"Жа?а жыл" сценарий.

Аты-жөні	Майманова Жадыра Меделбаевна
Мекен-жайы	Жамбыл облысы Байзақ ауданы Байзақ ауылы
Жұмыc орны	«Салтанат» балабақшасы
Мамандығы	Тәрбиеші-логопед
Педогогикалық өтілі	14 жыл
Cанаты	І санат

Жаңа жыл мерекесі Сценарий

Бим сайқымазақ залға жүгіріп кіріп шыршаны айналып таңырқап қарап жүріп

- Ах, ах, ах. Неткен керемет. Неткен ғажап. Сәмеметсіз бе. Менің атым Бим. Мен досымды осында шақырайыншы.

-Бом, Бом мұнда келші мына жер керемет екен.

Бом сайқымазақ кіріп келіп.

-Бим не болды неге шақырдың. \жан-жағына қарайды\. Мына жердің әдемісін-ай, мұнда әдемі шырша тұр, мұнда не болып жатыр өзі.

Бим.

-Бом көрмей тұрсың ба. Мұнда жаңа жыл мерекесі болады ғой.

Бом

-Сіздер де мерекеге келдіңіздер ме.

Бим

-Бом олай болса жаңа жылмен құттықтап қояйықта.

Бом

-Ия, ия.

Сәлем бізден баршаға,

Құттықтаймыз жар сала.

Бүгін бізде жаңа жыл,

Қош келіпсіз шыршаға.

Бим

Жаңа жылда көңілді,

Шырқалады әніміз.

Ата-аналар сіздерді

Құттықтаймыз бәріміз.

Бом

-Олай болса, біздер мұнда «Күн шуақ» тобының балаларын жаңа жыл мерекесіне шақырайық..

Бим

Даламызға, бақшамызға,

Жаңа жыл кіріп келеді.

Қол соғып қарсы алыңыздар,

«Күн шуақ» тобы келеді.

«Вальс» биімен ортаға балалар енеді.

Бом

-Балалар жаңа жылдарың құтты болсын. Жаңа жылдық тақпақтарымызды айтайық.

Қадиша Тыңданыздар,тыңданыздар,

Таңырқап тұрмаңыздар,

Сәнді шырша шақырады,

Шырша жырын жырлаңыздар.

Жомарт Құлақтарын үсіткен

Шынықпаған қай бала,

Осы болар қыс деген

Айтсақ жауап жай ғана.

Балнұр Қысым-ақ, қысым-ақ,

Жібердің қысып-ақ..

Қалмаспыз біз деген

Боранға ұшырап.

Жанер Көкті бұлт тұмшалап

Жер ақ тонын киеді

Шұнақ аяз шымшылап

Ақ бетіңнен сүйеді.

Айша Даламызға қаламызға

Жаңа жыл кіріп келеді.

Қартыңызға, балаңызға

Жаланды сәлем береді.

Төреш Тоғай да,баулар да,

Ақ күміс жамылды.

Дала да,тауларда,

Өзіңді сағынды.

Төбеде күн күліп,

Балалар тұр қарап

Бәріміз бірігіп

Тебейік сырғанақ.

Аяжан Оралды өлкеме,

Жаңа жыл,армысың.

Оранды ақ қөрпе

Асқар тау,қарлы шың.

Олжас Келді тағы жаңа жыл,

Қуантумен біздерді.

Құтты болсын қуаныш

Құттықтаймыз сіздерді.

Ж.Іңкәр Аппақ таңға оранып,

Базарлықты мол алып,

Келді алыс сапардан

Аяз ата оралып.

Ұлмекен

Хор «Шырша жыры»

Бим

-Енді сүйкімді қыздарымыздың әнін тамашалайық.

Ән «Жау-жау жаңбыр» \Айша, Ж.Іңкәр, Балауса\

Музыка әуені аяқталысымен ортаға қоян жүгіріп кіреді

Бом

-Қоян саған не болды

Қоян

-Мені қасқыр қуып келеді. Мен Аяз атаны қарсы алуға келіп едім, жолда түлкі мен қасқыр кездесіп, мені қуды, содан қаша жөнелдім. Қасқыр соңымнан қуып келеді, ал түлкі болса басқа жаққа кетіп қалды.

Осы кезде арсалаңдап қасқыр кіріп келеді. Ол шыршаны бір айналып шығып қоянға бас салады.

Бим

-Қасқыр сен қайдан келдің, бұл қай басыңғаның. Жөніңді айт. Мына қоян саған не істеді, неге қуып жүрсің.

Қасқыр

-Түлкі қоянды ұста деген соң, қуа жөнелдім

Бим

-Неге. Түлкінің өзі қайда.

Қасқыр

-Түлкінің өзі Аяз атаны адастыруға кетті. Ал мен қоянның ізіне түсіп, жеткен жерім осы болды.

Бом

-О, қу түлкі, жүрген жері шу түлкі. Ол бір келеңсіздік тудырмаса жүре алмайды-ау. Қасқыр сен қазір балаларға қонақ болып осында қаласың. Ал сен қоян мына хатты орман аңдарына жеткіз. Бұл орман аңдарын мерекеге шақыру хаты.

