"Ару Жа?а жыл" жа?а жыл мерекесіні? сценариі

Балалардың кіруі.
Тәрбиешінің сөзі:
Жаңа жылдың таңы неткен арайлы,
Ақ мамыққа бөлеп алды маңайды.
Бәрімізге әкелсін жаңа жылымыз!

Бақыт, шаттық, молшылық пен тыныштық,
Келе жатқан Жаңа жыл мерекелеріңіз құтты болсын!
Ән: «Ару жаңа жыл!».
Шыршаның артынан Сауысқан жүгіріп шығып, аяз атадан хабарлама оқиды.

Сауысқан:
- Асығамын деп жүріп
Сыйлықтарды шашып алдым.
Бұтаққа мен қабымды
Іліп алып, тесіп алдым.
Сыйлықтарды жинағанша
Сендерге мен немеремді
Жіберемін асыға
Қорғап сендер Ақшақарды
Жүріңдерші балалар,

Өтінемін сендерден.
(Осы кезде Ақшақар болып киінген Мыстан кемпір кіреді).
Мыстан кемпір: Міне менде келіп қалдым.
Тәрбиеші: Кімсің сен?
Мыстан кемпір: Қалай кім? –Мен Ақшақармын.
Тәрбиеші: А-а Аяз атанын немересі боласың ба?
Мыстан кемпір: Әрине мен. Мені қарсы алыңдар.
Тәрбиеші: Сен Ақшақар болсаң, Аяз ата қайда?
Мыстан кемпір: Сендерге асығамын деп, санамақтарды шашып алды.
Тәрбиеші: Қандай санамақтар?
Мыстан кемпір: Қаптың тұбі тесіліп, санамақтар шашылып.
Тәрбиеші: Ешқандай да сен Ақшақар емессің, кет кәне осы жерден.
Мыстан кемпір: Аяз ата сендерге мені қорғасын деді ғой.
Тәрбиеші: Балалар мүмкін ол шынымен Ақшақар шығар.
Балалар: Жоқ.
Тәрбиеші: Сонда кім болғаны.
Балалар: Мыстан кемпір.
Мыстан кемпір: А-а ойланып мені кім екенімді таптыңдар ма? Ақшақар менде, жібермеймін мен оны.
Тәрбиеші: Қане босат сен ақшақарды.
Мыстан кемпір: Мен Ақшақарға пештегі отымды жаққызамын.
Тәрбиеші: Енді не істейміз? Ол еріп кетеді ғой. Не керегін сен айтшы, бірақ Ақшақарды босат.
Мыстан кемпір: Мен мерекеге қатысқым келеді. Жылда Жаңа жылға менің күтсеңдер болар еді ғой. Жоқ, сендер Аяз ата мен оның немересін ғана күтесіңдер.
Тәрбиеші: Жарайды біз келісеміз, қала ғой. Қане, балалар мыстанның көңілін көтеру үшін

Ән: «Шырша жыры» тауда туып, тауда өскен.

Ал енді жаңа жыл туралы тақпақтарымызды айтып берейікші.

Сендер айта беріңдер ал мен сендерге Ақша қарды алып келейін. (Кетіп қалады).

Тақпақтар:

Келді, келді жаңа жыл,
Қуанып қарсы ала біл.
Аяз ата сыйлығын,
Алайық айтып жаңа жыр.

Дала нұр, қала нұр,
Құтты болсын жаңа жыл!
Кел жаңа жыл біздерге,
Кел жаңа жыл, жаңа жыл.

Көңілде көп қуаныш
Әр көңілде жақсы үміт
Кетер жылға мың алғыс
Әкелген көп жақсылық

Жаңа жыл, жаңа жыл
Жаңалық ізде сен.
Жаңа ән, жаңа жыр,
Жазып бер бізге сен.
Жаңадан көп түрлі
Машина бергейсің.

