Күннің шуақтары. 8-наурыз мерекесінің ертеңгілігі

Күннің шуақтары

( 8-наурыз мерекесінің ертеңгілігі)

Үлкендер: жүргізуші, күн  

Балалар:  қоян –ересек тобы, түлкі, аю, қуыршақ.

Балалар музыка ырғағымен залға кіреді. Зал көктемгі орман бейнесінде безендіріледі.

 Жүргізуші: Балалар бүгін көктемнің алғашқы мерекесі  8 - наурыз аналар мерекесі, далада көктем айы. Күн шуағы бізге бүгін өзінің нұрын, сәулесін төгіп тұр. Бүгін шуақты күн. Құрметті ата аналар бүгінгі мерекелеріңіз құтты болсын, сіздерге арналған кішкентай бүлдіршіндеріңіздің лебіздерін тыңдаңыздар. Тақпақтар 

                            Ән:

Балалар орындарына отырады.

Музыка ырғағымен залға Күн кіреді.

Күн: Сәлеметсіңдер ме балалар,

Армысың Жер ана

Армысың көгілдір аспан

Армысың шұғылалы күн

Армысың нұрлы көктем

Балалар бірге қайталайды.

Балалар орындарына отырады.

Күн: Балалар мынау менің  әдемі  түрлі түсті шуақтарым.

Жүргізуші: Біздің қыздарымыз әдемі би билей алады.

Күн: Қане келе қойыңыздар кішкентай бишілер

                         Би: Күннің шуақтары

Балалар орындарына отырады

Күн: Бұл жай шуақтар емес бұл ғажайып шуақтар. Балалар мына шуақтың түсі қандай?

Балалар: Жасыл

Күн: Дұрыс айтасыңдар. Мына жасыл түсті шуағым қазір бізге жол көрсетеді (қызыл түсті шуағын қоянның үйіне қарай көтеріп көрсетеді) 

Балалар менің әдемі шуағым өте ақылды, ол бізді қорқақ қоянның үйіне әкелді.

Жүргізуші: Есік қағып көрейік, қоян үйде ме екен?

Қоян: Ал сендер кімсіңдер?

Балалар:Қоян,қоян тұршы

                Беті қолың жушы

               Айнаға қарашы

               Шашыңды тарашы

              Ал енді бізді қушы

Қоян үйінен шығып,  балаларды қуады.

 Жүргізуші: Қоян сен бізден қорықпа, бүгін аналардың мерекесі. Сен оларды мерекесімен құттықтауды ұмытқан жоқсың ба?

Қоян: Жоқ мен оларға сәбіз силаймын.

Жүргізуші: Қоян балалр сенімен ойын ойнағысы келеді, бізбен бірге ойын ойна. Баллалар жарты шеңберге тұрады. Сәбіз ойыны екі рет ойналады.

Қоян: Балалар сәбіз ойынын ойнайды.

Қоян себет толы сәбіз алып келеді.

Қоян: мынау сәбіз менің  ата аналарғ, сендерге силығым

болсын.  Бұл өте пайдалы жеміс құрамында дәрумендері көп, осы сәбізді жесеңдер мықты да күшті боласыңдар ауырмайсыңдар, топқа барғанда барлығың жеңдер деп сәбізді жүргізушіге береді. Балалар сау болыңдар түлкі келмей тұрғанда мен  қашып кетейін деп кетіп қалады

Күн: Балалар мына шуақтың түсі қандай?

Балалар: Сары  

Күн: Дұрыс айтасыңдар (Сары шуақты көтеріп) былай дейді: балалар мына шуақ жай шуақ емес, бұл алтын шуақ, бұл біздің тағы біреудің  үйіне апарады. (Бұл жерде үй тұрады. Төсекте аю ұйықтап жатады)

Күн: Әй, маймақ аю, тұр қане ұйқыдан

         Көктем келді, күн жылынды,

         Қуанышты мерекелер әкелді,

         Балалар аналар мерекесін тойлап жатыр.

Аю: Жоқ тұрғым келмейді, мен тағы ұйықтағым келіп тұр.

«Аюды ояту» ойыны

Жүргізуші: Қане балалар аюды оятайық, ақырын қасына жақындап, аяғымызбен топ топ жасайық. Бір екі рет қайталанады.

Күн: балалр қане аюдың көңілін көтеріп,  «Көктем келді»  әнін айтып берейік.

Аю: Балалар сендерге рахмет мен көктем келгенін білмей қалыппын қатты ұйықтап қалыппын, оятқандарыңа рахмет, мынау менің сендерге берген силығым болсын, бұл денсаулыққа өте пайдалы мұны жеген адам ешқашан ауырмайды.  (аю банкіге салынған бал береді) мен қалған достарымды оятып келейін деп шығып кетеді.

Күн: балалар мынау қандай түс?

Балалар: қызыл

Күн: Дұрыс айтасыңдар. Қызыл түс деп  шуағын есік жаққа қарай көтереді

Жүргізуші: ол бізге қонаққа кімді алып келді

Балалар: қуыршақты

  есіктен қызыл киім киген  қуыршақ кіріп келеді.

Күн: сәлеметсің бе, қуыршақ?

Қуыршақ: сәлеметсіздер ме, құрметті аналар, кішкентай бүлдіршіндер?! Мерекелеріңіз құтты болсын!  Аналар мерекесіне мен әдемі болып киініп келдім. Араларыңда мен сияқты қуыршақтар бар ма?   Менімен бірге қуыршақтар биін билесін.

                              Би: Қуыршақтар  

Түлкі: Сендер қоянды көрдіңдер ме? Неге жиналып отырсыңдар? Мына жерде мен сияқты апалар да бар екен ғой. Әлгі қоянды таба алмай жүрмін. Қартайдым кәрілік білмеймін?

Күн: Сіз мұңаймаңыз біздің балалар сіздер туралы ән біледі. Апалардың құрметіне сол әнді айтып берсін.

                              Ән: «Мен апамды жақсы көремін»

Түлкі: рахмет, балалар мені ұмытпапсыңдар, көңілім көтеріліп қалды. Менің де сендерге әкелегн силығым бар, мына бауырсақты жалғыз жей бермей бөлісіп жейік деп, бауырсақты жүргізушінің қолына береді. Топқа апарып бөліп жеңдер. Сау болыңдар балалар мен қайтайын.   

 (Бұл кезде күн шығып  кетеді, жүргізуші күнді іздейді.) сол кезде жүргізуші балалардың назарын төбеде ілулі тұрған күнге аударады.

Балалар күн бізбен жақсы көңіл көтерді, енді оған өзінің орнына қайтатын уақыты болды. Сондықтан ол аспанға кетті. Ол бізді және бүкіл жер бетін жылытып тұрады.

                                                    Ән:

Осымен біздң ертеңгілігіміз аяқталды.