Просмотр содержимого документа
«Ерте?гілік "Е? мейрімді мереке"»
«Ең мейрімді мереке»
ертеңгілік сценариі
Мақсаты:Балаларға көктем мезгілі аналар мерекесі туралы мағлұмат беру. Көтеріңкі көңіл күй сыйлау.Өлең жолдары арқылы тіл байлықтарын жетілдіріп сөздік қорларын дамыту. Әжелерін, аналарды, қыз балаларды сыйлауға әдептілік пен әдемілікке тәрбиелеу.
Жүргізуші: Дүниенің ең қымбаты ана екен,
Ананың ең тәттәсі бала екен.
Түн ұйқысын төрт бөліп тәрбиелеген,
Ананың орны бөлек, дара екен.
Бар жылулық пен махаббатты анаға берейік! Мейрамдарыңызбен
құрметті аналар! Балалар аналар мерекесі келді аналарымызға қандай сыйлық сыйлаймыз?
Бала. Мүмкін ,гүл сыйлармыз?
Бала.Әлде сурет салып береміз бе?
Жүргізуші: Таптым! Сыйлық таңдау үшін дүкенге бару керек. Сонымен кеттік, көлікке отырыңдар! (Балалар көлікпен кетіп бара жатқанды салады, тоқтайды)
Жүргізуші: Міне, біз де келдік! Қараңдаршы, айналада заттар неткен көп,
көз қуантады! Бұл бөлім қалай аталады?
Сатушы: Салеметсіздерме бұл тұрмыстық техника бөлімі.
Жүргізуші: Балалар қараңдаршы, аяулы аналарға не сыйлауға болады?
Қымбатты сатушы, сізде қандай сыйлықтар бар,бізге
көрсетіңізші.
Сатушы: Бізде сан түрлі тұрмыстық техникалар бар.
Мысалы: кір жуу машинасы, кірді өзі жуады. Тұрмыста жақсы
көмекші, суды өзі толтырып алып, өзі төгеді.
Жүргізуші: Біз өзіміз де кір жуа аламыз.Бізге ондай сыйлықтың қажеті жоқ.
Қыздар қалай кір жуа алатынымызды көрсетейік.
«Кір жуу» биі
Жүргізуші: Көрейік тағы не сатып алуға болады екен.
Сатушы: Бізде тағы да ғажайып газ плитасы бар.
Ас үйде тұрады.
Ас-шәй әзірлейді.
Көжені пісіріп,
Картопты қуырады.
Міне, осындай бізде,
Ғажайып плитасы бар.
Жүргізуші: Ғажап плита! Бірақ бізде газ плитасы бар. Біз аналарымызға арнап тәтті тағамдар пісіріп береміз.Міне, қараңдар.
«Көңілді аспазшылар» биі
Жүргізуші: Балалар аналарымызға арнап өлең жолдарын оқып берейік.
Мерекесі бүгін
Алтын анамның,
Сыйлайыншы гүлін
Жарқын даламның. Мөлдір
Күлімдеген көзі
Күннің нұрындай.
Ұлым деген сөзі
Ақын жырындай. Арсен
Жыл басы –Наурыз мереке
Ақ нұрға асем боянды
Аналар тойы береке.
Тіршілік жаңа оянды. Қарлығаш
Әлпештеген баласын
Ана- бақыт, Ана- күн
Әркім сүйіп өзінің.
Мақтан етер анасын. Бөпенай
Анам менің анашым
Көңілімді табасың
Жоқ қой мына өмірде,
Сенен асқан жан асыл. Мақсат
Баланың да тірегі,
Ананың да тірегі
Шаншымасын ешқашан
Аналардың жүрегі. Мадина
Құтты болсын аяулы ана
Асыл анам мерекең.
Құтты болсын теңдік алған.
Қуанышты мерекең. Әли
Әр сөзімді жаттаған,
Жүрегінде сақтаған
Анашым деп мақтанам.
Айналайын ақ анам. Жанель
Аналарды сүйеміз.
Сөзді ойға түйеміз
Әжені де ардақтап
Әдеппен бас иеміз. Дариға
Айналайын анашым
Ақылы асқан данасың
Бала үшін не керек.