Жүзімізге күлкі ойнап
Қанаттанды жанымыз
Жаңа жылды біз тойлап
Шаттанамыз бәріміз!

Жасыл шырша жанында
Айнала ойнап ән саламыз
Өзіміздің бақшада
Жаңа жылды қарсы аламыз.

Келді тағы жаңа жыл,

Қуантумен біздерді.

Құтты болсын қуаныш,

Құттықтаймыз сіздерді.

Жаңа жыл, жаңа жыл,

Сені күттім елендеп.

Өзіңменен ілесіп

Аяз ата келер деп.

Мыстан кемпір: аппақ киімге орап тастаған Қарақшыны алып келеді.
- Міне сендердің Ақшақарларың.
Тәрбиеші: Ақшақар, сен неге сонша оранып алғансың. Дауысында өзгерген.
Қарақшы: А - а мен қатты жел тұрғанда ауырып қалғанмын.
- Оданда жұмбақ жауабын табындар.
Жұмбақ:
Балалар: жауабын табады.
Қарақшы:дұрыс таптыңдар.
Тәрбиеші: Балалар мен таң қалып тұрмын Ақшақардың досы мыстан кемпір ме?
Қарақшы: Әрине жоқ...( Аузын жабады). Оданда билейік.

Жүргізуші: қане балалар, ақшақарымызға арнап жаңа жылдық өлең айтып берейік.

Ән: Дүйсенова Даринаның орындауында «Кішкентай шыршамыз».
Қарақшы би билеймін деп, ұмытып. Үстіндегі ақ киімін шешіп тастайды.
Тәрбиеші: Балалар қараңдар бұл Ақшақар емес қой! Қане екеуін байлап тастайық.
Мыстан кемпір: Жоқ-жоқ кешіріңдер бізді.
Тәрбиеші: А-а қорқып қалдыңдар ма. Айтыңдар Ақшақар қайда?
Мыстан кемпір: Қазір біз алып келеміз.
( Босатып жібереді).

Сауысқан: Балалар, ақша қар келеді, келе жатыр алыстан.
Тәрбиеші: Балалар қане Ақшақарды дауыстап шақырайық, адасып кетіп жүрмесін. Біздің дауысымызды естіп осы жақта екенімізді білсін.
Балалар шақырады: Ақшақар – Ақшақар, Ақшақар – ақшақар.
музыка ойнап Ақшақар кіреді.
Ақшақар: Сәлеметсыңдар ма, балалар, қонақтар! Орманды көктей өтіп жеттім - ау сендерге. Қандай әдемі, неткен сұлу шырша! Жаңа жылдарыңмен! Сендерді тауып келгеніме қуаныштымын. Анау мыстан мен оның досын көрмедіңдер ме? Мен әзер құтылып шықтым ғой. Олар келіп сендердің мерекелеріңнің шырқын бұзып жүрмесін.

Тәрбиеші: Қорықпа Ақша қар, олар бұл жерде болған. Олар бізге енді ештеңе істей алмайды.

Оларда осы мерекеде болғылары келсе, аяз атадан сыйлық алғылары келсе жамандық жасамайды.

- Балалар мүмкін тақпақ, ән айтып, би билеп берерміз.
Тақпақтар:

Аяз қысып, өрнек сызып,
Терезені торлайды.
Қарға омбығып,
Бет домбығып,
Балдырғандар ойнайды.

Аспан жерге төгеді
Ақ күмісін уыстап
Жаңа жылда келеді
Бізге қарай жылыстап.
Көрсін біздей балғынды
Шырқатайық ән - жырды.

Аппақ қыстың бояуы
Аппақ қыстың бораны
Ақ көрпеге орайды
Ақ қар байтақ даланы
Аяз шымшып қояды
Ақ құшағын жаяды

Сақалының ұзын – ай
Саудыраған мұзын – ай
Жарқыраған оттары
Жаңа жылдың қызығы – ай.