Қоян

-Жарайды бұл хатты міндетті түрде ормандағы аңдарға жеткіземін.

Бим

-Балалар, қасқырдың еш кінәсі жоқ қой. Кәнеки, қасқырды мерекеге шақырып,ойын ойнайық..

Қасқыр

-Ия, менде сендермен ойнағым келеді.

Ойын «Қар лақтырыспақ»

Бом

-Балалар, жақсы көңілді ойын ойнадық, шыршаға қуандық.. Енді тақпақтарымызды айтайы

Мөлдір Аппақ қар жауа бер,

Риза ғой саған ел.

Боратты-ау бораның

Қайратын қарай көр.

Алдияр Өткен жылға ырзамыз,

Өсе түсті бойымыз.

Қандық талай сырға біз,

Шарықтады ойымыз.

Ақнұр Жаңа жылды алдағы,

Көңіл өсіп көңейсін.

Ортақ ойы, арманы,

Жақсы дәстүр көбейсін.

Айлин Тамаша, тамаша,

Шыршамыз тұр жараса.

Басында әсем жұлдызы,

Көз тартады қараса.

Назия Жаңа жылды қарсы алып,

Жасаймыз той жылда біз.

Жарқын,жарқын ән салып,

Жалғасады жылға жыл.

Кәусәр Қалып едім сағынып,

Күтіп алдық жабылып

Жолын қойдық жарық қып,

Шыршаларға шам іліп.

Дилара Бізбен бірге ойнайды,

Жаңа жылды тойлайды.

Барлық бала бақытты

Болса екен деп ойлайды.

Айару Аппақ бүгін қыр, далам,

Ақ дастарқан жапқандай

Халық біткен қарбалас,

Қонақ күтіп жатқандай.

Ұ.Іңкәр Жаңа жыл,жаңа жыл

Жаңа жылда жаңа жыр.

Жасыл шырша жанында

Билеп барлық бала жүр.

Бақдәулет Ақ қырауға малынған

Сақалы да,мұрты да.

Аяз Ата сағынған

Сәлем берді жұртына.

Нұрдәулет Жаңа жылда алдағы,

Көңіл өсіп кеңейсін.

Ортақ ойы, арманы,

Жақсы дәстүр көбейсін

Мадина

Бим

-Жарайсыңдар, балалар. Мерекеге кімдер жетпейді.

Балалар

-Аяз ата, Ақшақар.

Бом

-Дұрыс балалар. Ендеше оларды шақырайық.

Балалар

-Аяз ата, Ақшақар.

Музыка әуенімен залға Аяз ата мен Ақшақар кіріп келеді. Шыршаны бір айналып.

Аяз ата

-Амансыңдар ма, ұлдарым.

Ақшақар

-Амансыңдар ма, қыздарым

Балалар

-Сәлеметсіз бе, Аяз ата, Ақшақар.

Аяз ата Өсіп қапты бойларың,

Тамаша ғой ойларың.

Құтты болсын балалар

Жаңа жылдық тойларын.

Бим

-Бізде әсем ән де, би де бар. Отыр ата сәл демал.\Аяз ата орындыққа отырады.\

Бом

-Аяз ата, Ақшақар біздің балаларымыздың сіздерге әзірлеген тамаша тақпақтары бар. Қабыл алыңыздар.

Балауса Көңілді көп қуаныш,

Әр көңілде жақсылық.

Кетер жылға мың алғыс,

Әкелген көп жақсылық.

Гүлнұр Әлде қарлы боранда,

Тау басынан түсті ме

Аяз ата оралды,

Ақ тон киіп үстіне.

Сезім Келіңіздер, келіңіздер,

Би де билеп беріңіздер.

Қызығы мол Жаңа жылдың,

Тамашасын көріңіздер.

Бейбарыс

Ақгүлім Өлең де әзір, ән әзір,

Ойын да әзір, бәрі әзір.

Кел, жаңа жыл, біздерге

Кел, жаңа жыл, жаңа жыл.

Ерасыл Аппақ тонға оранып,

Базарлықты мол алып.

Келді алыс сапардан

Аяз ата оралып.

Самал Жаңа жыл, жаңа жыл,

Сені күттім елеңдеп,

Өзіңменен ілесіп,

Аяз ата келер деп.

Азиз Жаңа жылым жол болсын,

Басқан қадам оң болсын.

Төрлет, төрлет жаңа жыл,

Бізге құтты жыл болсын.

Ерсайын Ақ қырауға малынған

Сақалы да,мұрты да.

Аяз Ата сағынған

Сәлем берді жұртына.

Алина

Бим

-Аяз ата өзіңізге арналған ұлдарымыздың биін тамашалаңыз.

Би «Гномиктер»

Ақшақар

-Өте тамаша, балалар. Біз сендерге арнап жұмбақтар дайындап әкелдік. Енді соны шешіп көріңдер.Солай емес пе Аяз ата.

