама»

Би: «Вальс»

Жүргізуші: Рахмет Сізге, Ару көктем!

Осы күнде бар бала

Тағатсыз – ақ күткенді,

Сыйлықтарын сіздерге

Сыйлайтұғын сәт келді

Балалар аналарына сыйлықтарын ұсынады.

Жұргізуші: Құрметті әжелер мен аналар!Сіздерді көктемнің шуақты күнімен бірге келген төр мерекелеріңізбен шын жүректен құттықтаймыз! Дүниеде ананың ыстық алақанынан артық еш нәрсе жоқ.

Өмірге бізді келтіріп,

Жарық дүние сыйлаған.

Жамандыққа баласын,

Ешқашан да қимаған.

Аман болсын аналар!- дей келе бүгінгі ертеңгілігімізді аяқталды. Келгендеріңізге көп рахмет!