Шыршамызды әсемдеп,
Ән шырқаймыз билейміз.
Өзімізде күлімдеп
Жабырқауды білмейміз.

Шанамен, шаңғымен,
Мұздарды сызалық.
Елемей ызғарды
Жаңа жыл бәйгесін
Келейік біз алып.

Жаңа жылды біз тойлап
Шаттанамыз бәріміз.
Өлең де әзір, ән әзір,
Ойын да әзір, бәрі әзір.
Кел жаңа жыл біздерге,
Кел жаңа жыл, жаңа жыл.

Мыстан мен қарақшы келеді: Ух, балалар Ақшақар жоғалып кетіп сендер бізді кешірмейсіңдер деп ойладық.

Ақшақар: Бүлдіретіндеріңді бүлдіріп, ештеңе болмағандай қарашы бұларды. Жүргізуші: Ақшақар, ашуланбаңыз, ренжімеңіз. Оларсыз жаңа жыл болушы ма еді.

Ақша қар: Олай болса барып менің Аяз атамды қарап келіңдерші. Мен содан кейін кешірермін.

Ал олар келгенше
Мен білемін бір ойын:
Үйретейін сендерге
Мен бастайын, ал, сендер аяқтаңдар ойынды. Хормен жауап айтыңдар!

Қарға мүлгіп дала тұр, келе жатыр....
Балалар: Жаңа жыл!
Ақшақар: Қызыл мұрын, ақ мұртты білсең атын тез ата, келеді бізге.....
Балалар: Аязата!
Ақшақар: Шырша бүгін кәделі! Сендер әрі....
Балалар: Әдемі!
Ақшақар: Көңілсіз бір бала жоқ, ойын – күлкі таралсын.
Құтты болсын....
Балалар: Жаңа жыл! (3 рет)
ӘН: «Ақша қар»

Жүргізуші:

Достарымыз бар қуанып,
Тамашалар кештер де
Талшыбықтай бұралып
Биші болам өскенде деп
Құрметті қонақтар, қыздарымыздың Ақша қарға арнап дайындаған «Қаршалар» биін тамашалайық!

Би: «Қаршалар»

Ақша қар:- Өте тамаша, балалар өнерлерін өрге жүзсін.

Балалар мыстан мен қарақшыны аяз атаны ұстап бізді өтірік алдап сыйлықсыз қалдырмаса жарар еді. Қане бәріміз қосылып аяз атаны шақырайық.

(алыстан аяз атаның дауысы естіледі).
Аяз атамен бірге мыстан келеді. Дорбаны көтеріп.

Аяз ата:

Армысыңдар,қарақтарым,

Армысыңдар, құлындарым!?

 Жаңа жылды алып келдім,

Ақ шырақты жағып келдім!

Сендерге мына балаларым,

Тәтті сыйлық алып келдім!

( құттықтайды).

Мына сауысқанға реқмет, маған жол көрсеткен. Сендердің мені күтіп қалғандарыңды да осы айтты.

Жүргізуші: қане балалар Аяз ата бізді іздеймін деп жүріп шаршап қалыпты, олай болса біз Дайындаған тақпақтарымызды айтып берелік.
Аяз атаға арналған тақпақтар:

Ақ сақалды таяқты
Қалың қырау қабақты
Аяз ата аямай
Бізге сыйлық таратты
Ойыншығы, шекері
Орасан көп сияқты.

Ақшақарға малынып
Аппақ тонын жамылып
Сақалы мен мұртына
Күміс моншақ тағынып
Аяз ата келеді
Балаларды сағынып.

Жаңа жылда жаңаша
Тақпақ айтамыз.
Болсын риза балаша
Аппақ атамыз.

Ақ қырауға малынып
Сақалы да, мұрты да
Аяз ата сағынған
Сәлем берді жұртына.

Сақалы аппақ күмістей
Тістері аппақ күріштей
Қызыл ала шапаны
Сағындым аяз атаны.

