Ана-өмірдің гүлі

Тақырыбы: «Ана-өмірдің гүлі»

Мақсаты: мерекелік көңіл-күй құру,анасына,әжесіне сыйластықпен қарауға,құрметтеуге тәрбиелеу,ән және қозғаушылық дағдыларын дамыту.

(залға музыка сүйемелдеуімен қол ұстасып балалар кіреді)

Жүргізуші:

Бала бала бала деп,

Түнде шошып оянған.

Түнгі ұйқысын төрт бөліп,

Түнде бесік таянған.

Аяла қолды, толқытқан,

Қаймақты сүтпен қалқытқан.

Суық болса жүрегі,

Қорғасындай балқытқан.

Айналасына ас қойып,

Өзендей, көлдей шалқытқан.

Қолын қатты тигізбей,

Кір көйлек кигізбей.

Иісін жұпар аңқытқан,

Бұл кім балалар?

Балалардың жауабы: Ана-ана-ана

Жүргізуші:Әрине, бұл- ана, балалар.

Ендеше аналарымызға арналған «Ана – өмірдің гүлі» атты ертеңгілімізді бастайық. Балалардың орындауында «Айналайын мама» өліңін тамашалаңыздар.

Жүргізуші:Балаларымыздың аналарына арналған құттықтаулары да бар.

Аяла:Мен гүлдерді  жұлмаймын,

          Торғайларды қумаймын.

            Айтқан сөзді тыңдаймын,

            Анашымды сыйлаймын.

Әмір:Аналарды  сүйеміз,

          Сөзін ойға түйеміз.

          Әжені де ардақтап,

           Әдеппен бас иеміз.

Ерсұлтан:Баланың да тірегі,

                 Дананың да тірегі.

               Шаншымасын ешқашан,

                   Аналардың жүрегі.

Нұрасыл:Таңым болып атасың,

                 Күнім болып батасың.

               Мейірімді анасың,

               Бәрімізге панасың.

Жүргізуші: Біздің ұлдарымыз қыздарға тосын сый дайындап қойды.Балалар, оны шақырамыз ба?

Бәрі шапалақтайды.Залға музыка сүйемелдеуімен Сайқымазақ келеді.

Жүргізуші:Сәлеметсің бе,Сайқымазақ.

Сайқымазақ:Сәлеметсіңдер ме!Оппа! менің атым Тилли Вилли.Мен Америкадан  аналарды,қыздарды,әжелерді құттықтауға келдім.Хеллоу!(балалардың қолдарынан ұстап жүгіріп ам андасады)

-Мен бүгін сендерді күлдіріп, көңілдеріңді көтеремін.Ал қазір сендерге акробатикалық номер көрсетемін.(сайқымазақ басына тұрайын деп құлай береді)

Жүргізуші:қой Тилли Вилли, сен мойныңды сындырып аларсың.Одан да біздің балаларымыздың құттықтауларын тыңда.

Айтуар:Үн қатасың  бал тілмен,

 Еркелеймін әр күн мен.

Құттықтаймын  анашым,

Сегізінші наурызбен.

Самира:Күн нұрындай шуақты,

Мейірбанды нұр жүзің.

Сау бол әр кез қуатты,

Деп тілейді ұл-қызың.

Санжар:Мәпелейсің мені анам,

Қолыңдағы құсыңдай,

Құлпыра өсіп дем алам,

Құшағыңда қысылмай.

Аружан:Жақсы көрем күлкіңді,

Айналайын ақ мамам.

Менің анам сүйкімді,

Бәрінен де жақсы адам.

Ислам:Әр сөзімді жаттаған,

Жүрегінде сақтаған.

Анашым деп мақтанам,

Айналайын ақ анам.

Амина:Ақ қабақты анашым,

Күн сәулелі анашым.

Әлпештеген баласын,

Айналайын анашым.

Мансур:Бізді өсіріп баптаған,

Жақсы болсақ мақтаған.

Алтыным деп баптаған,

Айналайын ақ анам.