Бәрін іздеп табасың. Ғабит
Әлпештеген аялаған.
Ақ сүт берген апатайым.
Сәлем жазып бүгін саған.
Мейрамыңмен құттықтаймын. Тамирис.
Әйбат анам, ақ анам.
Жұлдыз анам , ай анам.
«Ботам» деген даусыңнан
Мен мәз болып қуанам. Алмира
Балапаным күнім деп.
Құлыншағым жаным деп.
Еркелеттің анашым.
Мейірленіп күлімдеп. Айерке.
Бүгін – Ана мерекесі.
Бүгін – Әже мерекесі.
Бүгін Апа мерекесі.
Аналар – ел еркесі. Ұлықан.
Әнмен, гүлмен қарсы аламыз.
Аналардың мейрамын.
Шексіз біздің алғысымыз.
Айналайын анашым. Айзере.
Жүргізуші: Қымбатты әжелер, сыйлық ретінде балаларымыздың әні
қабыл алыңыздар.
«Ақ әжем» әні
Балалар әжелеріңе арнап өлеңдерімізді сыйлайық.
Менің әжем жыр әжем.
Шуағы мол нұр әжем.
Ақ таяққа сүйеніп
Аман-есен жүр әжем. Мирас
Тентек болсам кешірген
Айналайын ақ әжем.
Аялаған өмірде
Ардақтысың сен әжем. Айнұр
Әжем менің ақ әжем
Ақыл беріп үйреткен.
Аппақ әжем ақ әжем
Мейіріммен тербеткен. Айсұлтан.
Аман болсын басыңыз.
Ағармасын шашаыңыз.
Шөбере сүйіп әлі де.
Жүзге жетсін жасыңыз. Айсұлу.
Ақылшым анашым.
Мен үшін данасың
Үлгі боп ояттың.
Қызыңның санасын. Назерке.
Ақ анашым аппағым.
Өзің жайлы тақпағым.
Өзің жайлы әнім де.
Арнадым саған бәрін де. Дарын
Ана- деген алтын сөз
Нұрландырған ғаламды.
Мен сыйлаймын ерекше.
Анасын сүйген адамы. Айым
Ана- деген көп шығар
Анамдай менің жоқ шығар.
Мейірімді бүл кісі.
Қандай ғажап күлкісі. Айару.
Теңдесі жоқ данасың,
Арқа тұтар панасың.
Мейрамыңыз бүгінгі
Құтты болсын анашым! Замира.
Спраздником веселым.
И сконцом зимы.
Дорогую маму.
Поздравляем мы! Леша
Жүргізуші: Балалар біз сән салонына келдік. Ендеше сатушымен кеңесіп
қандай сыйлық алатынымызды сұрайық.
Сатушы: Біздің сән бөлімінде.
Сусабын және гель бар.
Моншақтар мен ерін далабы
Қажеттінің бәрі бар.
Жүргізуші: Ендеше біздің аналарымызды өздеріңіздің сиқырлы
қолдарыңызбенен сәндеп жіберіңізші.
«Ананы сәндеу» ойыны.
Жүргізуші: Аяулы аналар, біздің балалар сіздерге арнап әсем ән орындап
бермекші.
«Анама сыйлаймын» әні
Жүргізуші: Балалар қараңдаршы біз гүл сату дүкеніне келдік.
Сатушы: Сәлеметсіңдерме балалар!
Әдемі гүлдер көп бізде,
Осындай әдемі гүлдерді
Алып беріңдер анаға!
Жүргізуші: Аналарымызға ең керемет сыйлық гүл сыйлайық.
Жүргізуші: Балалар, бугін біздің аналарымызбен әжелеріміздің ғана
мейрамы емес. Бұл мерекеге тағы кімнің қатысы бар?
Ұлдар: Қыздардың!
Жүргізуші: Дұрыс! Ендеше мерекеге арналған көңілді биімізді қабыл
алыңыздар.
«Гүлдер» биі
Жүргізуші: Қымбатты аналар, әжелер! Біздің балаларымыздың өз қолдарынан отырғызып күтіп баптаған гүлдерін қабыл алыңыздар.(Балалар аналары мен әжелеріне гүл сыйлайды)