Әлде қарлы боранда
Тау басынан түсті ме?
Аяз ата оралды,
Ақ тон киіп үстіне.

Аппақ тонға оранып,
Базарлықты мол алып.
Келді алыс сапардан,
Аяз ата оралып.

Аяз ата: тамаша! Жаңа жылды сағынып, мені осылай күтіп қалыпсыңдар, балаларым. Сендерге жеткенше менде асықтым. Бірақ асықсаң болады ма. Керісінше сыйлықтарымды шашып, оларды жоғалтып та алдым. Сендердің дауыстарыңды естіп келдім. Сыйлығымды ақыры таптым ау.

Сауысқан: Ұшып - ха-ха-ха. Сендер тақпақ айтып мәз болып жатқанда сыйлықтарды тауып алды басқалар.

Аяз ата: не дейді мына сауысқан? Ой балаларым сендерді сыйлықсыз қалдырмасам жарар еді ау. Сонда мынау не болды?

Мыстан мен ішін ашып көреді де. Мынау не? Қар ма? Ой еріп кетеді ғой. Қане мен апарып ормандағы сыйлықтарды оларға түсіндіріп алып келейік. Ой осы қарақшы қайда? Ол қарақшы емеспе, сыйлықтарды тауып алып тығып тастаған шығар. Ал мен келгенше сендер мерекені жалғастыра беріңдер.

Олай болса аяз атамызға арнап ән айтып берейік.

Ән: «Аяз ата».

Мыстан келеді. Міне қарақшы, бірақ ол алмадым дейді.

Қарақшы: Жоқ мен алмадым.

Тәрбиеші: жарайды балалар, сыйлық табылғанша біз ортадағы шыршаның шамын жағайықта.

Аяз ата біздің шыршаның шамдары жанбайды. Қане қолыңыздағы таяқшамен жағып жіберіңізші.

Мыстан кедергі жасап қалады. Ой әдет болып қалған ғой.
- Шырша жанады.

Ән: Көрікті шыршамыз.
Аяз ата: Рахмет сендерге.

Шырша туралы тақпақтар:

Жасыл желек жамылған
Асыл моншақ тағынған.
Міне сұлу шыршамыз
Көптен күтіп сағынған.

Жылдың әсем бұл шағы
Шыр айналдық шыршаны.
Шоқ жұлдыздай көктегі
Шыныны қағып тұр шамы.

Жайна шырша жарқылдап
Бейнесіндей сәбидің
Түрлене түс жасыл бақ
Қыс пен жазға бірдей боп.

Жасыл шырша, қош келіпсің,

Сені күтіп жүрдік біз.

Көркейсін деп сенің жүзің,

Ойыншықтар ілдік біз.

Жаңа жыл, жаңа жыл.
Жаңа жылда-жаңа жыр.
Жасыл шырша жанында
Жадырап бар бала жүр.

Тамаша.тамаша!
Шыршамыз тұр жараса.
Басында әсем жұлдызы
Көз тоймайды қараса.

Безендіріп шыршаны
Жыл қуантты баршаны.
Жаңа жыл басталды,
Аяз оны басқарды.

Тәрбиеші: Аяз ата бізбен бірге ойын ойнаңызшы.
Балалар: Қане Аяз ата қарашы сен біздерге
Қане тауып көрші, не істегенімді айтшы.
Балалар: Қобызды ойнағанды көрсетеді.
Аяз ата: Сақалды сипадыңдар.
Балалар: Жоқ.
- үрмелі ойнағанды көрсетеді
Аяз ата: Сүт іштіңдер.
Балалар: Жоқ
Пианино ойнағанды көрсетеді
Аяз ата: күрішті тазалап жатырсыңдар.
Балалар: Жоқ, пианино ойнап отырмыз.

Мыстан мен қарақшы кедергі жасайды.
Тәрбиеші: Аяз ата сіз қателестіңіз. Ендеше біздің балалармен қызықты бір ойын ойнаңыз. Біздің балалар сізді бір жыл көрген жоқ. Олар сізді сағынып қалды емеспе.