Алишер:Ана біздің күніміз,

Ананың біз гүліміз.

Құрметтейміз ананы,

Құттықтаймыз бүгін біз.

Нұрсұлтан:Құтты болсын анашым,

Сенің бүгін мерекең.

Асылхан:Құттықтаймын мама!

Ән «Мы запели песенку»

Сайқымазақ: Ал, балалар, мен бір ойын ойнағым келіп тұр.Аналарымызбен ойнаймыз ба?Онда қазір ортаға 2 бала анасымен ортаға шақырамын.Балалар аналарына қалай көмектеседі екен, көрейік.

«Кір жуу» ойыны.

Ойын шарты: аналары кір жуады,ал баласы оны іліп, қысқышпен қыстырып шығады.Кім бірінші бітірсе сол жеңіп шығады.

Сайқымазақ:Мен керемет ән айтамын.Маған микрофон беріңіз, әжелерді құттықтап ән айтайын.Маэстро, музыку!

(Музыка ойналып,сайқымазақ ырғағына қарамай ән айта бастайды)

Жүргізуші: Тилли-Вилли сен тамағыңды шаршатпа.Біздің балаларымыз да әжелеріне арнап тақпақтар дайындады.Соны тыңдайық.

Жанель:Менің әжем мейірбан,

Мені жақсы көреді.

Қажетіне жарасам,

Жас балаша күледі.

Асанали:аналарды сүйеміз,

Сөзін ойға түйеміз.

Әжені де ардақтап,

Әдеппен бас иеміз.

Нұрия:Менің әжем жыр әжем,

Шуағы мол нұр әжем.

Ақ таяққа сүйеніп,

Аман-есен жүр әжем.

Ән: «Әжем»

Жүргізуші:Тилли Вилли сен би билегенді ұнатасың ба?

Сайқымазақ:ЙӘӘ!Өте жақсы көремін.Қыздармен билегім келіп тұр.Олар сондай әдемі, қуыршақ секілді!

Жүргізуші: Ендеше қыздарымыздың «Қуыршақ» биін қабыл алыңыздар.

Би «Қуыршақтар»

Сайқымазақ:Бүгінгі мерекеге әкелеріміз де келіпті.Әкелермен бір ойын ойнағым келіп тұр.Ортаға 3 әкені шақырамын.

Ойын: «Бант байлау»

Ойын шарты:тартылған жіпке лентамен бант байлау керек.Бірінші болған жеңімпаз атанады.

(сайқымазақ әкелермен бірге ойнайды)

Жүргізуші:(машинаның дауысы естіледі)Бұл не қылған дыбыс?

А, бұл біздің ұлдарымыз машиналарымен келіп қалды.Қабыл алыңыздар.Тилли Вилли сені де бізбен бірге билеуге шақырамыз.

Би «Машина» ұлдардың орындауында.

Сайқымазақ: (Қорапты алып шығады)Қазір осы қораптан аналарға арналған сыйлықтарды алып шығамын.(ашып қалса іші бос)

Ой, қайда балалардың дайындаған сыйлығы?

Жүргізуші:Тилли Вилли сен сиқырлы сөздерді айтқан жоқсың ғой.

Сайқымазақ:Балалар,қандай сиқырлы сөздер білесіңдер?

(балалар сиқырлы сөздер айтады)

Сайқымазақ қорапты ашып,ішінен балалардың жасаған ашықхаттарын көрсетеді)

Жүргізуші:Бүгін көктем күнінде,

Барлық адам қуанар.

Аналарды мейраммен,

Құттықтайды балалар.

(балалар дайындаған сыйлықтарын аналарына, әжелеріне сыйлайды)

Жүргізуші:Осымен біздің мерекеміз аяқталды,келгендеріңізге көп рахмет.Мерекелеріңіз құтты болсын құрметті аналар,әжелер,қыздар.Сіздерге зор денсаулық, табыс,бақыт тілейміз.Сау болыныздар, кездескенше күн жақсы.