Аяз ата

-Ия, ия балалар сендер биді де жақсы билейді екенсіңдер, тақпақтарың да керемет, ендеше жұмбақты қалай шешесіңдер көрейік. Ал қызым жасыр жұмбақты.

Жұмбақтар

Қыста ғана болады

Ұстасаң қолың тонады. \қар\

Үстінде бар жасыл тоны,

Шамдары бар жайнаған,

Балалар жүр қарап оны

Әнге басып айнала \шырша\

Сақалы желбіреп

Жүрегі елжіреп

Жылда бір келеді

Көп сыйлық береді. \Аяз ата\

Жаздай тынығады,

Қыстай зымырайды. \шана\

Суда батпайды

Отта жанбайды. \мұз\

Бом

-Балалар келіңдер Аяз атаны ортаға алып әнімізді шырқап берейік.

Хор «Аяз ата ортада»

Ақшақар

-Кәне ұлпақар сіңілдерім ортаға келіңдер, Аяз атаны салқындатып, бір би билеп берейік.

Би «Ұлпақарлар»

Аяз ата

-Рахмет қыздарым мен салқындап қалдым.

Бим

-Аяз ата осы сізбен бірге мұнда тамашалап отырған балаларымыздың ата-аналары отыр. Сол қонақтармен де бір ойын ойнап шіберсек қайтеді. Жаңа жыл бәріне ортақ мереке емес пе.

Аяз ата

-Ойнасақ ойнайық .

Бом

-Аяз ата ойынды мен ойнатайыншы. \Аяз ата келіседі\ Ойынның шартын түсіндіру.

Ата-аналармен ойын «Ойлан, тап»

Музыка әуенімен қоян қуанып кіреді

Қоян

- Аяз ата, Ақшақар, балалар. Мен сендер берген хатты орман аңдарына жеткіздім және оларды өзімен бірге ерте келдім. Қарсы алыңыздар.

Би «Аңдар»

Қоян шананы сүйреп келеді, үстінде қабы бар.

Бим

-Қоян сенің мына алып келгенің не нәрсе

Қоян

-Жана орманда келе жатып мына қапты көріп алып осында келдім.

Аяз ата

-Ой, қартайған басым. Бұл менің сиқырлы қабым ғой. Рахмет, қояным,рахмет. Сиқырлы қабым менің.

Бом

-Ата, осы сізді жұрттың бәрі ғажап сиқыршы дейді, сол рас па. Мен сенбеймін. Бим сен сенесіз бе.

Бим

-Ата сиқыршы босаңыз бізге жаңа жылды көрсетіңізші.

Аяз ата

-Сайқымазағым-ай, қалай сенбейсің.

Ал, балалар, менің ғажабымды көріңдер. Мен Жаңа жылды көрсетемін.Бисмиллах. Сиқырлы қап, Жаңа жылды тап. \кішкентай жылқы ойыншығын шығарып көрсетеді\

Бим

-Ой, мынау кішкентай ғой. Маған ұнамайды. Балалар, ал сендерге ұнады ма.

Аяз ата

-Қап, бұл қалай болғаны. Жарайды, тағыда сиқырлап көрейін \үлкендеу жылқы ойыншығын шығарып көрсетеді\.

Бом

-Ой, мынадай Жаңа жыл бола ма. Мынау ойыншық қой.

Аяз ата

-Әй, әй, сайқымазақтар сендерге ұнамай қойды ғой, жарайды, тағыда бір көрейін. Кәне балалар, бәріміз қосылып сиқырлы сөз айтайық 1, 2, 3 Жаңа жыл, қапқа келіп түс \қаптың аузын ашып, ішінен тірі жылқы шығады\.Міне Жаңа жыл.

Жылқы

-Мен жылқымын. Жаңа жыл менің жылымын. Ал кәне достарым, келіңдер. Жыл биін билеп берейікші.

Би «Тұлпарым»

Түлкі \шана сүйреп\

-Балалар, жаңа жылдарың құтты болсын. Аяз ата мен мына балалардың сыйлықтарын алып келдім.

Аяз ата

-Рахмет, түлкіжан кәзір мен балаларға сыйлығымды беремін кәзір, кәзір.\қаптың аузын ашады, ішінен шарлар шығады\.

Түлкі ішін ұстап күледі, домалап күледі.

Бим, Бом

-Әй, әй, қу түлкі жүрген жерің шу түлкі. Кәне түлкі біздің балаларымыздың сыйлықтарын қайтар, әйтпесе көресіні көрсетеміз.\түлкіні қуа жөнеледі\

Түлкі

-Құмаңдаршы, кешіріңдерші, мен сендерге сыйлықтарыңды тауып беремін. \Шыршаның астынан сыйлықты алып шығарады.\ Міне сыйлықтарың кешіріңдерші.

Аяз ата

-Балалар, біздер енді қайтайық, біз өздерің сияқты басқада балалар күтіп отыр. Сау болыңдар балалар жаңа жылдарың тағы да құтты болсын.

Аяз ата, Ақшақар, түлкі, қоян, қасқыр барлығы қоштасып шығып кетеді.