Ойын: «Қоңырау соғу».

Билейміз де ойнаймыз
Балғын ұл-қыздар.
Жаңа жылдай жайнаймыз
Жарқын жұлдыздар.
Би: Ер балалардың орындауында «Кавбой» биі

Ақша қар: Ата осы мына екеуі біртүрлі ұнамайды маған, сыйлықтарды осылардан басқа кім алуы тиіс? Балалар: Екеуін әдемілеп шаршатайық сонда өздеі мойындап қояр мүмкін.

Мыстан әже, біздің балалармен біз әр түрлі ойындар ойнатып көңілдерін көтереміз жаңа жылға келіп, ал сендер болсаңдар оларды қорқытып қана кетесіңдер. Қане сендер де ойын ойнап би билеп балалардың көңілін таба біліңдер. Келесі жаңа жылға сендерді де сағына күтетін болады.

Мыстан әже: а-а, солай ма? Жарайды онда менің сыпыртыммен бір ойын ойнап жіберейік. Қане балалар екі командаға келіңдер.

Ойын: «Сыпыртқымен жылдам ұшу» эстафетасы.

Жүргізуші: Жарайсыңдар балалар, ал енді мыстан әже біздің қыздарымыз Шығыс биін билеп бергілері келеді.

Би: Шығыс биі.

Аяз ата: Тамаша! Балаларым бар өнерлерін көрсетіп жатыр.

Мыстан кемпір кіріп Аяз атанын таяқшасын алып кетеді.
Ақшақар: Аяз ата сіз сыйлықтарды беруді ұмыттыңыз.
Аяз ата: Қазір таяғымды алып. Әй Мыстан кемпір сен тағы өз өнеріне кірістің бе?
(Мыстан кемпір Аяз атанын артына тығылып қалады.)
Аяз ата: Мыстан кемпір қайда?
- А-а-а міне сен, қазір мен сені қатырып тастаймын.
Мыстан кемпір: Ой жоқ керегі жоқ деп, күлкілі қимылда қатып қалады. Жүгіріп Қарақшы келеді, Мыстан кемпірді аяйды.
Қарақшы: Аяз ата мыстанды қайтадан қалпына келтірші,- деп өтінеді.

Аяз ата: а, солай ма екен. Ондаша балалардың көңілін көтеріп бер.

Қарақшы: Балалар қане менде сендермен бір ойын ойнайын. Мені де келесі жаңа жылға шақырарсыңдар.

Ойын: «Пима киеміз»

Жүргізуші: қарақшы біздің балалар жаңа жылға қарақшылар биін дайындап келіпті.

Би: «Қарақшылар»

Аяз ата Мыстан кемпірді қалпына келтіреді.
Мыстан кемпір: Ой не болды маған, мен бір жақсылық жасағым келіп тұр.
Аяз ата: Қандай жақсылық жасағың келеді?
Мыстан кемпір: Сыйлықтар сыйлағым келеді. Қазір алып келейін.

Сауысқан: міне сыйлықтар. Мен тауып алдым.

Жүргізуші: Ал балдалар ақыры сыйлықтар табылды. Сендерге таратып бергенше барлығымыз қосылып бір ән айтып би билейікші.

Ән: «Буги – буги».

Аяз ата: қане мыстан мен қарақшы, қызым балаларға сыйлықтарын таратып берейік те қоштасайық.
Сыйлықтар таратылады.

Аяз ата: Ой ыстықтап кеттім қазір мен еримін.
Аяз ата: Қане немерем маған су әкеліп берші.
(кесенің ішінде жылтырауық) Кесені алып ішеді де, оның ішіндегі жылтырауықты ата аналарға шашады. Қоштасады.

Жүргізуші: жаңа жылдарыңызбен! Келесі жылы кездескенше.